主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章

跳至第

發起人
實習淪免費勞工買飯湊仔 恰你為CV乜都制?
28 個回應
3c905x_2.0

Member
https://hk.news.appledaily.com/local/realtime/article/20190523/59629795

[img]https://static.appledaily.hk/images/e-paper/20190522/large/1558523593_2ff8.png[/img]

實習是為累積工作經驗及知識,卻淪為廉價勞工!早前有網民不滿有公司只以每月2,000元低薪聘請實習,而事實上不少學生為更易入行,甘願無薪實習,卻被無良僱主利用,工作範疇完全脫離行業特質。有人想投身文化藝術界到畫廊實習,卻要「幫老闆娘湊女」;有人在活動策劃公司工作,變成跑腿替同事買飯。但他們直言為入行並無其他選擇空間,「為咗CV咩都要做,如果你無相關經驗,根本就無人考慮(聘請)你」。而有人力資源顧問就指,實習屬學習一部份,「無要你交番學費都偷笑啦!」

記者 周詠雯

攝影 何家達、周智堅、李潤芳

[img]https://static.appledaily.hk/images/e-paper/20190522/large/1558519602_41df.jpg[/img]
Clara甘願做無薪實習,為了累積經驗入行。

為了大學畢業後在文化藝術界工作,Clara(化名)兩年前應徵一份畫廊無薪實習。家住屯門的她每日花多個小時上下班、每日倒貼開支,為了「入行」,在所不惜。原以為可了解更多行業發展、了解更多有關藝術方面的知識,不過這份工作就令 Clara 大失所望:畫廊規模小,上班頭一個月也只是一人工作,充當畫廊營業員加保安;「前一日返工個同事寫低張紙,同我講做啲乜」,連同事都杳然無蹤,遑論有人教導,「感覺好迷失、好古怪」。

實習淪為湊仔婆

Clara坦言「返工頭一個月都唔係好知道做乜嘢」,但噩夢又何止如此?每逢星期日外籍傭工放假,老闆便會把不足十歲的孩子帶至畫廊,讓Clara「湊住個小朋友,安全咁喺畫廊」。小孩充滿好奇心,在畫廊跑跑跳跳,又拿起油彩畫筆打算四處塗鴉,Clara就化身保姆,同時照顧小孩及看守畫廊。

面對如此待遇,何不中途放棄,另覓工作?Clara指文化藝術界比較着重人脈關係及經驗,「淨係你個CV無嗰一項(工作經驗),就已經足夠令到佢唔見你」。當Clara以為自己捱出頭來,被畫廊聘為有薪兼職時,數個月後其僱主又稱畫廊暫不需聘請兼職員工,Clara後來發現,畫廊不再需要兼職的原因,是將有兩名實習同學上班。

[img]https://static.appledaily.hk/images/e-paper/20190522/large/1558519602_179b.jpg[/img]
由大西北到上環工作,每日也要花數小時乘車。

悲慘的例子不止Clara,陳同學(化名)曾在一間活動策劃(Event planning)公司工作,不過陳同學直言「如果係做Event planning有關嘅嘢,基本上係零」。陳同學的生活亦與「打雜」無異,上班時負責買飯、送信;同事開會與他無關、活動策劃流程他亦無法參與,更甚者「下一個function係幾時我都唔知」。但由於陳同學本身經副學士升讀大學,希望透過實習經驗來增強競爭力,故並無在短時間內辭去實習工作。


#good2#3    #bad#2  
標籤:
[img]https://static.appledaily.hk/images/e-paper/20190522/large/1558519602_7584.jpg[/img]
Clara每日由屯門乘車至上環上班。

究竟實習應有何待遇?有人就創立實習搵工平台,希望同學尋到有合理待遇的實習工作。On Grad創辦人Anthony直言市面上有僱主視實習為廉價勞工,更甚者「無乜教你做嘢,仲要做好無聊嘅嘢」。他續指,雖然實習是讓同學了解就業目標,但實習生對公司亦有一定貢獻,「就算只係影印,甚至睇report(報告)、做presentation(匯報)都好,呢啲都係幫緊你公司去做嘢!」故如公司情況許可,「最低工資係最基本畀到一個人嘅人權」。

[img]https://static.appledaily.hk/images/e-paper/20190522/large/1558519605_3865.jpg[/img]
Anthony直言,「最低工資係最基本畀到一個人嘅人權!」

人力資源顧問:不應太計較金錢

不過有人力資源顧問就指,如果實習學習成份高,實習同學亦不應太計較金錢報酬。安俊人力資源顧問董事總經理周綺萍指,由於一間公司訓練實習生亦需付出人力物力,「你去做intern,其實佢無要你交番學費,你都偷笑啦!」周續指,「基本上佢教你唔同嘅嘢,咁老實講無錢你都唔應該同佢去糾纏」。不過周亦強調,如果有關實習工作無甚所學,「由朝到晚淨係影印㗎啫,咁影印你就真係要有錢(薪金)喇!」

《蘋果》就實習薪金及待遇等向各大學查詢,各大學均無提及曾收到學生投訴實習待遇事宜。科大指只有土木及環境工程學系要求同學於畢業前至少有6星期實習經驗,亦會要求香港僱主符合最低工資要求,提供不少於港幣6,000元的月薪予實習同學。嶺大則回覆指,安排實習時會先讓同學得悉薪金及津貼等待遇;如果同學參與非牟利組織、社企或初創企業提供之無薪實習,校方亦會為有關同學提供交通或膳食津貼。

[img]https://static.appledaily.hk/images/e-paper/20190522/large/1558523873_50eb.jpg[/img]
周綺萍指,如果實習的學習成份高,同學不應太介意金錢報酬。


遇到伏intern點算好?兼職暑期工實習有咩唔同?

[img]https://static.appledaily.hk/images/e-paper/20190522/large/1558523976_95b6.png[/img]

每年臨近暑假均是一眾大學生找暑期工或實習的旺季,在兼職、暑期工及實習之間,又應如何選擇?實習薪金「叫價」如何?找到實習的同學,如果工作不久發現工作內容不如預期,又應怎樣做?《蘋果》就找來兩位專家,安俊人力資源顧問董事總經理周綺萍及實習招聘平台On Grad創辦人Anthony教路。

1. 兼職vs暑期工vs實習

周綺萍指,兼職給予僱主的印象「似係使費唔夠先去」,加上兼職有機會每星期只上班數小時,「我就唔覺你做過啲乜嘢」。而兼職主要用作彌補人手不足,上司對他們要求亦不高,「只係執頭執尾」,周形容「唔能夠反映到你真係up to level」。

至於暑期工(Summer Job),由於屬全職工作,加上通常均需持續上班兩至三個月,公司對暑期工有一定要求,故暑期工經驗比兼職經驗較為有利。而實習計劃對履歷的幫助就最大,周指,實習僱主會為實習員工提供訓練,「學識基本嘅嘢」。而跨國公司及大機構等,實習計劃更能有系統地教導實習員工,此等經驗對履歷就更有幫助。

2. 實習工資

現時不少實習工作月薪只低於$4,000甚至無薪,究竟實習工資多少才合理?Anthony指,中小企每月實習薪金約為$4,000至$6,000,大企業實習月薪為$7,000至$10,000。至於投資銀行,實習員工月薪則可過萬。

3. 實習工作內容不如預期怎辦?

有時候,世界總會不像你預期。實習同學如上班不久才發現「中伏」,可以如何自救?Anthony指,同學不應貿然辭職,「CV會唔靚」。同學可以思考「自己有無能力喺呢個崗位做多啲嘢」,並主動向上司詢問會否有更多工作可以幫忙。周綺萍就指,如果是大學安排的實習,如遇此等問題可先向校方反映,「有無辦法同間公司溝通一下呢?」以了解「我係咪成個intern以後都係咁㗎喇?」

周續指,同學亦可與公司內「接頭人」反映,例如人事部職員等,同學亦不用擔心此舉會給予公司壞印象,「咁樣先反映到個(同學)個主動性,唔係逆來順受,叫你做乜就做乜。」

Anthony又提醒,實習見工或上班前,亦可詢問公司人事部「實際上做啲咩呢?工作時數係幾多呢?」讓自己心中有個預算,預計未來工作內容,就較少機會出現理想與現實的落差。但同學詢問有關資料時,記得有禮貌及勿以挑剔語氣詢問,可客氣地稱「都想睇下自己可以點樣準備呢份工」以了解更多工作背景。


第一日返工想 plan 個 event ?


奴隸有人權嗎?


第一日返工想 plan 個 event ?

班intern係想好似tvb劇咁,第一日有間房坐,有個秘書問佢要咩文具,間房點裝修,比部mac book 佢,跟著成班同事遂個入房同佢打招呼,然後老闆召佢入房交單一千萬project 比佢,有一team人比佢指揮[sosad] [sosad]


仲返工[sosad]lm

學下炒金融工具, 炒樓 炒外幣好過^3^ma


免費都做 傻的嗎


Clara以為自己捱出頭來,被畫廊聘為有薪兼職時,數個月後其僱主又稱畫廊暫不需聘請兼職員工,Clara後來發現,畫廊不再需要兼職的原因,是將有兩名實習同學上班。

[sosad] [sosad] [369] [369] [banghead] [banghead]


十幾年前我做緊律師樓,D HKU 法律系intern 真係冇人工,得車馬費, 搵佢地番黎影印執FILE打雜[369]


十幾年前我做緊律師樓,D HKU 法律系intern 真係冇人工,得車馬費, 搵佢地番黎影印執FILE打雜[369]

[sosad]


有工畀你返要感恩, 唔好追求金錢
最好七天工作:)yup :)yup


十幾年前我做緊律師樓,D HKU 法律系intern 真係冇人工,得車馬費, 搵佢地番黎影印執FILE打雜[369]


其實實習有野咪好囉,唔係個個想帶新人,你要俾野佢地做,佢地識咩?佢地唔識你教佢,教完你自己功夫唔洗做?同埋自己做快過教佢地,仲要佢地做完,你執手尾跟翻、對翻、錯左你自己食埋。

所以好多時都係晾係度,又唔可以做其他野,坐係度又眼訓..


十年前讀ive要我地最後一個sem去其他工程公司實習,
Hi Hi得1500蚊個月番一至六仲要日日搬重野,
除左搬野乜春都學唔到都唔知實習做咩xx(


高手低手真係
施生當年做Filing 半年結果領悟整理資訊的方式
你們只識呻O:-)


頂爛市,抵死


Clara以為自己捱出頭來,被畫廊聘為有薪兼職時,數個月後其僱主又稱畫廊暫不需聘請兼職員工,Clara後來發現,畫廊不再需要兼職的原因,是將有兩名實習同學上班。

[sosad] [sosad] [369] [369] [banghead] [banghead]

咁快就感受到長江後浪推前浪 :)


Clara以為自己捱出頭來,被畫廊聘為有薪兼職時,數個月後其僱主又稱畫廊暫不需聘請兼職員工,Clara後來發現,畫廊不再需要兼職的原因,是將有兩名實習同學上班。

[sosad] [sosad] [369] [369] [banghead] [banghead]

咁快就感受到長江後浪推前浪 :)

所以唔怪得同事都唔想見到佢
死八婆估義工頂爛市仲要教你去取代佢
唔Hi佢老母都算客氣:o) :o) :o)


幾年前暑期學校有個機會去北京一間公司實習一個月
無薪,只包住唔包交通同食
得一個名額,成村人爭又睇平時成績又要面試
結果贏左條友飛到去每日只係影印同幫開會既客人倒水[banghead]
成個月咩q都學唔到
返到黎仲有d人話佢唔自己主動爭取學野,浪費左個機會
但其實條友一直有爭取學野既機會
只係將心比己你黎得一個月
點會比project你跟or參與[banghead]


想投身文化藝術界#ng# 咪玩啦!喺香港藝術,體育都揾唔到食,你以為好似電視劇咁坐office吹下水六時收工呀? 襯早揾過份啦!


十年前讀ive要我地最後一個sem去其他工程公司實習,
Hi Hi得1500蚊個月番一至六仲要日日搬重野,
除左搬野乜春都學唔到都唔知實習做咩xx(

好明顯果D公司唔想請實習 但又想IVE介紹畢業生入去做[sosad]
肯教人既公司唔多 除非你表現到將來好想入去做又話頭醒尾


咁咪可以做家務助理


十幾年前我做緊律師樓,D HKU 法律系intern 真係冇人工,得車馬費, 搵佢地番黎影印執FILE打雜[369]


其實實習有野咪好囉,唔係個個想帶新人,你要俾野佢地做,佢地識咩?佢地唔識你教佢,教完你自己功夫唔洗做?同埋自己做快過教佢地,仲要佢地做完,你執手尾跟翻、對翻、錯左你自己食埋。

所以好多時都係晾係度,又唔可以做其他野,坐係度又眼訓..

根本好正常, 全世界係咁
日本壽司頭十年都係做清潔, 第十一年先學煮飯


:o)


十幾年前我做緊律師樓,D HKU 法律系intern 真係冇人工,得車馬費, 搵佢地番黎影印執FILE打雜[369]


其實實習有野咪好囉,唔係個個想帶新人,你要俾野佢地做,佢地識咩?佢地唔識你教佢,教完你自己功夫唔洗做?同埋自己做快過教佢地,仲要佢地做完,你執手尾跟翻、對翻、錯左你自己食埋。

所以好多時都係晾係度,又唔可以做其他野,坐係度又眼訓..

根本好正常, 全世界係咁
日本壽司頭十年都係做清潔, 第十一年先學煮飯

支持新人做夠十年先比做office野 #yup#


不如支持奴隸制啦
講得出當笑話都毛管戙啦仲要活生生做出嚟面不紅耳唔赤,呢啲管理層或老細拎去餵狗都侮辱左狗糧。
xx(


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/6/2019 1:07
今天貼文總數: 1,277 | 累積文章數目: 6,516,303

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.