主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式-關]  [懷舊模式-開]  [Youtube 預覽-關]
[大字型]  [小字型]

您現在聚腳在  講故台內。

新增買賣台與「最新」排序顯示

早前有會員反映二手買賣區未能於M版及手機app上顯示,成效有限,建議開設買賣台。買賣台守則跟二手買賣區基本相同,所有買賣必須為個人性質,嚴禁商業形式的買賣及廣告宣傳。買賣台的帖子均不會於吹水台顯示。

此外,討論區加入「最新」排序顯示,按帖子發表時間排序,顯示24小時內最新發表的帖子。

香港高登管理員團隊
高登主頁 » 討論區 » 講故台

Locked 此貼文已鎖,將不接受回覆。

跳至第

發起人
[中學甜事] 想當年,交左隻有料USB比MISS...
1001個回應
廢話唔多講 文在下面


#good2#146  #bad#16 
標籤: 真人真事, 是咁的
一、

是咁的,本身呢件事都無打算放上高登,因為呢件係真人真事。

我之前都係高登開過POST,大約係三、四年前,不過只有第一版係真,之後既我都只係勁UP就算數。

因為我當時好驚死,而家人大左,諗返起,其實都無乜野姐,所以就打算原原本本咁將件事打出黎。

唔信既可以睇返我個紅人榜最舊果頁,三、四年前我出過個同而家差唔多標題既POST。

我既經歷雖然帶唔出咩大道理,但係非常之有親切感,故寫比各巴打細閱。


快啦Hi


二、

講故之前,請先比我講下當時既我。

咁我當時都只係個中五學生,無優點、無長處、無身高、無身家、普通樣。

不過我好識講野,好識睇人眉頭眼額,好易估到人既心情好壞。

所以我同同學間既關係都唔錯,至少唔係比人恰、杯葛果堆。

咁我一直都係成績中遊、運動中遊、打機中遊既人…

無錯,我的確好平庸,但又未至於零存在感,基本上班上面男男女女,有活動既多數都預我。

大約我就係一個咁既人,事關我諗到就打,可能未講曬,巴打們想知既可以問。


三、

廢話講完,花左大家幾分鐘時間去聽我形容自己…咁就講返單野喇!

有一晚,我就做返功課,做到大約兩點幾,迷迷慒慒咁。

睇埋套AV,打完丁就去左訓覺。

訓訓下屙夜尿果時突然醒起好似有啲野未做,一路屙一路諗…

頂你原來未入功課落隻手指度!

點解要用USB交功課呢?就係因為我地學校個所謂ECLASS根本係垃圾,無人會用。

咁好啦,一開機,見到份功課,就諗住拉落隻手指度,之後就諗住去搵返以前用開果隻手指。

Auntie搵極都無,我打完丁又攰又眼訓,咪隨手拎左擺係枱面果隻USB囉。


留名


有未文未呀
其實我是來留名的


留名


四、

咁好喇,一覺訓到天光,第一返到學校,特登扮乖仔,上堂果時第一個隊隻USB比MISS C。

當時,我覺得,成件事應該就咁告一段落…

LUNCH果時,估唔到平時唔會研究功課既朋友竟然都係度傾岩先份功課!

咁我一向交完功課都唔再理,咪佢地有佢地講,我有我食飯。

其中有個朋友就話:「我隻手指入面好似有第二科既野未刪,唔知MISS C會唔會撈亂呢?」

咁另一個人聽到之後突然震左震,爆左句:「死得!唔記得左好似有幾張J圖係入面添!」

我聽到之後即刻笑佢,話:「白痴仔,J圖都擺得入去,你Hi Hi喇!」

到果一刻我都係諗住睇個朋友遲下點死。


留名





五、

返到屋企,無乜野好做,就上下網咁啦。

話說果時都仲未用WHATSAPP、SKYPE,所以多數都係用MSN,咁果時MSN就響左下。

望一望,個MSN個名後面拉住串日文「月之淚XXX」之類,係呀牛。

呀牛,就係今日食LUNCH果時,話有J圖係USB入面果條友仔。

咁呀牛就係MSN打幾句比我:「呢獲真係亞太區有一天成為亞太區得街」、「隻手指入面仲有我自己既裸照…」、「點算呀…」

果下我望到真係笑到口水都流埋出黎!

我就打左句:「唔緊要啦 你分開擺既話應該無事」

咁老實講,我覺得分開兩個FILE擺,都有機會會無事既。

點知呀牛就話:「我應該係 JJJJJJJJJJJJJ 功課.doc JJJJJJJJJJJJJJJJJJJJ咁」、「J=J圖」

睇到之後我都笑到透唔到氣。個肚都若隱若現,好似有PACK腹肌出緊黎咁。





留名








酒已腸, 如果個故事係假嘅話 就Hi爆你菊花





六、

講真,我地個MISS C係訓導主任,五六十歲,長期更年期狀態,學校除左班刷鞋仔之外,應該無人佢係睇得順眼。

佢「其貌不揚」,而且積威極深,如像千年老妖,兇惡形象已經深入民心,所有學生都好驚佢。

如果呀牛單野比佢發現左,真係亞太區有一天成為亞太區得街…

「唔緊要既 你聽日試下問佢拎返隻USB囉…」我同呀牛講。

呀牛話:「本身我今日下晝就想搵佢 點知佢出左學校 學生又唔入得教員室 唉」

「加油啦 有咩唔掂既 搵我」我懶係義仔氣仔女咁講,講聲BYE BYE就關MSN。

咁我都開始做自己野,整理自己啲AV。


七、

整整下,又搵返啲舊USB出黎,睇下有無漏網之魚。

點知呢個時候竟然搵返用開果隻、諗住用黎交功課果隻手指喎。

咁我都順手睇上入面有乜野,打開隻手指,見到有個EXCEL FILE,未命名。

於是我就打開佢黎睇,睇睇下,我越黎越覺得唔對路…

個EXCEL原來係我好耐之前整落既LIST,列出邊隻USB有咩AV咁。

咁岩我又想睇下自己啲RIO片齊唔齊,點知我一搵「RIO」…

咁個EXCEL就彈左張圖出黎…咦?隻手指…咪我今日交出去果隻?!

「容量:2GB、內容:100發、RIO」望到呢堆野果刻,我成個人當堂石化左…





八、

如果呀牛係「JJJJJJJJJJJJJ 功課.doc JJJJJJJJJJJJJJJJJJJJ」,咁我咪「AV 功課.doc AV」?!

呢獲真係亞太區有一天成為亞太區得街!我即刻亞太區有一天成為亞太區返上MSN搵呀牛,我劈頭就問佢:「你啲J圖有無露點?」

「傻既 緊係無啦」呀牛答我。

我即刻吸左啖涼氣,背脊都不自覺咁寒左下…打左個冷震!

「講樣好消息你知」呀牛打左句咁既野出黎。

老實講,我邊有心機聽?我而家隻USB有AV既機會起碼大於80%!

一來我無理由唔信自己寫既野,二來我交出去既USB,同個LIST張圖果隻係完全一樣!

唔緊要既!聽日我同呀牛一齊去搵MISS,應該有得傾既…就算死都有呀牛陪我嘛!

「媽田 原來我記錯左 我交比MISS果隻USB根本唔係有J圖果隻」

「有J圖果隻我搵返喇 仲係屋企」

「所以你岩岩問我J圖有無露點我咁清楚!」

……


九、

「Auntie 你係唔係兄弟黎?」我一句車埋去就OFF MSN。

其實都唔關呀牛事,而家諗返起都覺得果時好傻仔。

不過果時我真係成個人驚到震曬,方寸大亂,好驚自己遲下會比人鞭屍咁鞭…

你諗下,比隻千年兇神老妖瘋狂鞭屍係件幾咁恐怖既事?

最抵死既係呀牛隻USB竟然無J圖!本身我以為有個同伴,點知轉眼就無左…

我一路係間屋度行黎行去,都唔知轉左幾多個圈…

就係呢個時候,我部電話響起,我行埋去拎起一睇,係MISS A打電話黎。





留名





跳至第

高登主頁 » 討論區 » 講故台

Locked 此貼文已鎖,將不接受回覆。



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 28/7/2017 0:40
今天貼文總數: 994 | 累積文章數目: 6,206,826

聯絡我們 | 服務條款 | 私隱政策 | 廣告查詢 | 職位空缺
Copyright © 2017 HKGolden.com. All Rights Reserved.