主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章
DeerGamer

跳至第

發起人
神駒:陳雲有關煙花、煙火之辯嘩眾取寵,誇張失實
114 個回應
無敵神駒

神駒:陳雲有關煙花、煙火之辯嘩眾取寵,誇張失實

陳雲在雅虎香港的專欄連續刊載兩篇文章,論述有關「煙花」和「煙火」之爭辯,文章首段立論如下:「南方人講煙花,北方人講煙火。香港人一向講煙花,不講煙火。然而,港府配合中共滅絕香港詞彙,追隨北方語言習慣,便說煙火。」

「香港人一向講煙花,不講煙火」,筆者沒有異議。但是「南方人講煙花,北方人講煙火」,恐怕只是陳雲的臆測,其文章亦無提出任何證據支持該說法。而這一點是直接影響到底特區政府有否「滅絕香港詞彙,追隨北方語言習慣」,故此值得考究。

誠然,礙於資源所限,筆者無法實地考察,只能以相對粗疏的方法去查證。不過,比較單憑主觀推斷,這畢竟是相對科學的一種考據方法。

北方人講煙火,也講煙花。筆者很容易就在Google搜索到新華網、人民網、中新網等官方新聞通訊社網站使用「煙花」一詞的報道。以下是引錄自不同網站的例子:

新華社報道──
國慶60周年聯歡晚會「天安門廣場上空璀璨煙花」
http://news.xinhuanet.com/photo/2009-10/01/content_12165312.htm
「人民英雄紀念碑上空燃放煙花」
http://news.xinhuanet.com/photo/2009-10/01/content_12165394.htm
新華網1月1日元旦賀辭「煙花許心願 寄望新一年」:「世界各地,人們觀賞煙花,互致祝福,許下心願。」
http://news.xinhuanet.com/world/2013-01/01/c_114222803.htm

人民網報道──
車頭著火引燃一車煙花
http://society.people.com.cn/n/2013/0102/c136657-20072119.html

中新網報道──
江西煙花業“八條禁令”:嚴禁老人學生參與加工
http://www.chinanews.com/df/2012/12-14/4408886.shtml
杭州煙花大會炸傷事故遊客抱怨應急機制欠缺
http://www.chinanews.com/sh/2012/10-14/4245638.shtml

例子太多,無法盡錄。以上說明,北方人不單純講「煙火」,而是「煙花」、「煙火」都有。


#good2#137    #bad#51  
標籤:
筆者嘗試在Google搜尋新華網、人民網及中新網等網域下有關「煙花」和「煙火」的結果,表列如下:

網域 「煙花」的結果 「煙火」的結果
新華網 241,000 48,800
人民網 180,000 53,200
中新網 165,000 19,800

事實證明,三個主要的官方新聞機構使用「煙花」的頻率,甚至比使用「煙火」的高出幾倍。這些官方新聞機構顯然沒有明文規定「煙花」或「煙火」的用法,否則不會出現這種情況。因此,北方人並沒有明確使用其中一個詞彙的傾向,即使是有,也是傾向使用「煙花」;換言之,把「講煙火」視作「北方語言習慣」,並不準確。

「港府配合中共滅絕香港詞彙」,有兩點需要證明。第一,特區政府不再在任何場合使用「煙花」一詞,悉數以「煙火」代之;第二,中共政權全面使用「煙火」而摒棄「煙花」。然而,基本事實卻證明了陳雲的立論錯誤。

首先,要是特區政府意圖「滅絕香港詞彙」,為什麼在今年的農曆新年會沿用「煙花匯演」,而不是像除夕一樣使用「煙火匯演」?這不是正好符合特區政府以規模大小區分的解釋嗎?雖然陳雲不接受這一種區分方法,然而這並不等同特區政府把「煙花」這個詞彙滅絕。「煙花」依舊在,幾度夕陽紅,何滅之有?


其次,即使是新華社、中新社和中通社,在報道本港除夕「煙火匯演」時,也有採用「煙花」一詞,列舉如下:

新華社「香港迎新煙花匯演規模創歷年之最」
http://news.xinhuanet.com/video/2012-12/31/c_124172198.htm

中通社「香港除夕夜料十萬人觀賞煙花匯演」
http://www.hkcna.hk/content/2012/1227/172772.shtml

中新社「香港除夕夜10萬人賞煙花匯演 警方公佈交通管制」
http://news.xinhuanet.com/gangao/2012-12/28/c_124162165.htm

以上例子,筆者只是隨手拈來,讀者也可自行到Google查證。如果中共政權有意滅絕「煙火」,新華社、中新社和中通社會不會在報道「煙火匯演」時,使用「煙花」一詞?還是陳雲杯弓蛇影?


筆者無意為特區政府辯護,亦同意在新聞報道中使用「煙花」而非「煙火」。但是,陳雲作為大學教授,單憑個人猜測,不加以求證,便逕自聯想什麼「港府配合中共滅絕香港詞彙」,罔顧基本事實,令人失望。

希望陳雲認真回應本文,而並非在Facebook僅以「左膠」、「大中華膠」、「共匪五毛」為藉口不了了之。


[img]http://sphotos-c.ak.fbcdn.net/hphotos-ak-ash4/394947_471673279536345_1097127476_n.jpg[/img]

文章原載於神駒Facebook專頁:http://www.facebook.com/hkgbradio


陳雲會話"老屈"是佢身為鍵盤參謀長使用的一項頂尖策略
你班左膠識條春咩#yup#

可能已升級做空軍總司令


神駒準備收0.5啦!

已經收到負評,但係暫時未見給予負評者留言


俾負評個班有無睇我寫咩架?

筆者無意為特區政府辯護,亦同意在新聞報道中使用「煙花」而非「煙火」。

而家係講緊陳雲嘩眾取寵,誇張失實呀


我點試都試唔到佢個數字。

你去搜尋「site:xinhuanet.com 煙花」、「site:xinhuanet.com 煙火」,如此類推。我係唔會用假數據,亦造唔到假嘅。


係北方煙花煙火互通, 但係南方廣東一帶煙火根本就有其他意義;

我北佬可以講煙火或煙花,但你就一定要根我講煙火, 令你的說話習慣改變, 呢d 咪叫壓迫囉。

[img]http://sphotos-c.ak.fbcdn.net/hphotos-ak-ash4/394947_471673279536345_1097127476_n.jpg[/img]
不解釋


政府今年仲叫煙花, 你點肯定會唔會淨雞雞變成煙火?

煙火煙火煙佢老母, 我聽左幾十年煙花好好地, 無端端搞細分仲mud 9?

咁你生活一定好多包袱
政府今日仲用港幣,你點肯定會唔會淨雞雞變成人民幣?
政府今日仲有關口,你點肯定會唔會淨雞雞變成無關口?
政府今日仲用正體,你點肯定會唔會淨雞雞變成殘體字?


照你咁講, 大陸"新年", "春節"互用,
香港就淨係用"新年",

遲D 香港政府就用春節, 之後求其搵個行內人出黎解釋:

"新年係指年初一打後, 春節係指年初一二三的假期"

之後再係某D場合貼下"新年快樂"等等的廣告 , 話: 嗱睇下, 我有用新年架構

咁的做法都冇問題啦, 呵?

我都唔知你講乜,而家係學術問題定政治問題呀?如果係政治問題,我使Seven打咁多野咩,求其大叫「打倒共產黨」、「天滅中共」、「平反六四」咪得囉,盲毛


又係你個高級五毛, 仲有無人唔信你係

我都覺得煙花煙火無所謂, 但你就大做文章, 拎黎攻擊其他人

高級五毛技量

五你老毛咩?我有名有姓,好似你呢啲九唔搭七就真係五毛喇
高登大把人知我係邊個,你係乜水?

[img]http://sphotos-e.ak.fbcdn.net/hphotos-ak-ash3/541737_471362349567438_1021210602_n.jpg[/img]


而家咪就係講緊一般生活唔向左走向右走駛分得咁細囉

筆者無意為特區政府辯護,亦同意在新聞報道中使用「煙花」而非「煙火」。但是,陳雲作為大學教授,單憑個人猜測,不加以求證,便逕自聯想什麼「港府配合中共滅絕香港詞彙」,罔顧基本事實,令人失望。

我已經交代過好多次,我係贊成新聞報道用「煙花」啦。我懷疑有人借機會攻擊我就真:o)


9up大師陳雲[bomb]

Btw又有人搜捕「五毛」[369]

唔夠人講就話人五毛

五毛反國教
[img]http://i.imgur.com/bZGNJ.jpg[/img]

五毛撐南都
[img]http://sphotos-e.ak.fbcdn.net/hphotos-ak-ash3/541737_471362349567438_1021210602_n.jpg[/img]

五毛唱CY
http://www.youtube.com/watch?v=1Tu9lxnHP30


政府今年仲叫煙花, 你點肯定會唔會淨雞雞變成煙火?

煙火煙火煙佢老母, 我聽左幾十年煙花好好地, 無端端搞細分仲mud 9?


政府今年仲叫煙花, 你點肯定會淨雞雞變成煙火?
假如農曆新年煙花變成農曆新年煙火,我覺得已經唔係淨雞雞


呢d"盲"反只係會HiHiHi,唔識討論.


唔係盲反,係原則問題。我冇你咁大方,眼白白唔保護香港文化。無敵神駒仲攪笑,好似研究物理定論咁對待港共中共有冇意圖滅絕香港文化。

中共肯定信唔過。你仲同我講佢要全部用哂煙火先算!哈哈[369]


你都大方左5年眼白白左5年

係囉,2007年陳雲大師冬眠呀?大方咗、眼白白咗5年,然後完全無methodology去論證自己嘅言論。大佬呀,陳雲係嶺南大學中文系助理教授,唔係我地一般高登仔,上黎勁噏246、吹水唔抹嘴呀。


9up大師陳雲[bomb]

Btw又有人搜捕「五毛」[369]

Block咗條傻仔佢啦,眼冤


政府今年仲叫煙花, 你點肯定會唔會淨雞雞變成煙火?

煙火煙火煙佢老母, 我聽左幾十年煙花好好地, 無端端搞細分仲mud 9?


香港一直只用煙花。樓主結論大陸煙花煙火兩個都有用,咁煙花唔係北方人用咁係源自邊到?誇張左係邊?!

Hi,其實香港既小型表演SHOW都會叫煙火
好似海洋公園既雙龍奇緣,上兩年荃灣煙火匯演
但一講到大型,好似除夕,農歷新年就會用煙花表演
香港分得好清楚
反而係大陸人無咁仔細
唔好人講乜你就跟住講乜,俾D分析好唔好xx(


o的人已經舉左
「一九九七年四月二十七日,香港青馬大橋通車,橋上發放瀑布式的煙花,那是不爆破的煙花匯演,我們當年有分別出來麼?還不是一樣叫煙花!」

傻的嗎,煙火唔係咩"不爆破的煙花匯演"
係指小型匯演啊Seven Head
有無去過海洋公園啊,果D小型表演就會用煙火
到大型表演就會用返煙花
其實本來好向左走向右走簡單
條好樣根本就唔知兩者點用,甚至曲解#ass#


我有個friend 佢做d表演舞台裝置既工作,佢話行內一向都叫非爆炸性既就係煙火,爆炸性既係煙花。

總而言之,兩者係"煙花"匯演既用法就係用黎分別表演規模既大小
而通常用係表演舞台裝置,即係你睇MAMA噴曬火花果D,大部分都係非爆炸性
要分可以分得好仔細
不過廢向左走向右走事俾佢話缺乏語言邏輯啦[369]

而家咪就係講緊一般生活唔向左走向右走駛分得咁細囉

而家係日常生活,都係講緊大型就叫煙花,小型叫煙火
有幾向左走向右走細啊,分開兩份都叫細?
根本就無野搵野黎講,照陳雲果D乜Seven"噴流式煙花","低空煙花匯演","小型煙花匯演"
咁呢D係乜Seven?
隔住個MON我都覺得傻的嗎



其實我生活上,沒有煙火這個字。


我好奇,到底高登邊個人係用煙火。


http://www.fso-createhk.gov.hk/text/production_search_result.php?Content1=SpecialEffect&NavLang=tc

難道通訊錄當中的公司全部都是五毛、投共?我諗點講都講唔通掛
同埋我懷疑係咁抹黑我啲人,有無由頭到尾睇過我篇文章一次:o)


根本事實是中共最初是用焰火
後尾被香港影響學左香港用哂煙花
煙火一詞在大陸只係幾樣名詞的混合叫法無本義
香港就因為有英文背景所以對兩詞有定義
反而台灣就一律用哂煙火 , 不存在煙花

話煙火是共詞完全違背事實

呢位巴打講得無錯,台灣的確係絕大部份使用「煙火」表示firework意思。所以陳雲話煙火係咩「胡語」、「北方話」,我都唔知佢條界線定響邊。一般學術界都係認定長江以北先係北方,唔會係深圳河以北就係北方掛?



你都傻的嗎 既, 或者完全冇工作經驗。共同語言係分別自己人同外人好重要的一環。

即係十個香港人server 就係叫server, 大陸就咁叫伺服。係,我知你講乜春,不過你肯定唔係自己人。

我下一篇文章正係講所謂「正字」的問題。既然大家都認定咗「啲」係「啲」,但係有人就硬係用「尐」呢個生辟字。下篇再講,以免離題。


我點試都試唔到佢個數字。

你去搜尋「site:xinhuanet.com 煙花」、「site:xinhuanet.com 煙火」,如此類推。我係唔會用假數據,亦造唔到假嘅。


哦原來係咁。

但係你個測試有漏洞,就係大陸定義來說,煙火是大的,煙花是小的, 煙花的出現次數會比煙火多不是很正常?

新華社出文直接copy and paste節目命也很正常,不會成為大陸用煙花的證據,因為又不用翻譯。

請你提供「大陸定義來說,煙火是大的,煙花是小的」的證據,否則與陳雲單憑個人臆測推斷就自以為正確無分別。


將一個只會係專業範疇或北方日常環境用嘅詞語,廣泛用在新聞或政府公告等各方面,老實講,我唔得陳雲發咩UP風,真係無人覺得係一件好危險嘅事?係一件明為專業化,實為大陸化嘅事?來日新聞如果叫大家眼前依部野計算機,大家又唔知點唸?

到底陳雲係點分「北方」、「南方」同「胡語」?係咪深圳河以北就叫「北方」?

老毛故鄉湖南瀏陽就係盛產煙花之地,當地稱之為「煙花業」,而香港亦有人開公司以「煙火」命名,前一頁有巴打張貼出來了。到底陳雲及其fans可唔可以多一點考據,少一點臆測?

我諗你唔需要杞人憂天,大陸都已經唔用計算機好耐喇。


好多人根本無考究過就跟左陳雲果套
中國人真係狗改不了吃屎
領袖講乜就一定岩,要誓死維護
Z_Z

我真係覺得大家可以多一分考據,少一分臆測。其實陳雲作為嶺南大學中文系助理教授,點解可以口若懸河,全無考證?[sosad]


將一個只會係專業範疇或北方日常環境用嘅詞語,廣泛用在新聞或政府公告等各方面,老實講,我唔得陳雲發咩UP風,真係無人覺得係一件好危險嘅事?係一件明為專業化,實為大陸化嘅事?來日新聞如果叫大家眼前依部野計算機,大家又唔知點唸?


樓主已經舉出好多理據證明呢個唔係北方字
到底你有無認真少少睇過?

再講在大陸電腦呢個名已經基本取代左計算機
你邊個年代架

剛才巴打你提及台灣劃一用「煙火」指firework的意思,的確台灣先係絕大部份情況下使用「煙火」,反而大陸真係無標準的,任由記者自行決定,而根據我的考證,用「煙花」的頻率高出至少4倍。

我好有興趣了解陳雲點定義「北方」、「南方」、「胡語」


其實陳雲周不時都會Seven下
仲記得當年"念"魚個個風球(唔記得個個念字點寫)
佢即時狂Hi天文台用簡體字,大陸化
但係原來天文台個個念字先係真真正正既本字,真係有個種魚,古文一直存在
之後生果問返佢佢又死撐時間太短一時間無時間查[sosad] [sosad] [sosad]

希望陳雲fans唔好跟車太貼[sosad] [sosad] [sosad]


我只覺得一向講煙花,點 解要突然跟大陸用煙火?
正如一向講質素,Auntie講乜向左走向右走素質呀fuck

請問邊個強迫香港人使用「煙火」呢?係咪講「煙花」會被捕?正如此帖其中一位巴打所言,業內人士對於「煙花」、「煙火」的介定相當清晰,咁你唔鍾意講,你咪唔好講囉。


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 16/7/2019 4:08
今天貼文總數: 568 | 累積文章數目: 6,528,683

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.