主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

請大家務必定期更改密碼

有見近日有會員懷疑自己帳號被盜用,我們在此向大家呼籲,為保安理由請定期更改密碼,並要為電腦安裝最新的網絡保安軟件,如無必要亦請不要在不屬於自己的電腦登入任何需要密碼的網站,謝謝各位。

香港高登管理員團隊
精選文章
跳至第

發起人
《後香港小男人週記》
535 個回應
柏原太賀

Member
《後香港小男人週記》

2012年某月某日

阿賓。

我叫做阿賓,今年已經三十歲。同我年紀一樣嘅朋友,其實大部份想法差不多, 以為一大學畢業之後就可以順風順水。點知畢業前有SARS,想轉工前有金融海嘯,結果到呢一刻都仲係同屋企人一齊住。

我有一個已經拍拖五年女朋友,佢同大部分時下女士都有同一個「微小」嘅要求, 就係可以有一間唔計大細嘅屋先結婚。所以,我每日都死慳死抵去儲錢,希望有一日可以完成同Phoebe 結婚嘅人生任務。無錯,Phoebe 就係我女朋友個名,不過自從有個叫許穎嘅「靚」模出咗寫真集之後,佢好似成日想改名。

而我平日根本就無任何興趣,唯一比較在行只係煮下飯仔。不過,呢樣嘢同我工作唔係好大關係,所以到呢一刻仍然只係一個間廣告公司嘅高級營業員。

Week 1

Mon


今晚又係去Phoebe屋企食晚飯。
其實我完全唔介意同佢屋企人食飯,如果佢地係啞的話。可惜事與願違,佢地係不正常地多嘢講。
Phoebe 阿媽幾乎每次見面都有同一問題:「阿賓,其實你有無咩打算呀?Phoebe已經差不多三十啦!」
「伯母,我已經好努力儲緊錢。」
「媽,唔好迫阿賓啦,講到我好似好憂嫁咁。」Phoebe其實真係好,又一次幫我解圍。

食完飯之後,我同Phoebe幫手洗碗。Phoebe細細聲同我講咗一件事。
「阿賓,細佬五個月之後結婚啦!」
「吓!咁快,佢同佢女朋友拍拖只係一年。」我表示驚訝。

Phoebe細佬係做地盤科文。
未出社會工作之前,我一直比老豆蒙在鼓裡,相信用腦力比用勞力更易搵錢。誰不知原來做地盤工先係真正有前途!Phoebe細佬Form 5畢業之後做地盤,六年升職三次,加上半工讀一個學位,而家人工比我同Phoebe仲高,早兩年仲搬咗出去一個人住。

「阿賓,不如我地真係諗一諗幾時結婚,好嗎?」

Phoebe,我想講我真係有諗,但係我真係未有錢買樓。


#good2#79    #bad#0  
標籤:
Tue

一早返公司就比人捉入房照肺。

「阿賓哥,你係唔係玩野呀?李生剛剛打比我投訴你,話你個proposal 完全同佢要求唔同。」
「Henry,李生出個budget 根本係無可能請到陳法拉做代言人。」我理直氣壯咁回應。
「你唔問下TVB又知唔得,唔比人地有興趣咩?」
我坦白話比Henry知其實李生要求陳法拉全裸去拍一個潤膚露廣告,個budget連請未跟何超雲之前嘅陳山聰都唔夠。

得到一句回應:
「你唔問下何超雲又點知陳山聰無興趣拍呀?」

Fine! 我忍,不過我發誓如果有一日head住佢,我要佢…點好呢﹖仲未諗到。Anyway, 我仲未有條件好型咁講句「我唔撈!」

Wed

今日返到公司,我完全忘記咗尋日有一刻諗過「唔撈」。

一返到公司門口,就比我老死Eric拉埋一邊。
「老闆請咗個新人返工, 據聞今年剛剛大學畢業,而且超正!而家响老闆房。」
Eric 係我大學同學兼同事,佢集合咗人類兩大特徵於一身,就係男人嘅鹹濕同女人嘅八掛。

說時遲那時快,老闆已經帶同傳說中「超正」新人出現,預備介紹比大家。第一個感覺係相當普通,短頭髮,面尖尖,不過對眼好細,著住一件黑色恤衫加西裙,係相當穩紮穩打裝扮。

「大家好,我叫Suki。我今年剛剛畢業,聽日會係第一日返工,希望大家多多指教。」

Suki 普通到不能再普通嘅外表同開場白,原本應該為全公司男同事潑一盤冷水。點知比Suki 自我介紹完之後,嚟一個向前鞠躬殺我地全部人一個措手不及,領口下嘅事業線原來深不可測。

不過,令我失望係老闆安排Suki 跟Eric學嘢。唔知點解,我忽然諗起「送羊入虎口」呢幾個字。


Thu

如果一間公司想提升同事對公司歸屬感的話,其實請個有「事業心 (口)」嘅後生女絕對比浪費金錢搞Team-building有效。

平日9點,office 應該只有一半人左右返到,當中男同事佔遲到總人口八成妁上。

不過,Suki正式返工第一日就已經為公司製造一個奇蹟 — 男同事準時返工率竟然高達87.5%。全公司男同事共8人,只有一人遲到,就係負責帶Suki 嘅Eric。

按Eric 平日為人,其實只要有「女」就會亞太區有一天成為亞太區倒去,未見佢出現確係奇怪。打電話比佢一問,先知道原來佢著對有少少踭嘅新鞋返工,計劃為佢原本只有5尺5寸嘅身高多加兩寸。點知追巴士時, 新鞋著唔慣「拗柴」。

我就因禍得福,老闆叫Suki 改為跟我。當然,我心係好歡喜,但同時感受到全公司男同事嘅殺氣。難怪有人話辦公室就好似大自然一樣咁殘酷,所有「猛獸」都會對「食物」虎視眈眈。

而我就冷手執個熱煎堆,仲要係一次有兩個「大煎堆」响面前。

唔知呢一刻我提出共產主義,會有幾多人支持呢﹖

Fri

雖然我上次無辦法幫李生搵陳法拉全裸拍廣告,不過客始終係要見,而「見客」最高境界唔係你點睇,而係你點聽。

早前有個廣告slogan係「用心聆聽,XX金融」。我懷疑呢個slogan 係比營業員聽,叫佢地忍下D口水不絕嘅客。

「阿賓,上次我唔係想投訴你。不過,你老闆問起,我先比下意見。咁我又真係好想睇法拉,佢上次電視除剩件底,真係正到呢﹗仲有之前…」
強迫聽完法拉被意淫咗一大段時間之後,我聽到佢最尾一句「你明啦﹗」

「明﹗完全明晒﹗」
頂﹗幾時先講返個廣告project 呀,大佬﹖

有好多女人唔明白點解麻甩佬可以圍埋講女人講到咁興奮,而且仲係可以跨年齡。李生點睇都大我十幾廿年,真係生得我出。不過,只要一講到女人,大家仍然可以談笑風生。

其實我唔明白,相都無張嘅情況下有咩好傾,但總比講國家大事有趣,因為我連胡錦濤係國家主席定總理都分唔清。可能對男人而言,「女人」先係共同語言。而且用海綿體比用腦去思考,似乎更簡單直接。

「阿賓,今次真係唔好意思,其實我尋日已經同另一間公司簽咗。」
頂﹗你唔早講﹗
「不過,我有個世姪女而家响大陸有間公司,遲下可能會到香港搞分店。到時會介紹你比佢識。」
「好!咁真係要多謝先啦﹗」
呢種好來好去嘅說話,我認為只係禮貌少少咁打發你走。

離開李生個office,一個人著住成套老西&


Sat

今時今日,我公司竟然仲要返五日半,真係同大市逆向發展。

往日星期六返工無聊等放工嘅情況,今日竟然完全改變,原因又係因為Suki。 Causal wear日,Suki著咗一件大圓領貼身tee。果條突破領口嘅事業線,令一班男同事都精神奕奕,半日走來走去攞文件。而且總會經過Suki 個位附近,個個由高空咁俯瞰落去。賤格﹗

我係絕對唔會做呢種行為,一來太張揚,二來我坐正Suki 對面,而且我地中間件屏風係玻璃…

星期六夜晚係我每星期最期待嘅一晚。

住响香港呢個大都市,我反對一切資本家不停加價,完全無視社會責任,小市民每日生活追唔上通脹。其中最嚴重係房屋需求,樓價比天高之餘仲要縮水。

房屋明顯係一個成年市民嘅基本需要,因為香港解決生理需要係要有瓦遮頭先唔犯法。所以如果好似我呢種無產階級,唯一方法就係去時鐘酒店,即係「爆房」。

我同Phoebe協議好一個星期會去一次爆房,如果唔係佢唔方便果幾日,一般都會係星期六晚,咁可以過埋夜先走。其實過夜同按鐘計分別唔大,因為如果你半夜走人一定係搭的士。我住沙田,Phoebe住北角,如果搭的士隨時仲貴過過夜。

Phoebe平日係一個好女仔,佢好為我著想,而且响佢屋企人面前永遠維護我。不過,一個好女仔絕對唔係一個好嘅性伴侶,佢實在太乖啦!我雖然唔係佢第一個男人,不過佢每次上床都好怕醜,而且個胸圍永遠係白色全柸,真係老土都爆。

「Phoebe,不如我地開燈做,好嗎﹖」
「唔好啦﹗咁醜,。」
「咁不如轉下位,妳上我下呀﹖」
「唔好。我唔識。」
「咁妳試下用口幫我…」
「唔得呀﹗上次整到人成口都係…」
「Ok! 妳可以投入少少,叫大聲D嗎?」
「咁咪比隔離房知我地做緊囉﹗」

Great! 我地而家去時鐘酒店,唔係做愛,唔通唱K咩﹗
不過,我又明白Phoebe為人係點,所以每次我都用比見客更多嘅創意,去幻想Phoebe係一個人前淑女,床上蕩婦嘅完美女友。

正當我一如往日咁搓弄Phoebe大約B Cup嘅胸部果時,腦中突然閃出一個「大波妹」嘅影像。
一對D Cup 胸前蕩漾,望上少少;
鎖骨幼而微突,望多少少;
朱唇輕咬手指,再望上少少;
一對鳳眼勾魂奪魄…等等…個樣好面善。

Great! 係Suki!

正確D去講應該係︰I imagined Suki making love with me when I was Greating Phoebe!


Sun

我竟然同Phoebe做愛果時諗起第二個識嘅女人,我覺得我思想上出賣咗佢。

無錯!我係認為如果幻想一個唔識嘅人,例如女明星,咁就係人之常情。

呢個諗法同心理學或者哲學一D關係都無。我只係單純地以偷食機會率出發,即係你同一個女同事偷食機會一定比你同法拉上床機會高一千萬倍。當然,如果你係佢同事就另作別論。

因此,我決定嚴懲自己。全日留响房,不停強迫自己上網去睇鹹片,而且專睇個胸大過Suki嘅,務求幫自己洗腦。

結果當晚老豆嗌我食飯果時,我好爽口咁答佢:「媽爹﹗媽爹﹗」(日語:等等。)


因字數超過限制,所以Thu + Fri 少咗最後兩句。而家加返 Fri 最後最後兩句。

Fri

雖然我上次無辦法幫李生搵陳法拉全裸拍廣告,不過客始終係要見,而「見客」最高境界唔係你點睇,而係你點聽。

早前有個廣告slogan係「用心聆聽,XX金融」。我懷疑呢個slogan 係比營業員聽,叫佢地忍下D口水不絕嘅客。

「阿賓,上次我唔係想投訴你。不過,你老闆問起,我先比下意見。咁我又真係好想睇法拉,佢上次電視除剩件底,真係正到呢﹗仲有之前…」
強迫聽完法拉被意淫咗一大段時間之後,我聽到佢最尾一句「你明啦﹗」

「明﹗完全明晒﹗」
頂﹗幾時先講返個廣告project 呀,大佬﹖

有好多女人唔明白點解麻甩佬可以圍埋講女人講到咁興奮,而且仲係可以跨年齡。李生點睇都大我十幾廿年,真係生得我出。不過,只要一講到女人,大家仍然可以談笑風生。

其實我唔明白,相都無張嘅情況下有咩好傾,但總比講國家大事有趣,因為我連胡錦濤係國家主席定總理都分唔清。可能對男人而言,「女人」先係共同語言。而且用海綿體比用腦去思考,似乎更簡單直接。

「阿賓,今次真係唔好意思,其實我尋日已經同另一間公司簽咗。」
頂﹗你唔早講﹗
「不過,我有個世姪女而家响大陸有間公司,遲下可能會到香港搞分店。到時會介紹你比佢識。」
「好!咁真係要多謝先啦﹗」
呢種好來好去嘅說話,我認為只係禮貌少少咁打發你走。

離開李生個office,一個人著住成套老西响西環,海風送來陣陣鹹魚味。

突然,我覺得自己人生好失敗。



留名


Sat 修改原文最後兩句

Fuck! 係Suki!

正確D去講應該係︰I imagined Suki making love with me when I was Fucking Phoebe!


lm


#good#


好得,真係阿寬咁嘅筆觸,加油


留名


#hoho# #hoho# #hoho# 幾時出WEEK2 ?


留名


文呀 #fire#


#hoho# #hoho# #hoho# 幾時出WEEK2 ?


預定每星期一WEEK


#hoho#


留名


留明#good#


lm


留名


留名


留名


#hoho# 留名#good#


#good#


:)


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 10/12/2018 21:04
今天貼文總數: 680 | 累積文章數目: 6,440,306

聯絡我們 | 服務條款 | 私隱政策 | 廣告查詢 | 職位空缺
Copyright © 2018 HKGolden.com. All Rights Reserved.