主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式-關]  [懷舊模式-開]  [Youtube 預覽-關]
[大字型]  [小字型]

您現在聚腳在  學術台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
跳至第

發起人
地理科技巧分享加課題分析
134個回應
相信唔少巴絲係修讀地理科都可能遇到唔同既困難,接下來我首先會簡介我自己
跟住會先分享小小溫習答題技巧,然後再將7個必修同4個選修既課題逐一分析
我係2014年日校生 係學校d test到成日炒甚至0分但最後final mock升上全級第二
然後DSE考完之後本來我都係預自己得4級左右,但最後都5**到,首先要多謝EAA先
我想講既唔係我有幾威有幾勁,係想講大家學校考得差係正常,唔代表你出到去考得差
只要你肯堅持溫,唔好睇死自己唔得,係試場堅持到最後,我相信一定可以拎到唔錯既成績既
好,廢話唔再多講,而家即刻入正題(以下我會當你地全部用牛津書)

我會將地理科要讀既野分開4大類先
1)自然地理類C1-C2,E1-E2
2)人文地理類C3-C4,E3
3)綜合類C5-C7,E4
4)畫圖統計及其他應用
我強烈建議全部做自然地理同綜合類,揀題目揀自然地理同綜合類永遠都係必勝既關鍵
我今年必修就揀左C1 C6做LQ 揀左C5做Essay 選修就E1E2
自然地理有標準答案,其實背past paper d答案已經足夠拎到4以上
但好似今年咁,要考少少轉數既就要明左個概念先可以答到,但比人文地理情況都要好
人文地理就似吹水,一吹唔中就會失分,同埋寫Esaay需要極大量時事例子先俾到高分你
我就唔建議你讀人文地理,應該All in自然地理,人文地理當溫黎做MC啦...
除非你人文地理好有興趣,如果唔係真係強烈建議你唔好花太多時間入去
而跟住落黎我會將d課題分類,分享下咩topic答DBQ好咩topic答Essay好(只屬個人意見)

C1 DBQ>Essay C2 Essay>DBQ C3 DBQ>=Essay C4 Essay>DBQ
C5 Essay>=DBQ C6DBQ>=Essay C7 DBQ>Essay
E1 DBQ>=Essay E2 DBQ=Essay E3 Essay>=DBQ E4DBQ>Essay
總括而言答題目最理想係
paper 1 DBQ答(C1/C7)>(C3/C5/C6)>(C2/C4)
Essay (C1/C2)>(C5/C7)>(C6)>(C3/C4)
Paper 2 DBQ答(E1/E2/E4)>(E3)
Paere 2 Essay答(E2)>=(E1)>(E4)>(E3)
點解我會有以上講法我會係下面繼續講,而家講左先點樣操卷先

MC:
MC 建議限20分鐘之內做晒地圖題以外睇目,盡量令自己快d完成唔好諗咁耐
至於地圖題既訓練你可以做Sample Paper 練習卷 2012 2013 2014訓練
但都唔夠既可以做埋2007打後CE同埋精工出版社出既地理技巧總溫
你有本事將上面d地圖題重覆做幾次,已經夠做2015甚至之後既DSE
練地圖題,計坡度,搵等高線果d的而且確好煩,但加油!!呢8題其實都真係好重要!!


#good2#22  #bad#1 
標籤:
DBQ:
DBQ方面請你做一次,然後考DSE前2-3日再拎黎做一次
可以試下咁樣做:以2007年Paper 1 Q2 b)為例,問你印尼點樣形成
其實即係問你火山島點樣形成,你就唔洗寫幾百字俾佢先叫操
而係用pt form係寫:
-破壞性板塊邊界
-擠壓力
-歐亞和印度-澳洲板塊相撞
-形成弱線
-增加壓力....etc
你做完之後就對下答案睇下自己中左幾多個point拎到幾多分
另外請留意,就咁pt form係冇分既,一定要elab,唔好懶,因為有時elab果part都係marking會有
另外如果題目要你畫線形圖/複合棒形圖果d唔識/唔肯定就唔好畫,因為會失好多分
如果條題目叫你畫註釋圖,唔該立即去馬,送分俾你執,
如果你連註釋圖都唔溫咁地理炒左真係唔好怪人
Essay:
同DBQ大同小異,但你要寫好多好多個point 我諗每部份寫20個左右
然之後將d類似相近既point group埋一齊,寫成一段
即係一個大方向入面有少量細point
例如問你農業特徵,你咪寫人文因素一段再分拆幾個point(勞工/市場/運輸...etc)
然後再寫一段自然因素 或者自然因素再分做2段(氣候 & 土地)
字數方面相信係好多人關心既問題,我認為中文3版,英文4-5版已經好夠
d人話1條Essay寫10版我真係唔明點樣寫到出黎,係咪狂刪
Essay其實同通識有少少似,都係睇marker點睇,最近d marking愈出愈少字
巴絲們想背marking請搵AL paper
之後分享下溫書次序,我會解釋埋點解
全球增溫>天氣與氣候>機會與風險>動態的地球>持續的挑戰>農業>雨林>城市/工業>工業/城市>運輸
全球增溫d野其實同天氣好有關係
例如全球增溫入面年氣溫分佈等等,其實天氣都會涉及到(沙塵暴/低氣壓)等等
我呢個次序好明顯係分開左人文還人文自然還自然咁樣溫
可以有溫故知新之效
最好答題目一定係動態的地球再加天氣與氣候
原因我上面都講左
有d人話呢科勁背,我就唔agger,講真你背得幾多,唔係唔洗背,但唔好勁背囉
即係你溫自然地理唔好死背,要諗下點解果樣野發生,有咩因素導致佢發生
首先明左概念(基本知識),跟住題目點出都難唔到你啦


另外SQ方面呢,其實最緊要係中point
我建議溫書時可將咁多年來既CE卷同1個topic既題目group做1組
你就會發現d題目來來去去都係一樣,答案來來去去都係果d
同埋學校俾你既test同exam你唔洗睇得太重
果d傻的嗎出版社出題目亂咁黎,你keep住溫past paper其實已經可以秒到公開試d題目
而中六開始唔好再掂運輸課書喇...死得人多,你打開份pp都會發現年年最少人揀,尤其DBQ
真係死得人多,我果班全級第一去考JY mock得1/18出到去冇再揀運輸結果5
你可能話JY專登出得難嚇勁人,但事實上2013條物流,本牛津書真係搵唔到答案
高增值物流服務本書都冇up過下,勁吹實出事
我間學校係教E1E3E4,最後尾除左我之外最高成績都係得5級
運輸課書係好難讀,我自己都讀唔掂先走去自修E2
我當初自修天氣與氣候都只係花左好少時間去讀就明左
其實呢科書入面有1/3內容公開試都係唔考既(輻射收支同埋柯本氣候分類)
所以溫起上黎比較輕鬆 而呢科都好易入腦
例如颱風係點樣形成 你就要諗下咩時候有颱風,哦!原來夏天有颱風既,咁就諗到低氣壓
低氣壓係因為高溫所以出現 --->海水大量蒸發--->為颱風提供能量--->潛熱釋放--->形成塔狀積雲--->風逆時針飛入(科里奧利力)--->形成颱風
可能係理科底既人比較易上手...
強烈建議冇讀E2既人自修E2
佢出d問題可以好傻的嗎,試過有一年會考問你颳風襲港會有咩天氣轉變
-降雨 -多雲 -氣溫下降 -氣壓下降 etc老實講唔洗讀呢課書都識吹
另外如果只讀E1E2既巴絲們想保險可以讀埋E4
近年E4 DBQ都出得好淺,勁背牛津書都可以好高分,誠意推介
但要比E1E2>E4始終一問到人文都易出事


補習方面我覺得冇話邊個特別好邊個特別差,但我覺得你地可以揀下幾個特別出名既去試
J字頭 S字頭 T字頭 睇下邊個個教法岩你地
唔好話我打手,我真係淨係知有呢3條友係補地理...算比較出名啦
最後係C1去到E4既小分析
C1:呢課主要係抽象概念但出面考得淺,基本上玩勁背,認下板塊,睇下咩類型邊界
練下註釋圖都已經袋到唔小心,如果再高手向直頭唔洗背
用上面個思維去諗返點解會導致個地貌/災害發生,有咩因素會影響佢發生
C2:呢課我就唔太建議讀,因為實在太長氣,如果你想考試揀呢課你應該識下面幾樣野先
第一係河流海岸作用你熟唔熟先,俾個地圖你問你果度有咩因素導致海蝕崖你識唔識搵?
有冇信心搵到晒?
第二係背d地貌點樣形成同埋識唔識畫註釋圖,有十幾種地貌你要識晒
如果要你畫三角洲點樣形成,你會由邊到開始?寫d咩上去?
第三,呢課好鍾意crossover例如講到泛濫平原你要諗起有沖積土有水供應做灌溉
河流海岸呢課你要背真係背死你,但係明concept,一里通百里明,你絕對玩得過
C3:表面上係問你美國IT同中國鋼鐵,事實上香港工業發展,印度班加羅爾,
甚至深圳廣州科技區都有機會問到,如果係一個唔熟悉既環境下,你有冇辦法靈活運用到
地理概念?多邊區位生產點樣同工業遷移扯上關係?有咩因素導致?
今年2014條C3就俾左廣東省資料你叫你討論對當地既社經影響
如果你唔太熟廣東省冇錯你係拎到分,但係容易拎唔足分,如果你分析力強,其實都可以一試
利用佢俾你既資料即時諗到point,講真呢d題目答到拎5**我覺得先係真正5**
因為自然地理都係勁背多 利申:我係勁背


C4:城市呢課書,溫黎做MC就算,唔講太多,呢課既題目係要你有細心既觀察力先可以突圍
而且要有時事觸覺,多例子...每年地圖題幾乎秒殺考生,Essay答佢十個有九個離題
都係果句,今年答城市拎到5**我真心佩服你地
C5:記得二十個字已經可以秒殺一半分題,拎左9分
氣候/土地/水文/土壤/科技/勞工/資金/政治/教育/交通
問你咩地方就照key返d字上去,搞掂
另外通常好中意叫你評估d咩咩有效性
咩叫精確農業,咩叫農業科技?我問你,有機肥料算唔算農業科技?溫室又算唔算?
如果你有一刻係懷疑過就證明你未太熟呢課
仲有複種,間種,旱耕又係咩黎?其實識埋呢d再勁背埋薩赫勒/南加洲基本上已經玩晒
C6:熱帶雨林近年出黎出去都冇咩意外,基本上勁背都好夠做
但係你要搞清楚印尼雨林同巴西雨林個情況,唔好勁做
例如巴西濫伐林木情況有改善,但印尼愈來愈衰你又知唔知?亂咁答隨時置你死地
但大路野問你咩生態影響果d都唔難答既
C7:全個必修入面最易果課,如果係出DBQ
基本上你識呢廿幾隻字你都岩到好多
緯度/季節/晝夜/雲量/離海遠近/洋流/風/地勢/坡向/高度
通常要你比較兩個地方之類
跟住你要識既係地球溫室效應個機制,同埋要知道咩氣體有咩用同邊到黎
例如甲烷係溫室氣體,可以由農業種植水稻同養牛產生
另外可以再記下有咩國際合作,其實通識都有讀啦....放係Essay到又可以屈分


E1:動態地球,呢課地球系統果part係廢既,可以完全唔讀,99%機會唔出
如果擔心可以望兩眼,會考高考到而家都未出過
然後下一個重點係3個內部作用同4個外部作用,要知點樣發生同有咩因素令到佢發生
你要好熟悉呢四樣野.而要讀到好熟既岩石有4種
1)花崗岩 2)凝灰岩 3)粉砂岩 4)礫岩 呢4種成日考
香港岩石地貌同分佈真係要記熟佢,呢個好重要
風化應該係死最多人既1part,今年出左生物作用,應該短期唔會再出
但都溫熟佢,今年有出註釋圖,但下年都仍然係大熱,請小心
人類活動對山坡影響,山泥傾瀉呢d出Essay其實好值得答
好多學校mock都中意出呢d,牛津書有8個point,勁背就冇咩大問題...但山泥傾瀉本書講得比較少
補下習冇壞,尤其選修問既野好多時唔會係本書直接出...
E2:全地理最易讀既topic,而且輻射收支同枯本氣候分類重來唔考
但係你要對天氣圖好熟悉,某幾類符號你一定要識分
冷鋒係咩符號?降水又係咩符號?呢個溫溫佢好重要
講到尾呢課來來去去都係日照/氣溫/氣壓/風同降水
要知道邊樣影響邊樣,concept清左基本上唔係背已經識答
例如人地問你颳風點形成果d,d分送俾你咁個款
之後係中國氣候,其實你好似通識咁,記住南北差異同東西差異就夠,我今年就係答呢題
南方年溫差低/潮濕/熱帶(亞熱帶)/降雨量多/日射量高(入射角大)
北方咪就係調返轉,問你青島又好,烏魯木齊又好,根本係送
人文果part係麻煩d,書寫得唔太夠,補下習都冇壞/或者買notes
E3:唔建議讀,請立即棄船,如果學校只教2個而其中1個係E3,請自修E1/E2
如果驚自修唔掂可以搵下我補1個選修部份既(E2)
如果你第一次做Sample paper 練習卷 2012 2013 2014全部岩到一半,你已經係讀運輸既人入面最勁果批人,你可以玩落去,但我唔建議,
我間學校全級第一去考JY mock得1/18出到去冇再揀運輸結果5
係要玩唔係問題,自行承擔風險...


E4:珠三角,近期出得好淺,課程係4個選修入面最短
但係呢個幾建議補下習,因為最近都係貼住時事出...本書就09年出版
到下年已經差成6年,自己諗下d人out到咩地步...
呢課第1part同你探討咩野叫珠三角,可skip,考試唔會考
重點係農業/工業/污染問題,選修果part會出DBQ同Essay,唔到你唔讀晒成本書
必修部份可能都可以揀黎讀,但選修請讀晒...因為你溫左果d1唔出就
如果巴絲們有咩想問可以響呢個post發問,或者pm問都冇問題
字海太長唔好意思,始終地理個課程範圍太闊唔能夠逐一仔細分析,我已經盡量cover晒
另外其他地理5**唔agger我或者有其他睇法都歡迎交流意見

最後送上Geog past paper 中英都有
http://www.sendspace.com/filegroup/9g8c2qOkSveYwDawkfufWC7uE9MIildn


lm


lmlm[bomb]


留名


終於睇晒#hoho#


係邊到買marking?


係邊到買marking?


係邊到買marking?


c6係咩類?


係邊到買marking?

個檔入面冇marking?


c6係咩類?

綜合類,又有自然地理又有人文地理係入面


已pm[sosad]


我想問下 如果我自己冇修地理
但係我想自修地理for教fd 順便遲d可以retake可以多一科揀
我應該由邊到入手? 如果我問佢借地理書ok嗎?
因為我得半年就考dse 如果我依家2個x 我再自修埋地理 會唔會好吃力??
純粹for教人 因為佢個底應該都好差 我見佢全班都係尾幾個d
巴打可唔可以教下我點入手學?同埋點教?#adore# #adore#


我想問下 如果我自己冇修地理
但係我想自修地理for教fd 順便遲d可以retake可以多一科揀
我應該由邊到入手? 如果我問佢借地理書ok嗎?
因為我得半年就考dse 如果我依家2個x 我再自修埋地理 會唔會好吃力??
純粹for教人 因為佢個底應該都好差 我見佢全班都係尾幾個d
巴打可唔可以教下我點入手學?同埋點教?#adore# #adore#

呢科真係好多野讀,如果想揀文科自修不如歷史或者旅款啦
呢科係每樣野都涉獵少少,但問深d而經可以好深[sosad] [sosad]
沬係士紳化同再城市化呢7隻字都已經搞到好多考生好亂[sosad]
你有冇必要要修地理先...冇既不如上左岸先讀[sosad]


我想問下 如果我自己冇修地理
但係我想自修地理for教fd 順便遲d可以retake可以多一科揀
我應該由邊到入手? 如果我問佢借地理書ok嗎?
因為我得半年就考dse 如果我依家2個x 我再自修埋地理 會唔會好吃力??
純粹for教人 因為佢個底應該都好差 我見佢全班都係尾幾個d
巴打可唔可以教下我點入手學?同埋點教?#adore# #adore#

呢科真係好多野讀,如果想揀文科自修不如歷史或者旅款啦
呢科係每樣野都涉獵少少,但問深d而經可以好深[sosad] [sosad]
沬係士紳化同再城市化呢7隻字都已經搞到好多考生好亂[sosad]
你有冇必要要修地理先...冇既不如上左岸先讀[sosad]

其實我都係為左教人姐 因為見佢d分太慘不忍睹[sosad]
只係順便可以有一科retake咁樣#good# 所以其他科唔選擇啦
如果想速讀有冇方法#adore# ?


我想問下 如果我自己冇修地理
但係我想自修地理for教fd 順便遲d可以retake可以多一科揀
我應該由邊到入手? 如果我問佢借地理書ok嗎?
因為我得半年就考dse 如果我依家2個x 我再自修埋地理 會唔會好吃力??
純粹for教人 因為佢個底應該都好差 我見佢全班都係尾幾個d
巴打可唔可以教下我點入手學?同埋點教?#adore# #adore#

呢科真係好多野讀,如果想揀文科自修不如歷史或者旅款啦
呢科係每樣野都涉獵少少,但問深d而經可以好深[sosad] [sosad]
沬係士紳化同再城市化呢7隻字都已經搞到好多考生好亂[sosad]
你有冇必要要修地理先...冇既不如上左岸先讀[sosad]

其實我都係為左教人姐 因為見佢d分太慘不忍睹[sosad]
只係順便可以有一科retake咁樣#good# 所以其他科唔選擇啦
如果想速讀有冇方法#adore# ?

呢科算係易學難精,要拎3級都唔難既
但係拎好成績就真係要放超多時間入去
速讀的話買幾本牛津教科書睇,睇熟佢
做下幾年pastpaper同埋鞏固練習(牛津出既)應該夠拎到3級


poly u絲打 我爆pm 我呢到應你啦
你都可以係度問既
其實你所講既野全部都可以係考評局個網搵到
http://www.hkeaa.edu.hk/tc/hkdse/assessment/subject_information/category_a_subjects/hkdse_subj.html?A2&2&13


poly u絲打 我爆pm 我呢到應你啦
你都可以係度問既
其實你所講既野全部都可以係考評局個網搵到
http://www.hkeaa.edu.hk/tc/hkdse/assessment/subject_information/category_a_subjects/hkdse_subj.html?A2&2&13


搵到喇thanks:)


巴打#adore# #adore#
靠你下年geog5**#yup#
利申今年得5[banghead]


lm
利申: 中大geog


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 19/8/2018 4:07
今天貼文總數: 375 | 累積文章數目: 6,391,672

聯絡我們 | 服務條款 | 私隱政策 | 廣告查詢 | 職位空缺
Copyright © 2018 HKGolden.com. All Rights Reserved.