主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

請大家務必定期更改密碼

有見近日有會員懷疑自己帳號被盜用,我們在此向大家呼籲,為保安理由請定期更改密碼,並要為電腦安裝最新的網絡保安軟件,如無必要亦請不要在不屬於自己的電腦登入任何需要密碼的網站,謝謝各位。

香港高登管理員團隊
精選文章
跳至第

發起人
續約要減1/3人工僅得七千 蓋世寶劈炮:真係夠喇!
298 個回應
3c905x_2.0

Member
http://s.nextmedia.com/magazine/r.php?a=2_654289_0&i=20190212

[img]https://cdn.hk01.com/di/media/images/726858/org/130ede66b21d011eb0c0e68123f8a016.jpg/COlJxL8PXzmhNHZyoWkOfY8100mt7u3_PmCnVT5gp1U?v=w1920[/img]

參加第八期訓練班嘅蓋世寶Lulu,入行後被派去主持兒童節目,一做就做咗18年。直到15年,無綫兒童節目大改革,舊有班底連根拔起,譚玉瑛姐姐成功拍住鼎爺主持《阿爺廚房》殺出新血路,Lulu就冇佢咁好彩喇!「運氣無得借嘅,我衷心希望身邊每一個人都會好好。」

轉咗去戲劇組,本來諗住有新開始,可惜不擅擦鞋嘅Lulu,唔夠其他藝人識做人,就算有friend帶佢去見監製,唔識搲撈嘅佢點搲都徒勞無功!

「性格其實已經決定咗某啲嘢,但都有打過吓招呼,不過都係無乜反應,我有喺同事陪同下入過監製房,不過都係無乜反應,唔通真係每一日都要咁樣做咩?呢方面又真係未做到咁積極。」喜歡與世無爭,舒舒服服嘅Lulu,一直嚮往主持兒童節目,由小朋友嘅世界跳入戲劇組,就如去了成人世界,一切變得很殘酷!「擦鞋,其實我兜口兜面見住人哋點樣擦鞋嘅,我係好欣賞,亦有記住嗰啲說話,袋咗入腦,但當我埋牙嘅時候,呢場戲原來我係做唔到!其實係一場戲嚟!我會用另一個態度,可能同一番對白,但係我嘅態度一定唔係嗰款!」

二月底即將與TVB約滿,Lulu決定唔續約,離開效忠咗23年嘅TVB!「其實今年一月二日嘅時候,電視台打俾我傾續約事宜,其實上一份約已經簽咗一年生約、一年死約,佢哋意願都係繼續簽嘅,只不過條件唔同咗,因為成績表問題,即係做唔夠騷啦。」TVB留佢嘅方法,唔係加人工,而係減。「我聽到又減,我係減人工,減1/3呀!冇萬三咁多,當佢一萬頭,唔係話佢哋對我差,我明公司有公司制度,我唔敢講話佢對我差,我呢23年喺公司唔係白過嘅!」

由兒童節目主持轉去拍劇,有得開工嘅日子唔多,Lulu好感激監製德哥(潘嘉德),一講起德哥,已忍唔住淚如雨下!「嗰次係我主動提出嘅,我去搵德哥,因為難聽啲講,我好似只係識得佢,因為喺數年前,佢開拍一套《大冬瓜》,當時已經合作,當時好開心,但拍完套劇又重返兒童組,所以壓力無咁大,曾經有過拍劇經驗,當我知道兒童組將會解散,我就WhatsApp對方,話我出番嚟,問佢有咩角色適合我嘅話,就幫吓我啦,佢答:『OK』兩個字。」結果,德哥開拍《拆局專家》一劇嘅時候,就搵咗Lulu做其第三女主角,角色有發揮,令人眼前一亮,只可惜無以為繼。


#good2#34    #bad#2  
標籤:
「無呀,呢個只係我嘅工作,其實我個人唔會諗下一步,先做好目前,自己覺得好,或者人哋覺得好,都未必有下一個step,呢個係我嘅態度,唔好有期望,有期望自不然會有失望。你就當我保守啦,我係咁樣做人。激動係嚟自佢夠膽用我,而佢嘅團隊亦都OK,呢方面好多謝佢,可以儲多一份經驗,唔理自己做得好唔好,但喺嗰個時刻我已經盡咗力。因為演員即使有機會,但都要累積返嚟,好被動。」

唔少觀眾應該記得Lulu喺《BB來了》,只得一句對白,原來對佢嚟講,仲有更差待遇嘅安排!「嗰個都唔係最差,我啱啱拍嘅《她她她的少女時代》感覺仲差,最慘我係收信去演嘅,意思係你已經加入呢套劇!我有經驗,所以唔會第一時間就開心,因為我唔知道做咩角色,所以就等通知,但係遲遲都唔通知,就算啦,我都唔理,因為《超時空男臣》之後,我其實睇到自己將來會係點樣,唔會再演到有人名嘅角色,唔識得點樣形容,總之就係無前景,唯有繼續做住先,呢套《她她她》我會形容為,仲差過啱啱訓練班出嚟,我唔想用個差字,呢個都係我嘅機會,坦白講每一次演出都係一個機會,無發揮空間裡面或者你搶到或上到位呢,我會咁樣諗,但係我唔會去睇低每一個角色,只不過係咪要去到咁樣呢?其實我係飾演田蕊妮嘅健身公司裡面嘅職員,唔只得我一位同事,對比起我,佢哋年資當然比較淺,但都已經唔算係新人,我相信大家都係因為under show而走埋一齊,但當佢哋見到我嘅時候,我相信佢哋都應該會覺得OK,呢位姐姐都咁樣,無問題啦。即係可能我俾到安慰佢哋啦,所以就一齊渡過咗。我諗夠喇,真係夠喇!」

好多時候無工開,早已過著節衣縮食的生活!「金錢方面,由兒童組跳出嚟之後,其實一直都有問題。坦白講演員人工真係唔高,其實最理想梗係靠外邊嘅工作,但你唔喺電視上出現,曝光率低咗,人哋諗唔起你,自然工作量亦會低。其實好多年前開始,啲人已經以為我無做。」喺TVB工作咗23年,今日Lulu返公司簽名拎支票,就正式同TVB say bye bye!「我唔簽之後,都有張票收返,但張票係等我老嘅時候,真真正正老嘅時候用嘅,所以呢啲錢應該會交俾媽咪幫我收埋,暫時唔好俾我用。」拎到TVB嘅長期服務金,真正加入「失業大軍」,Lulu未諗下一步要做咩!「我覺得香港人,香港唔會餓死人,只要你肯做,所以我從來都冇擔心過。」

攝錄:黃志明

採訪:肥A


【與湯盈盈 滕麗名係同學】39+1蓋世寶 離開大台再增值 學跳Sexy Chair

[img]https://vmagimg.next.hk/images/apple/20190211/large/1549884098_5b1b.jpg[/img]

蓋世寶,係兩代小朋友的集體回憶。

喺TVB主持兒童節目近廿年,由95年藝員訓練班畢業,就加入兒童組主持《閃電傳真機》,做到《至Net小人類》,至14年兒童組解散,佢嘅年資僅次於譚玉瑛姐姐,2015年佢就攞咗大台嘅老人牌(服務二十年金牌)。

與佢同屆讀藝訓班嘅同學,有湯盈盈、姚瑩瑩、滕麗名及李天翔,生得一副童顏嘅佢,被安排入兒童組,一做近廿年。

[img]https://vmagimg.next.hk/images/apple/20190211/large/1549884100_0128.jpg[/img]
當年與譚玉瑛,唐韋琪等一起主持兒童節目,現在只有玉瑛姐姐留在大

[img]https://vmagimg.next.hk/images/apple/20190211/large/1549884103_6a01.jpg[/img]
與湯盈盈、滕麗名及李思蓓等是95年藝訓班同學。

[img]https://vmagimg.next.hk/images/apple/20190211/large/1549884106_5bac.jpg[/img]
曾幾何時在大台的大型節目,與蕭正楠共舞。

近年譚玉瑛搵到出路,同鼎爺拍住上做飲食節目,蓋世寶調去戲劇組,除喺《折局專家》稍多戲份,其他只被安排演出二打六角色。去年喺《BB來了》飾演陪月班學生,撈咗廿三年,出場只有兩句對白。喺《大帥哥》亦只係一個行行企企嘅村民。

童顏嘅佢其實已39加1,四張中女不得不為將來認真作打算。夢想幻滅再幻滅,夢醒時份就決定選擇離場,同時嚟個中年增值,那怕骨頭硬,學跳Sexy Chair Dance。

[img]https://vmagimg.next.hk/images/apple/20190211/large/1549884108_aea0.jpg[/img]
主持兒童節目入晒屋,但拍劇的她,發展一直不順暢。

[img]https://vmagimg.next.hk/images/apple/20190211/large/1549884111_98da.jpg[/img]
前年唐韋琪開演唱會,請來兒童組共事的蓋世寶做表演嘉賓,來個集體回憶。

[img]https://vmagimg.next.hk/images/apple/20190211/large/1549884114_a567.jpg[/img]
去年在《BB來了》出場得兩句對白,發展倒退。

[img]https://vmagimg.next.hk/images/apple/20190211/large/1549884115_7608.jpg[/img]
四張嘢,學跳性感舞。


蓋世寶可以做咩角色
年紀咁大
相頭麻麻
但係兒童節目出身


七千:)2fn


[god]cl [noic]cl 去教育中心湊細路啦


Hi老母


[img]http://b.tvb.com/whatsnew/files/2014/04/11.jpg[/img]


tvb垃圾


蓋世寶可以做咩角色
年紀咁大
相頭麻麻
但係兒童節目出身


兒童節目主持走去拍咸片一定賣得#yup#

以前既fans而家都有購買力#yup##yup#


[img]https://hk.on.cc/hk/bkn/cnt/entertainment/20160510/photo/bkn-20160510210922448-0510_00862_001_08p.jpg?20160511012831[/img]


蓋世寶可以做咩角色
年紀咁大
相頭麻麻
但係兒童節目出身


兒童節目主持走去拍咸片一定賣得#yup#

以前既fans而家都有購買力#yup##yup#

[sosad]


休把残花败柳冤仇结,我与你生男长女填还彻


最記得俾人Hi老母:-(


讀個證書,去做幼稚園老師仲揾得多。


咁你做戲係唔叻
又話人迫害你
譚育英夠比tvb迫害過
依家咪又撈返起
自己無料就攞黎講:o)


兒童節目教小朋友正直,真實世界要擦鞋先有工開,世界就係咁諷刺


我有喺同事陪同下入過監製房,不過都係無乜反應,唔通真係每一日都要咁樣做咩

入監製房通常會做啲乜?


蓋世寶HiTVB老母


蓋世寶吊老母丫麻


7千:-( :-(


我有喺同事陪同下入過監製房,不過都係無乜反應,唔通真係每一日都要咁樣做咩

入監製房通常會做啲乜?


表現自己既演技


無樣、無身材、年紀大、無人緣、無技能,不過撈兒童組搵左好多都未定


無樣、無身材、年紀大、無人緣、無技能,不過撈兒童組搵左好多都未定


7000X3/2=$10500,叫搵左好多?


我有喺同事陪同下入過監製房,不過都係無乜反應,唔通真係每一日都要咁樣做咩

入監製房通常會做啲乜?


表現自己既演技

表演自己既演妓:~(fn


無樣、無身材、年紀大、無人緣、無技能,不過撈兒童組搵左好多都未定


7000X3/2=$10500,叫搵左好多?

呢個係佢依家戲劇組做路人甲嘅人工
當年兒童組日日有工開,大把對白,邊有可能係呢個數:o) :o) :o)


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 19/2/2019 21:43
今天貼文總數: 696 | 累積文章數目: 6,466,684

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.