主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

有關解封部份帳號之事宜

早前收到各會員反映一些朋友的帳號可能因誤會導致被封,CEO與管理員團隊商討後,重新審核並決定解封部分只輕微觸犯版規、懷疑被駭的帳號。所有可得到解封的帳號(包括登入電郵及備用電郵)將會收到我們發出的通知,如有用戶收到電郵而未能正常重新登入,可以到「聯絡我們」(http://forum8.hkgolden.com/contactus.aspx)提供你用作註冊的電郵地址、後備電郵地址予我們跟進。

香港高登討論區管理員團隊
精選文章
DeerGamer

跳至第

發起人
其實美國制裁比你地所知嘅惡好多
156 個回應
狂草泥馬

呢度,甚至全香港,好多人都以為美國制裁就係凍結你美國資產,唔俾你入境之類,如果冇美國資產又唔係美國人,最多去唔到美國。但其實美國認真制裁你時,係冇得玩。等我講你知。

首先美國制裁就真係只可以美國國內執行。呢種制裁唔同孟晚舟喺美國境內協助伊朗,被制裁者其實冇犯美國法。美國係冇得叫其他國家引渡制裁對象,更加冇得凍結佢嘅非美國資產。

咁,個被制裁者的,我當係777先啦,唔去美國,冇資產在美國,未即係冇影響?當然唔係咁簡單。呢個制裁名單,係會要求所有喺美國搵食嘅金融機構唔可以幫777服務,除非有特別批文,否則輕則罰款一千幾百萬美金,重則釘牌,所以銀行正常唔會再受佢玩。但上面講咗,777冇喺美國有資產,咁佢最多唔可以用香港citibank,最最多未包埋hsbc,渣打呢d有喺美國搵食嘅bank。我用永亨,吹咩。

嗱,最惡就喺跟住。如果你間銀行協助制裁名單上嘅人或者國家組織,美國可以會制裁埋你間銀行。就算你永亨完全冇美國生意,但只要你間銀行有美金交易服務,你就一定會經美國本土嘅銀行做中轉settlement,包括匯款押匯美元基金離岸存款。而因為永亨被制裁,佢喺美國同業嘅交收用美金戶口會被凍結,而美國所有金融機構都唔會再幫佢交收美金。簡單d講,呢間銀行喺同業間同死咗冇分別。所以,只要涉及到美國制裁名單,全港所有金融機構係全部唔會做生意,一定係close account。

好啦,用返777同永亨個case。如果美國認真玩,結果就係,一係全港甚至全世界正常地區嘅金融機構都close你777戶口,包括銀行股票行保險基金信用卡。另一個就係永亨繼續俾777用,但係間銀行從此俾人廢咗9成,咩同行都唔可以/唔敢同你往來。呢家中國同伊朗交易用嗰間咩崑崙銀行就係犧牲晒所有正常國際往來嚟專門服務伊朗。

如果美國玩認真,制裁香港某d人或者公司,並嚴格執行,究竟香港d金融機構會點反應,我好期待#yup#


#good2#137    #bad#4  
標籤:
#hoho# #hoho# #hoho#


孟晚舟單嘢hsbc嘅反應已經答咗大家 >> 主動調查後再向美國報寸


如果係真就好[369] [369]


777:我用中銀#yup#


雖然呢,我就講得誇張少少,但只要聽到同伊朗有關,基本上全港所有叫得出名嘅金融機構都唔會受你玩,呢個係事實。咁美國會對你香港或者接待過條船嘅香港人/公司有幾認真,就真係唔知。可能只係打嘴炮,或者罰一次款警告吓你就算呢;-)


777:我用中銀#yup#


如果美國玩認真,中銀都死。中銀俾美國認真制裁,跌到除牌都唔掂


同埋leo上面一堆衛星每九十分鐘就掃過我哋頭頂一次,真係唔想咁樣畀人斷正法,會好向左走向右走肉酸 [sosad]


其實如果係地區性銀行,例如中國境內嘅省級銀行,平時業務都只係人仔,反而唔怕美國制裁。但香港係國際金融中心,是但一間中型銀行每日都有一百幾十億美金交收,你唔俾佢再做美金,真係同殺咗佢冇分別


所以國際社會要阻止修訂,最有效做法係話俾土共知咩叫一拍兩散


香港咪好大可能唔俾隻船泊港囉?:O


孟晚舟單嘢hsbc嘅反應已經答咗大家 >> 主動調查後再向美國報寸


因為hsbc之前就係當美國死,俾美國捉到幫墨西哥毒犯同伊朗有往來,俾美國告,最後庭外和解到。。。不過要罰19億美金。[sosad]

基本上呢家唔再有銀行當美國制裁名單冇到


[offtopic] d互聯網係咪鋪晒係美國 美國一禁制就令某國聯唔到去外面 ?


777:我用中銀#yup#


如果美國玩認真,中銀都死。中銀俾美國認真制裁,跌到除牌都唔掂

中銀係美國有branch架[sosad]


香港咪好大可能唔俾隻船泊港囉?:O

真係求神拜佛都望佢泊過嚟,Snowden已經落過美國佬一次面,今次精彩囉[bomb]


香港咪好大可能唔俾隻船泊港囉?:O

林鄭太后驚你外國勢力有牙
全香港一齊食草#yup#


講重點ok?


777:我用中銀#yup#


如果美國玩認真,中銀都死。中銀俾美國認真制裁,跌到除牌都唔掂

中銀係美國有branch架[sosad]

咁唔用中銀,香港大把中資銀行,招牌殘體字都有


講重點ok?


玩到咁惡邊個同美國做生意
恐怖份子就話姐[sosad]
雖然我都想睇戲


講重點ok?

重點:美國好勁


之前二零零幾年聽過有個叫 Lincoln Burrows俾美國政府屈殺人判死刑,之後搞到好大件事


777:我用中銀#yup#


如果美國玩認真,中銀都死。中銀俾美國認真制裁,跌到除牌都唔掂

中銀係美國有branch架[sosad]

咁唔用中銀,香港大把中資銀行,招牌殘體字都有


殘體字銀行喺美國都有分行


777:我用中銀#yup#


如果美國玩認真,中銀都死。中銀俾美國認真制裁,跌到除牌都唔掂

中銀係美國有branch架[sosad]

咁唔用中銀,香港大把中資銀行,招牌殘體字都有


殘體字銀行喺美國都有分行

應該香港所有銀行都有美金往來㗎啦


睇緊John wick咁[sosad]


之前二零零幾年聽過有個叫 Lincoln Burrows俾美國政府屈殺人判死刑,之後搞到好大件事

佢細佬咪救左佢出嚟[sosad]


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 17/7/2019 0:39
今天貼文總數: 993 | 累積文章數目: 6,529,107

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.