主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 時事台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
DeerGamer

跳至第

發起人
呢度有幾多人學生時重係前互聯網(未有上網)年代
9 個回應
中年電車男

現在已經好難再想像未有上網年代, 個陣要睇新聞/要講娛樂野只可以靠報紙雜誌, 如果媒介背後有意操作根本冇得反擊, 倪震YES玩劉鍚明最經典, 可能當年學生真係好單純, YES話乜就乜, 劉鍚明更加無得反擊
睇書睇衛斯里已經相當於今日的毒, 友禾先IN, 漫畫比人定形係"頑皮"讀物(當然我都唔理), 關心時事更加好似係成功入到大學後的專利, 中學生睇多少少政治雜誌已經比人"關心".
自己係睇住個人電腦興起, 56K到今日4G, 有時見再細個D受網絡影響行為都好難明, 我老竇老母輩更可想而知


#good2#32    #bad#1  
標籤:
我算當年的"毒向左走向右走", 睇晒衛斯理, 武俠都係後睇, 睇李怡"九十年代", 落荷里活中心靈機


94年 睇星島電腦廣場 , 上佢個濕九網
之前玩開BBS

你係咪hk.politics,個批共奴呀


“毒瘤明”當年如果有Facebook,都唔會只可以捱打


如果互聯網冇出現過,大家比特區政府賣左都可能重唔知


以前個個以為上咗網,大家會更多交流、更少偏見。

點知大部份人都只係集中同與自己興趣同睇法接近嘅人交流,結果出現圍爐效應,視野更加狹窄,意見更加偏執。

兩睇啦
報紙都差不多
睇文大商說肯定同睇明報信報晌兩個世界


你話有內容農場
但起碼你都可以google下個news fake唔fake
唔好話前互聯網時代
就算光纖初代
都仲要靠傳統媒體feed
你俾唔俾人fake真係靠啲人既良心
要睇下「其他睇法」都唔係咁易
反而你話以前ps冇咁易就真


其實菲林年代早可改圖, 只不過以前要晌黑房做亦要專門技術, 只有官方至有能力做


成日起到諗以前d人搭車唔玩電話可以做咩:)


睇漫畫, 打GAMEBOY


有段時間90年代後期,有人玩公司line。

公司電話錄音無啦啦有條靚妹錄左,跟住好快咁講一段野,講每個字之間夾個音,類似暗語咁,然後有狗公打上黎聽錄音,佢哋再互相聯絡。

無上網就係靠咁樣釣厹

可以拍戲:)


95-96 已經晌HK.POLITICS 同班共奴開大片


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 23/7/2019 18:58
今天貼文總數: 1,558 | 累積文章數目: 6,532,693

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.