主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式-關]  [懷舊模式-開]  [Youtube 預覽-關]
[大字型]  [小字型]

您現在聚腳在  時事台內。

奧比斯 ‧ 光大控股盲俠行2017

話o甘快又一年!各位熱血o既巴打絲打盲俠行又殺到啦!仲記得舊年個活動因為天雨關係最後要被迫取消,真係慘慘豬!所以既然大家都餓o左成年,大家係咪好心急,想知道今年會有咩special?今年奧比斯盲俠行將會o係月圓之夜12月2號夜晚舉行,呼籲大家齊齊著上黑白橫間服飾,旺角花墟起步,西貢碼頭止步,大家仲會利用手機app接受連串橫行任務,似乎真係有o的special喎!仲有各位如果大家曾經參加過盲俠行,嫌6、7個鐘完成20公里太慢太冇激情,大家可以試o下今年全新組別「超級盲俠行Super Moonwalkers」,用3個鐘之內衝出全程20km逃亡路線,快人一步目標達到。各位,機會係唔會等人,快o的click一click,睇下活動詳情啦!

盲俠行 2017活動詳情 ......
跳至第

發起人
「新土地法」越搞越大——澳門政治你識條鐵咩!?
35個回應
[img]https://www.inmediahk.net/files/imagecache/w456/column_images/trk_0.jpg[/img]

最近澳門又為左條「新土地法」嘈嘈嘈。其實澳門人同香港人一拎樣,睇人Hi Hi就最開心,所以見到海一居班炒家同商家佬,因為呢條法律搞到焦頭爛額損手離場,大家梗係拍爛晒手掌。但如果大家真係以為天降良法打救世人,就真係少年你太年輕了,完全忽視咗整件事背後嘅利益關係政治角力,甚至涉及今年立法會選舉,同埋2019 年特首選舉。

被譽為地少賭場多嘅澳門,一直係各利益派別爭權奪利嘅場所。喺澳門縱橫多年以何氏家族為首嘅舊發展商聯盟,有咁耐風流就終於要折墜:2013年天降一條「新土地法」,一次過郁晒佢地囤積多年嘅地,而家梗係呼天叫地叫苦連天。

有啲發展商要生要死,話發展唔到唔關佢地事,話係社會係政府嘅錯,「點解要充公我地」云云。即使知道責任未必在呢班發展商身上,例如有份官方報告話有成65幅發展唔到但「不能歸責」發展商嘅土地,但政府同部份議員繼續充耳不聞,對發展商修法訴求無動於衷。點解?喂啊哥,眼前係個勢力大洗牌大好機會喎,俾著我都食住花生睇好戲啦。

試想像下喺「新土地法」底下,啲地被充公之後就要公開招標,60幾幅值成2000幾億澳元既土地就咁重新分配,對於咁多年都拎唔到著數嘅邊緣商家佬嚟講,今舖簡直係「飛雲機會來了」,仲唔一口氣大手入貨,挑戰舊嘅果堆發展商聯盟喺澳門嘅控制權?一場房地產市場嘅腥風血雨,一場既得利益者寶座既明爭暗鬥,好快就開始喇!

議員唔出聲,除咗係因為勢力大洗牌,仲有就係-選舉近了!因「新土地法」而中咗大伏嘅海一居,夾埋有成三千戶,粗略估計有成萬個選民。喺現行嘅選舉制度下,上萬個苦主們夾夾埋埋,分分鐘換到一席。

咁就唔關得之工聯關翠杏同佢啲黨羽咁鬼落力,希望政府特事特辦淨係「關照」海一居苦主。大佬,成萬飛,乜嘢公義、乜嘢「新土地法」有重大漏洞、乜嘢有機會殺錯良民,who cares?最緊要係剩低日子零動作零失誤,議席安全上疊,vote is king!苦主們快啲多謝關姐,關姐好嘢啦。

企硬唔修例嘅立法會主席賀一誠老老實實忠忠直直?佢同香港就快Stop la嘅「689,好特首」梁振英一樣,都話過自己唔會選特首。但政客講嘢你信一成,雙目都會失明。誠哥舞劍,意在特首,「新土地法」幫到自己友搶地上位之餘,又幫自己儲到大量政治同土地資本,2019年特首選舉一登大位就可以大展拳腳,建立賀氏王國,諗起真係「和味過和味龍」啊,咁大舊肥豬肉喺面前仲點會同你講修例先?

澳門朋友,真係覺得「新土地法」唔關你事?真係要小心睇路啊。


#good2#2  #bad#0 
標籤:
係咪錯覺? 呢期FB好似多左澳門post, 但又唔係好覺有人討論
其實係咪已經無咩人在意土唔土地法既事?


澳門對中國黎講 政制人口文化都搞點晒
跟住就係資產落手 鬥地主
澳門班資本家已經無利用價值
佢地無人會敢出聲 春袋比人揸住
而且又唔係自己人
整死你地再搵海航出手


澳門對中國黎講 政制人口文化都搞點晒
跟住就係資產落手 鬥地主
澳門班資本家已經無利用價值
佢地無人會敢出聲 春袋比人揸住
而且又唔係自己人
整死你地再搵海航出手

權鬥中共玩左半個世紀,你班土皇帝升官發達以為從此可以unun腳,咪傻啦,養肥左既豬有咩用?咪又係拎來劏


佔領澳門,正式啟動~
海航將會,全面進場~


佔領澳門,正式啟動~
海航將會,全面進場~


算吧啦,邊有澳門人會走出來,食花生都食唔切,個個上哂岸怕你咩,最多等咪下一代後生執手尾


澳門對中國黎講 政制人口文化都搞點晒
跟住就係資產落手 鬥地主
澳門班資本家已經無利用價值
佢地無人會敢出聲 春袋比人揸住
而且又唔係自己人
整死你地再搵海航出手

權鬥中共玩左半個世紀,你班土皇帝升官發達以為從此可以unun腳,咪傻啦,養肥左既豬有咩用?咪又係拎來劏


笑什麼,香港會死得仲慘


樓主可唔可以講多少少個法例係點?
強制充公土地咁?仲影響埋小業主?
2013年法例點解而家先會爆?
利申伸手黨


樓主可唔可以講多少少個法例係點?
強制充公土地咁?仲影響埋小業主?
2013年法例點解而家先會爆?
利申伸手黨


土地法就不嬲有既,係葡政府既政策,發展商bid左舊地返來限時內起到D野出來,如果唔係政府就有權收返,但一般情況下澳門特區行政長官係有權用延長發展商既土地使用權,只要續約就得。

而家個新法係架空澳門特區行政長官既權,發展商限期內唔完成工程就一定要收地。

一般來講個期限係好夠使,但澳門既政府批文出名慢,一年做得個3,2個月野,發展商又係自己衰傻的嗎成向左走向右走日改哩改路,除時你話起一躉大廈都要十年八年先批哂D野,當然亦唔排除有D 19想囤下地,不過新法一刀切除左切走瘀血之後,仲切中有班因為政策問題延誤發展既商人,所以而家就係到呱呱嘈

不過呢D都係表面,留心D睇,切得特別兇狠既幾塊地都有莫大既潛在利益,聽D澳門巴打講好大機會都會留個餅比大陸D建商食,呢樣我唔知啦,一日未批返D地出去一日都唔知益邊個


係咪錯覺? 呢期FB好似多左澳門post, 但又唔係好覺有人討論
其實係咪已經無咩人在意土唔土地法既事?


睇落澳門人仲wfc過香港人


澳門人慘被陰乾


香港都唔可以獨善其身


上個月張徳冮先去咗澳門巡視佢收返黎的土


上個月張徳冮先去咗澳門巡視佢收返黎的土


今次肥肥啦


上個月張徳冮先去咗澳門巡視佢收返黎的土


今次肥肥啦


下個到香港、唔使等到2047年、用同一個方法改法搶地


豬蟹屎馬交區


上個月張徳冮先去咗澳門巡視佢收返黎的土


今次肥肥啦


下個到香港、唔使等到2047年、用同一個方法改法搶地


呢條新土地法係澳門工聯會係2013年攪出黎


[img]https://upload.cc/i2/xLcWKQ.jpg[/img]


如果樓市回復97,13,人人買得起樓,但發展商變左中共賺,高登仔會否賣單?


[img]https://upload.cc/i2/xLcWKQ.jpg[/img]


就係呢條八婆


如果樓市回復97,13,人人買得起樓,但發展商變左中共賺,高登仔會否賣單?


呢條問題真係難答


[img]https://upload.cc/i2/xLcWKQ.jpg[/img]


就係呢條八婆


澳門工聯會仲左過澳共


澳門工聯會超左、今次仲亞太區有一天成為亞太區住幫大陸收地。


澳門工聯會超左、今次仲亞太區有一天成為亞太區住幫大陸收地。


染紅咗就冇啦、大陸啲土話收就收


之前好似有巴打返大陸做生意、之後乜都冇晒


http://m1.hkgolden.com/view.aspx?message=6702026
25年前港商億元巨資投向中原如今被“依法”搶光無錢醫治絕症

應該係呢個巴打


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 26/9/2017 0:52
今天貼文總數: 895 | 累積文章數目: 6,237,595

聯絡我們 | 服務條款 | 私隱政策 | 廣告查詢 | 職位空缺
Copyright © 2017 HKGolden.com. All Rights Reserved.