主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

請大家務必定期更改密碼

有見近日有會員懷疑自己帳號被盜用,我們在此向大家呼籲,為保安理由請定期更改密碼,並要為電腦安裝最新的網絡保安軟件,如無必要亦請不要在不屬於自己的電腦登入任何需要密碼的網站,謝謝各位。

香港高登管理員團隊
精選文章

跳至第

發起人
金融男被嘲廢紙 10年後用錢打老師 《東張西望》揭校園欺凌真相
55 個回應
嗚呀...

Member
早前一名23歲任職金融經紀的男士畢業後行過母校碰見老師,為報小學被老師侮辱是「廢紙」之仇,即拉扯老師衫領,接著兩度用11張紙幣撻向對方臉上報仇,其後於西九龍裁判法院被控一項「襲擊致造成身體傷害罪」,自簽以2000港元守行為1年,另須賠償老師1000港元及支付300元訟費。當時裁判官嚴舜儀告誡他:「受唔受人尊敬唔係睇你搵幾多錢,咁好侮辱你知唔知?」,不過他離開法院時得知自己是傳媒拍攝對象時,則大方企定定又叫記者「影靚啲」,似乎沒有悔意。網民評論褒貶不一,事後《東張西望》找來這名男子揭露校園欺凌的真相,為其他受害者討回公道,他直言如再做一次:「唔會攞咁少錢,至少5位數字」,決不認錯、改過。另外有心理學家分析受侮辱對小朋友心靈的影響。




(TVB電視截圖)

金融經紀上《東張西望》揭校園欺凌真相

該名金融經紀莊洋洋現年23歲,畢業於慈幼葉漢小學,事發10年前當時仍是小學生的洋洋被如今是學校訓導老師的李老師不斷欺凌,才會令他耿耿於懷。第1,出言侮辱,洋洋與班上幾個同學成績不佳,李老師除了罵他成績差,更指他是「回收箱入面嗰啲藍廢紙」,講到變花名,以形容他如廢紙一樣是廢物。雖然如今已經畢業,但家距離學校很近,每天早會廣播一傳到他房間,就會想起以前的慘況,令他很受傷害:「我覺得係好大嘅心靈創傷,我每日都會記住」。但洋洋話,他懷恨在心不止是普通的嘲諷,反而是那些極盡傷害,盡情侮辱的舉動。







第2,迫學生遊街示眾。李老師因為功課問題迫小六的洋洋拿著功課走去到隔離班,遊街示眾,隨即惹得班上同學哄堂大笑,令他覺得很羞辱,刻骨銘心。洋洋:「就算我份功課錯成點都好,我都唔想咁多人知。」第3,進行公投決定學生退學與否。李老師迫成績差的他簽一份退學信,之後在全班面前講:「邊個贊成佢留低就舉手」,若未能達致全體贊成,將會交封退學信予校長。最後洋洋求了很多同學幫手,才一致贊成他留低,無須踢出校。第4,用鐵叉襲擊學生及恐嚇。洋洋試過在李老師面前講了一句:「男人不流淚」,於是李老師用剛吃完飯的鐵叉刺他4、5下,期間更出言恐嚇:「你話男人唔應該流淚呀嘛,咁我依家就拮到你流血囉!」當時洋洋倉皇失措,覺得很慌張、不舒服,不過為免家人擔心,洋洋沒有跟家人透露半句。




(TVB電視截圖)




(TVB電視截圖)

欺凌要制止但報仇亦有錯 心理學家分析受辱對小朋友影響

長大後洋洋成績一直未如理想,大學亦因為成績欠佳而輟學,之後他投身財金融界任職金融經紀,以半年時間不惜一切搵快錢。上節目之前用5萬港元買了一條金鏈,又買了一隻金錶,目的是跟李老師講自己已有能力賺錢,並非當初的廢紙,更揚言:「我認為係最佳嘅表達,因應佢當年話金錢好重要而做,我再嚟過就唔會攞咁少錢,至少5位數字」。




(TVB電視截圖)




(TVB電視截圖)


#good2#18    #bad#5  
標籤:
不少網民力撐洋洋是真男人,經歷過如此慘事會有恨意很正常:「啲咁貶損羞辱嘅說話,老師根本對學生唔可以講!老師只係用咗佢嘅身教,教咗學生第日出頭時點對返佢。」、「為人師表唔應該咁對一個孩子,對小孩子來講會造成好大的陰影。我覺得教育部同老師應該反省,學校要鼓勵、感化學生,這樣才能培育出人才。個老師都係復仇者,當年自己如此傷害嗰個學生、現在還吿返學生,老師有羞恥心嗎?」、「個老師傷害咗個小朋友,導致小朋友心理扭曲,爲人師表,禍害下代」。不過都有人話洋洋暴力行為有問題:「佢老師果然冇睇錯人,不過唔係回收箱,係垃圾箱!」、「被人鬧,佢就記仇,而唔係反省。佢以為一千蚊人仔係好多錢,覺得已經吐氣揚眉,證明佢真係垃圾」。




(TVB電視截圖)

註冊臨床心理學家張傳義就話,在華人社會,可能我們比較習慣用羞辱、侮辱的方式來教導小朋友。如果當一個人覺得生活在這個社會、家庭,他自己都深信是個不重要的人,甚至慢慢覺得自己不值得被尊重,就會很影響一個人的自信,以及能否真正表現出他內在能力。例如學生成績不好,上堂不合作,假如老師用朋輩壓力、公開羞辱、改花名,令同學也不喜歡他、取笑他,就不是一個恰當的手法。因為小朋友會認為件事只關乎他與老師的關係,頂多都是不聽老師的話,不會知道自己有甚麼問題,犯了甚麼錯。


睇完覺得個老師當年真係冇睇錯人 [sosad]


應該用金磚


開個老師樣啦,我係街見到佢,一定Hi勁個教畜[fuck] [fuck] [fuck]


應該用金磚

金磚都係廿幾萬[sosad]
不如買部車車佢...[sosad]


個老師係太過份

但事主又真係廢物來, 大個左做倫敦金[sosad] [sosad]


如果事主無老作

個老師求神拜佛都要事主風山水起

事主唔掂想攬炒一定搵老師


第2個項我以前小學同中學都有D老姑婆Miss好鐘意咁玩, 要你Lunch Time拎份功課同飯盒企係佢教個班房後面儲物櫃一路做一路食

中學個Miss仲賤, 要你拎飯盒功課係學校教員室門口, 做到好為止先俾你食xx(


個學生係廢 但唔代表你做老師有權咁羞辱學生
間學校竟然完全唔追究代表呢間學校完全唔得


大陸仔做倫敦金[sosad]
買金鍊金錶充大頭鬼[sosad]
個老師話你係藍廢紙真係好客氣:)


進行公投決定學生退學與否。李老師迫成績差的他簽一份退學信,之後在全班面前講:「邊個贊成佢留低就舉手」,若未能達致全體贊成,將會交封退學信予校長。最後洋洋求了很多同學幫手,才一致贊成他留低,無須踢出校。

想像到一個小學生要周圍求人個情景,應該好慘:-(


:o)


個老師應該係好激

但就咁睇我覺得條友有吹水


李老師除了罵他成績差,更指他是「回收箱入面嗰啲藍廢紙」


咁就梗係老師錯哂啦, 金融Agent係屬於不可回收類別


反而想知呢條友細時行為係點


個老師應該係好激

但就咁睇我覺得條友有吹水

水份好重囉


李旻芳對奶cap圖都無開咩post#kill2#


個老師係太過份

但事主又真係廢物來, 大個左做倫敦金[sosad] [sosad]

老師有遠見[sosad]


個老師係太過份

但事主又真係廢物來, 大個左做倫敦金[sosad] [sosad]

老師有遠見[sosad]

睇完段片覺得個老師無睇錯人[sosad]

雖則佢啲行為真係好Hi Hi


好心你地啦又妒嫉我地倫敦boy, 我地晚晚揸令車開令酒, 系精神


如果個學生係大陸人應該大把人撐個呀 sir[sosad] [sosad]


唔太信
用叉拮到流血都唔同家人講?
我覺得條友似吹大搏同情多:o) :o) :o)


單方面證供, 信一成先,

倫敦金, 減多一半啦,

十句應該有半句真.


大個左就知咩人會去教書
咪又係打份工,咪又係人一個
玩下你 欺凌下你 好正常

唔知呢個大陸仔作為學生有幾Hi Hi
但可以肯定個位教畜都係抵死
今次佢光明磊落兜口兜面用錢打你
如果佢搵人打嚟你咩仇都冇得報

大陸仔有臥薪嘗膽嘅決心
而且佢有膽面對返自己嘅心魔
香港不嬲都係笑貧不笑娼
你讀好多書搵唔到工走去跳樓有咩用

繼續畀心機搵錢香港有錢係大曬
到時你洗驚冇方法玩返佢轉頭?


長大後洋洋成績一直未如理想,大學亦因為成績欠佳而輟學
香港得18%入大學率入到大學成績都唔錯啦:O


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 26/6/2019 15:41
今天貼文總數: 566 | 累積文章數目: 6,520,191

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.