主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章
跳至第

發起人
續約要減1/3人工僅得七千 蓋世寶劈炮:真係夠喇!
298 個回應
蓋世寶直認多年來亦試過得罪人,問到是否傳聞中的譚玉瑛姐姐?她哈哈大笑說﹕「真係冇,好搞笑。大家都當佢係大家姐,佢好鍾意教人㗎,哈哈哈,有乜嘢我哋都會煩佢,乜都『阿譚阿譚』,佢就話『唔得,你咁咁咁,你又咁咁咁』,帶領住我哋。其實佢算係我分享得最多嘅對象,因為大過我信得過,反而同輩未必信得過。」

[img]https://static.appledaily.hk/images/e-paper/20190211/large/1549899474_d672.jpg[/img]
蓋世寶至今仍是單身,等緣份到來。

不少傳聞都指蓋世寶脾氣差,當年她與鄧健泓拍拖,更傳過「刀仔拮大髀」令男方受傷。她澄清﹕「呢啲都信?我哋仲係朋友,件事冇呀,唔記得喇,係唔小心,唔係呢幾個字眼囉,冇咁激!」不過,蓋世寶亦直認自己是野蠻女友,但不是無理取鬧,而是有理直講,她說﹕「最野蠻咪嗌交嗰陣,嗌交梗係要贏,唔通打和握手咩,為啖氣,我唔會屈住。」

[img]https://static.appledaily.hk/images/e-paper/20190211/large/1549899478_caaa.jpg[/img]
蓋世寶直認跳舞唔叻,但卻很喜歡。

至今仍是單身,問到身邊有沒有追求者,蓋世寶輕撥頭髮,風騷地說﹕「keep住都有。」她覺得感情要看緣份,未有「叮」一聲,寧缺勿濫,但卻令媽媽好擔心,她說﹕「我係孻女,有兩個家姐同一個細佬,但得番我未結婚,所以媽咪最擔心我,成日覺得我任性。」蓋世寶是在單親家庭中長大,雖然廿幾歲便買樓,但至今仍是要供,所以失去一份穩定職業,必定令媽媽更加擔心。她說﹕「而家都未同媽咪講,諗住當面同佢講,其實我比較好彩,03年沙士買樓好平,但之後因為屋苑唔養得狗,所以賣咗,租咗幾年先買番,我現在嘅目標係供完層樓,同繼續畀錢媽咪,但我今次離開(無綫)其實乜plan都冇。但我平時好慳,離開兒童組後,我都即刻cut咗架車同其中一份保險,我屋企連寬頻都冇㗎,電話都無限上網,我又唔係成日玩手機。」

問到為何如此決絕離開TVB?LuLu說﹕「其實去咗戲劇組後,我每年都減薪,真係唔夠生活。今年1月1日公眾假,公司1月2日打畀我傾約,但現在成績唔係太理想,所以公司就咁咁咁,我都好快決定,因為我睇唔到前面有更多路,好似拍拖咁,冇將來不如算!」

[img]https://static.appledaily.hk/images/e-paper/20190211/large/1549899329_d4aa.jpg[/img]
蓋世寶否認「刀仔拮大髀」(IG圖片)

[img]https://static.appledaily.hk/images/e-paper/20190211/large/1549899329_d08e.jpg[/img]
曾與譚玉瑛傳不和,但其實蓋世寶最不捨得便是她。 (資料圖片)

後記﹕

好多人都覺得蓋世寶個名好有霸氣,問是否真名?蓋世寶說﹕「或者大家記得我嘅原因,係因為我個名幾霸道,初入行時個個都想知我係邊個,有人以為我係男仔。咁我爸爸姓蓋,我哋呢輩都係跟族譜。」

採訪﹕嵐山

攝錄﹕林德雄、仇志中

[img]https://static.appledaily.hk/images/e-paper/20190211/large/1549899514_84cd.jpg[/img]

[img]https://static.appledaily.hk/images/e-paper/20190211/large/1549899514_f4a7.jpg[/img]


結左婚未? 可以考慮下俾我養佢 :P


學吓佢以前兒童組嗰個伍文生咁,學人搞吓小生意睇吓有冇得諗
伍生間嘢蛋食為主雖則麻麻地好食,不過都叫全港有5間分店(好似係),點都好過而家撈唔起:o)


召喚蓋世寶Hi老母#yup#


學吓佢以前兒童組嗰個伍文生咁,學人搞吓小生意睇吓有冇得諗
伍生間嘢蛋食為主雖則麻麻地好食,不過都叫全港有5間分店(好似係),點都好過而家撈唔起:o)

伍文生有茶記外父教佢整

娶個有路數又有外國PASSPORT老婆真好


我有喺同事陪同下入過監製房,不過都係無乜反應,唔通真係每一日都要咁樣做咩

入監製房通常會做啲乜?


表現自己既演技

表演自己既演妓:~(fn


其實唔係,真係好現實架⋯
所謂去監制房,其實即係R撈,但無咩可以做
好似蓋世寶咁,我當佢戲劇組新人,上去個層,就即係逐個監制打招呼,介紹自己係乜水,留個印象俾人,希望佢下次開劇個時搵佢,佢講個班假既同擦鞋既,其實就係好積極R撈既人

因為個個都咁入去介紹,有幾多個監制真係認到個d人,係要主動同積極架啦.....

同埋以佢個年紀比新人更窄,大台大把好戲甘草,搵角色真係唔到佢


有無高登仔肯幫佢埋單


搞返間幼兒托管 學前教育中心之類應該有得撈
如果譚玉瑛+蓋世寶開幼兒嘢[bomb]
勁過Avengers[bomb]

都唔一定賺
楊婉儀搞幼兒教育都蝕到亞太區有一天成為亞太區衔


咁係楊小姐奶錯目標姐[sosad]


抵死
以前好向左走向右走串 [369]

抵又唔洗抵佢死
不過我覺得無需要講到人地迫害佢咁law
大把人兒童節目出身
都未有佢咁霉
又唔係無比機會你出劇組
自己唔掂無得怨人
李天翔咪又係咁撈
個心態唔好去到邊都覺得比人迫害架啦
遠既唔講,同佢以前同佢孖住上既cindy姐姐咪又係咁做人
cindy無拍過咩劇tim啦




點讀呀呢個字:)


自己開間 “蓋世寶貝教育中心 Supreme Education Center” , 揾譚育瑛做顧問,應該有錢賺。


以前搵夠啦 兒童組應該好好搵


公司班八婆港女岩岩先講緊呢單野

又話蓋世寶老左咁多宜家唔靚拍兒童節目都冇人睇啦咁[sosad] [sosad] [sosad]


想當年有J過佢:P


佢又唔係唔靚
點解會搞成咁[sosad]


啲人一沉百踩,人地唔紅就講到佢樣樣都好差咁。

蓋世寶係靚女嚟,螢幕上嘅性格都好好,去第二個台,俾機會佢嘅其實有得發展。


華奴社會先係咁Hi Hi啫


個個好似好識睇人,馬後炮係人都識講啦

去其他台唔得咩 ? 死要痴住TVB #ng#
好多暗星拍港台劇密食當三番, 都揾到下食. 又有viu, 有77台.


無樣、無身材、年紀大、無人緣、無技能,不過撈兒童組搵左好多都未定


7000X3/2=$10500,叫搵左好多?

呢個係佢依家戲劇組做路人甲嘅人工
當年兒童組日日有工開,大把對白,邊有可能係呢個數:o) :o) :o)


呢個只係底薪, 每集節目只要有出鏡都有1個SHOW錢, 以佢撈左咁多年一個騷點都有一千蚊掛


同sales地產經紀一樣
Top sales或top 地產經紀同你講
佢搵八千蚊一個月
但原來儲一年錢已買到港島區千呎大宅
原因係佣


公司班八婆港女岩岩先講緊呢單野

又話蓋世寶老左咁多宜家唔靚拍兒童節目都冇人睇啦咁[sosad] [sosad] [sosad]


自古美人如名將, 不許人間見白頭 ~

呂方話自已只做過一套戲的主角


佢開個網台學杜汶澤咁樣日日Hi老母應該幾好睇[sosad] #good#


抵死
以前好向左走向右走串 [369]

抵又唔洗抵佢死
不過我覺得無需要講到人地迫害佢咁law
大把人兒童節目出身
都未有佢咁霉
又唔係無比機會你出劇組
自己唔掂無得怨人
李天翔咪又係咁撈
個心態唔好去到邊都覺得比人迫害架啦
遠既唔講,同佢以前同佢孖住上既cindy姐姐咪又係咁做人
cindy無拍過咩劇tim啦


佢明顯係放唔低自尊既人⋯
其實以佢個情況,綜藝個邊應該岩佢d
但佢無R到上綜藝科


佢開個網台學杜汶澤咁樣日日Hi老母應該幾好睇[sosad] #good#

蓋世寶吊老母#yup#


抵死
以前好向左走向右走串 [369]

抵又唔洗抵佢死
不過我覺得無需要講到人地迫害佢咁law
大把人兒童節目出身
都未有佢咁霉
又唔係無比機會你出劇組
自己唔掂無得怨人
李天翔咪又係咁撈
個心態唔好去到邊都覺得比人迫害架啦
遠既唔講,同佢以前同佢孖住上既cindy姐姐咪又係咁做人
cindy無拍過咩劇tim啦

Cindy嫁咗俾郭晉安, 洗向左走向右走做咩 #ng#


大家講得出佢個名
出去應該撈得掂


唐韋琪咪又係麻麻
係咁開兒歌show


過viu TV或奇妙電視囉


大家講得出佢個名
出去應該撈得掂


唐韋琪咪又係麻麻
係咁開兒歌show

唐韋琪靚聲,
開班教唱兒歌都發達啦. :)


咁你做戲係唔叻
又話人迫害你
譚育英夠比tvb迫害過
依家咪又撈返起
自己無料就攞黎講:o)

我覺得譚育英係因為資深過頭,反而唔敢去太盡
當年只係傳兒童節目(轉ICU時)會踢走佢就已經好多人不滿

依家無咗譚育英姐姐既Think Big天地
睇住班自high主持直頭連開電視既意慾都無xx( [fuck] [fuck] 當細路怖景板#ng#


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 25/4/2019 1:46
今天貼文總數: 819 | 累積文章數目: 6,491,741

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.