主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 財經台內。

請大家務必定期更改密碼

有見近日有會員懷疑自己帳號被盜用,我們在此向大家呼籲,為保安理由請定期更改密碼,並要為電腦安裝最新的網絡保安軟件,如無必要亦請不要在不屬於自己的電腦登入任何需要密碼的網站,謝謝各位。

香港高登管理員團隊
精選文章
DeerGamer

跳至第

發起人
[純分享]鑽研左Cryptocurrency同Dapp生態一段時間,有錯求輕插
77 個回應
區塊戀

Member
Bitcoin最近重振雄風開始左新一輪升勢,重新被大眾關注,其實其他Altcoins之前既升幅更加誇張,好多隻都有倍數升幅,每日都總有幾隻係有雙位數%既升幅,都幾好炒。

我地係介紹其他幣前不妨先睇下熊市前一班所謂專家既預測Bitcoin價格既結果。

[img]https://upload.cc/i1/2019/04/08/JTRXgb.jpg[/img]

暫時黎睇Bobby Lee都估得幾準,估中左前一輪既暴跌,但睇佢既預測對未來的價格走勢都係非常樂觀。其他人就更加唔洗講,防毒軟件大王John McAfee更高調揚言如果Bitcoin價格係2020年去唔到50萬美金就當眾表現,搞到我都為佢條JER擔心。

[img]https://upload.cc/i1/2019/04/08/cCoOyj.jpg[/img]

點解佢地對Bitcoin既價格咁樂觀,我相信都係同下一次既減半年有關,係比特幣既系統中每四年區塊奬勵都會減半,令挖礦既難度大幅增加,物以罕為貴,唔少人都當Bitcoin係數字黃金,當佢既稀缺性增加自然都有望刺激價格。

雖然Bitcoin既價格係2017年尾既瘋狂牛市後大幅下滑,但仍然有少部分幣不但無跌,仲有唔錯既升幅,但相信好多人只係留意到Bitcoin,最多留意埋Ethereum,比較少人留意呢啲幣,咁我地一齊睇下呢啲係熊市中都有唔錯表現既幣有咩特點。


#good2#10    #bad#4  
標籤: 投資策略
第一隻要介紹既係Holochain,呢個Project想打造分佈式既互聯網,佢有啲特別,用既唔係大家聽到爛既Blockchain技術,而係另一種叫做DHT(Distributed Hash Table)既DLT(Distributed Ledger Technology,啫係去中心化帳本技術,Blockchain只係其中一種)。如果大家細過有用過BT Download嘢既話,DHT就係BT背後有應用到既技術。

[img]https://upload.cc/i1/2019/04/08/aK7pgj.png[/img]

Holochain係2018年4月進行佢既Token Sale,時至今日已經為早期投資者帶黎8倍以上既回報,比起Bitcoin或者其他幣係熊市中跌到趴街既表現可謂十分出色。筆者介紹呢隻野其實唔係話想叫大家快啲ALL IN,只係舉一個例子說明下係Crypto既市場入面,好多技術L,新技術總會受到熱捧,甚至大市表現差都可以帶黎好好既回報
,就好似早期既IOTA、NANO呢類採用左DAG技術(Directed Acyclic Graph,又係另一種DLT)既COINS都炒過一輪。


技術其實無咩用,最重要係marketing


啱啊,TRON既MARKETING就做得唔錯,2017年尾一個月升左過百倍 [sosad]


[img]https://upload.cc/i1/2019/04/08/wdLYEz.png[/img]

第二隻介紹既係Binance Coin,Binance係全世界公認最top既加密貨幣交易所,差價細,同埋上既幣都經過精挑細選,通常新幣一上都會pump一浸。Binance係短短成立八個月後既盈利已經超過德意志銀行,同Nasdaq並肩,佢自己既平台幣bnb都好犀利,一直穩步上揚,就算比特幣係12月中創下接近$20,000美元既高點後步入熊市都無阻bnb幣價上升,由$4(當日Bitcoin接近$20,000)升過上$24,到而家都仲接近$18。

BNB既Token Model成功之處就係用佢Binance交易所既人好多都會買BNB黎俾手續費(因為有Discount),而每個季度Binance都會用20%既盈利回購BNB並進行銷毀,減少Supply。

BNB係ICO時既價格只係$0.1,以而家$18既價值黎講係短短2年已經升左190倍,所以仲值唔值得入真係見仁見智。

幣安而家仲有得直接用信用卡買幣,收費為3.5%。而家好多交易所都搞緊IEO(Initial Exchange Offering),而幣安做既IEO基本上一上搶到都起碼升幾倍走唔甩(但通常幾秒內就俾人搶晒,仲有啲大陸人包埋成個網吧場俾錢請人黎搶), 但用戶要持有足夠既BNB做攪珠抽奬。如果想玩幣又未有Binance Account唔介意既可以用小弟Referral Link註冊返個:https://www.binance.com/en?ref=11060527


[img]https://upload.cc/i1/2019/04/08/FsLp2i.png[/img]
啲人成日話Bitcoin無價值,只係一個SCAM,遲早歸零,但其實BITCOIN已經有十年以上既歷史同一定認受性,的確佢既價格波動好大,有跌幾成甚至八九成既風險,但暫時就睇唔到佢有乜歸零既可能性(除非量子電腦普及法而礦工係之前又搵唔到一個新既解決共識問題既辦法) 。雖然係香港無咩落地應用,但先唔講西方國家,日本韓國新加坡係呢方面都行得好前,唔少商戶都接受用Bitcoin俾錢(日本既廉航Peach Airlines同大型電器舖BIC CAMERA都收Bitcoin),而家仲有Bitpay, TenX, Monaco呢堆VISA卡俾你直接用BITCOIN洗錢(咁當然係會Charge你手續費啦),係啲第三世界國家更加係為人所熱捧,非洲同委內瑞拉就係例子。當地既人同我地唔同,好多都無銀行戶口,而佢地對Bitcoin同其他Crypto既熱誠相信唔係我地想像得到(你話佢地國家既窮,但人地國家咁多人每個人擺幾蚊落去落去個市場都大到難以想像),真係去到應用層面,好多時滙錢俾屋企人都係靠Bitcoin,因為電滙太慢,中間既過程手續費又好貴。


頭二十打後d coin無咩參考價值 [sosad]


但頭二十既排名成日變,基本上除左Bitcoin係穩坐第一其他位置都成日變動,每隔半年至一年就人面非,除左BTC,Litecoin都係少數長期留係十大既Coin之一。


既然睇得財經台,相信大家最CARE都係點搵錢,咁點去判斷邊個Project或者邊隻Coin投得過呢,大致上有以下呢幾點要留意:
- 團隊既成員有咩人?佢地既Technical Background勁唔勁,可唔可以Fulfill到(或者至少做到一部份)佢地Project所講既Goal
- GitHub啲Code多唔多Update
- Market Cap同同類Project比較合唔合理?(好簡單,就係睇個Project需唔需要用到項目方講既咁多資金去做野,一開波就籌好多錢,隻Coin市值高既話當然往後既升值潛力就非常有限,同埋一開波就籌左咁多錢仲邊有人有動力做野,著草好過啦)
- Reddit/ BitcoinTalk多唔多人討論,有無HYPE?
- 有啲咩出名既VC投資左?佢地過往投既Projects表現又係點?
- 有無啲機制保障Investors,例如智能合約鎖倉,逐步釋放Private Sales、Seed Rounds既Tokens(理論上越少街貨係前期就越易炒上,都可以避免早期既大戶一有得TRADE就一次過DUMP晒啲貨)。


#adore# #adore# #adore# 賺左幾多?


都OK既,可以每日唔睇餐牌就叫M記加大 :P


大家都係零和投機遊戲
不如玩期貨期權好過啦


唔少幣你計長線黎講都有KEEP住向上升,公司業績都有GROWTH,應該就唔算完全係零和遊戲既。


又黎[sosad] 2017年中左一次伏。 唔洗預我#bye# 呢啲coin我寫十隻俾你都得。 仲有交易所簡直謀取暴利[sosad]


買賣股票、期貨、外匯啲交易費應該俾Crypto啲交易所高好多,個波幅仲要俾Crypto細得多,Crypto一般都係0.1%左右。


唔昆下新人入場又邊有人幫你接火棒#good#


你不問價入先叫接火幣吧,我又無話Specifically買邊隻邊隻就100%升硬可以咩位都入,Crypto都只係一種投資工具,只係上面既機會多啲刺激啲,玩既要自己計下Risk/ Reward Ratio,自己搵出一套適合自己又贏到錢既交易䇿略,唔好剩係跟啲乜7專家,無論係傳統啲既陰陽燭、保力加通道、波浪理論果啲乜乜物物TA理論都可以APPLY,或者觀察下市場情緒黎判斷。


係咪D人拎個DISPLAY CARD開電腦鑽鑽鑽就跌一個出來?


呢種係行POW模式既,仲要係抗ASIC(Application-specific integrated circuit,啫係好似Bitmain果啲專門設計黎挖礦果啲機)先會等DISPLAY CARD易挖啲,視乎隻Coin行咩共識機制,有啲Coin係唔洗靠Mining都拎到。而家比較常見應該係挖一種叫Monero既匿名幣。


唔昆下新人入場又邊有人幫你接火棒#good#


你不問價入先叫接火幣吧,我又無話Specifically買邊隻邊隻就100%升硬可以咩位都入,Crypto都只係一種投資工具,只係上面既機會多啲刺激啲,玩既要自己計下Risk/ Reward Ratio,自己搵出一套適合自己又贏到錢既交易䇿略,唔好剩係跟啲乜7專家,無論係傳統啲既陰陽燭、保力加通道、波浪理論果啲乜乜物物TA理論都可以APPLY,或者觀察下市場情緒黎判斷。

次次聽到人搬晒呢d詞出來我就驚


例子黎啫,個個人炒法唔同,TA都可以失效/唔準,最後搵到自己贏錢既䇿略/方法就得。[bouncer]


大家都係零和投機遊戲
不如玩期貨期權好過啦


唔少幣你計長線黎講都有KEEP住向上升,公司業績都有GROWTH,應該就唔算完全係零和遊戲既。

上升只係有人接貨
而接貨既人買既原因又係為左等其他人接貨
最後咪爆囉[sosad]

整體黎講只係財富再分配
當然黃金期貨期權郵票威士忌都係零和
不過佢地都有風險對沖 / 實際用途
最後總有人唔介意蝕少少錢入市
先令個價長升長有


咁其實同黃金差唔多吧,Bitcoin一樣有大把礦場挖緊,佢地一樣會用期貨黎做風險對沖,Total Supply更加係LOCK死左係2100萬粒。實際用途方面上面都解釋過係香港你見唔到,但係歐洲或者好似阿根廷、土耳其、委內瑞拉、非洲呢啲俾美帝整死佢地貨幣既國家其實係都幾多人用,仲未計DEEP WEB上既交易。本身Bitcoin既設計起碼就解決左銀行系統搞左幾十年都仲係效率極低、成本又高既跨境支付問題,剩係呢點都會令佢有實際用途,個價值唔一定係好高,但起碼絕對唔係零。#cn#


加密貨幣長期以來一直被拿來與傳統的系統相比較。對比最多的一個領域就是交易,因為當現有的支付系統已經可以每秒鐘產生大量的交易時,消費者並不認為存在對比特幣的需求。然而這一切都將改變,因為最近由Crypto Slate發布的一份報告顯示,比特幣的年交易價值已經超過了PayPal。

ARK Invest的加密資產分析師Yassine Elmandjra分享了一個條形圖,對比了”年度比特幣基礎層交易計數“和不同信用卡公司,如Visa、銀聯、MasterCard、Discover和PayPal。根據Elmandjra的交易價值分析(而不是交易量分析),比特幣距離“Visa的數量級還很遠”,不過它卻已經超過了PayPal和Discover等公司。

比特幣目前的年交易價值為1.3萬億美元,距離Visa 2016年的8.9萬億美元還很遠。然而,根據Crypto Slate所說,除了從交易量看,評估市值同樣重要,比特幣的交易價值增長了近8倍。如果未來幾年的趨勢持續下去,到2022年,比特幣有可能超過Visa。

Source:https://bitcoin.hk/news/%E8%B6%85paypal%E8%BF%BDvisa%EF%BC%8C%E6%AF%94%E7%89%B9%E5%B9%A3%E5%B9%B4%E4%BA%A4%E6%98%93%E5%83%B9%E5%80%BC%E8%B6%851-3%E8%90%AC%E5%84%84%E7%BE%8E%E5%85%83/


好簡單

因爲冇熔斷,因爲係完全嘅無政府式市場
所以市場極度唔穩定,細戶只可以玩極短期嘅投機行動,IPO極高一開即冧嘅風險,長放係會俾大戶玩到冇渣


其實等熔斷先CUT都唔係一個合理既做法啦 @_@ Crypto一樣可以SET止蝕控制風險,無必要等佢熔斷喎,只係好多人中意買完就佛系咁PAT係度唔理,又唔自己做下功課,咁其實係對自己啲錢不負責任,輸錢都係合理啦(其實咁玩法玩其他股票外滙期指期貨咪一樣係輸),至於「長放係會俾大戶玩到冇渣」呢句都係睇Timing同自己睇法準唔準架啫,又無話長放就輸硬,以Bitcoin為例,15揸到17年尾咪FAT FAT囉,18年頭揸到而家咪GG囉。



我估呢樣應該真係同股市個升/跌相似,跌市就買咩都跌,入貨只係為左等佢升返
但問題係股票有對應公司,我買隻航空股,就算我唔識揸飛機,我都有方法分析到航空業個市況係點
crypto真心唔識玩,有冇邊D幣本身係同間公司既業績掛勾,而唔係淨係得個炒?


上面講過既Binance Coin就係其中一個例子,會透過用利潤回購銷毀黎保住佢隻幣既價值,就係同佢既交易所業務掛勾,而家幣圈興講STO(Security Token Offerings),基本上就係將證卷同房地產呢類資產上鏈,STO同ICO最大既分別就係歡迎監管機構監管同監督,同有實質資產BACK UP,持幣既人可以透過公司的收入、股息獲得利潤,啫係將成個金融市場既遊戲擺左上區塊鏈上玩。




crypto currency目標就係虛擬嘅貨幣
貨幣嘅出現出於金銀交易,金難發掘又係人類喜愛嘅金屬,自然成為財富象徵
然後政府需要財富做建設同軍事支出,但冇金或者其他資源等價交換,作為金銀取代就係貨幣
但貨幣有個問題,就係佢受政府操控,以及偽造
crypto用途就係唔受呢兩個致命因素影響,偽造問題靠成熟咗嘅加密法,幣值操控就以降低掘礦提取量
但咁嘅機構就變成黑市同投機者有機可乘嘅目標。

剩係解決到偽造問題同全球性即時支付呢點都已經有一定價值啦,而且唔似美聯儲呢間私人機構咁中意印幾多銀紙就幾多銀紙 [bouncer]


幣少個隻有無升番[369] [369]

無吧,佢果啲都擺明係出隻空氣幣割人架啦[369]


唔昆下新人入場又邊有人幫你接火棒#good#


你不問價入先叫接火幣吧,我又無話Specifically買邊隻邊隻就100%升硬可以咩位都入,Crypto都只係一種投資工具,只係上面既機會多啲刺激啲,玩既要自己計下Risk/ Reward Ratio,自己搵出一套適合自己又贏到錢既交易䇿略,唔好剩係跟啲乜7專家,無論係傳統啲既陰陽燭、保力加通道、波浪理論果啲乜乜物物TA理論都可以APPLY,或者觀察下市場情緒黎判斷。

Stop la啦 導人去賭要講明買大定細架咩[sosad]


照你個LOGIC成個財經台都係焗人去賭吧??_?


講完少少Crypto,而家講DAPP,到底咩係DAPP呢?其實無非就係去中心化(Decentralized)既APP,咁點先為之去中心化呢?就係係DAPP上面唔會有一個ADMIN或者中心化既機構可以更改背後既LOGIC同系統,以Facebook為例,公司可以神不知鬼不改咁隨意DEL POST同封人AC,甚至賣埋你既個人資料俾第三方,而DAPP上面既所有野都係按住一開始係Blockchain上面定既規則運行,就算係發佈規則既人都唔可以隨意更改背後既LOGIC。

現時既DAPP種類繁多,遊戲、社交、賭博類都有,唔少DAPP都係基於Ethereum、Tron、STEEM、EOS呢啲較多人識既公鏈上運行,但由於仲未普及,Users既數量都係比較少。有興趣既可以去以下呢2個網站睇下現時唔同DAPP既排名:

https://dappradar.com/

https://www.stateofthedapps.com/


Blockchain既另一個Applications就係區塊鏈遊戲,咁到底遊戲類既DAPP同一般遊戲有咩分別呢?

一般既遊戲所有資料都會儲存係遊戲公司既SERVER,遊戲商可以濫發稀有道具同隨意更改遊戲數據,甚至有權力BAN左你既AC,而當遊戲廠商執粒既時候玩家就一無所有,無論課左幾多金到最後都好難換返真錢,玩悶左只可以賣AC黎CASH OUT。


就好似以呢款以太坊上面既遊戲Etheremon為例子。

[img]https://upload.cc/i1/2019/04/11/il0VSa.png[/img]

[img]https://upload.cc/i1/2019/04/11/Vcxbel.png[/img]

上面既所有精靈(?)都係真正屬於玩家既資產,每隻都有獨特既ID,Security都會受到成條Blockchain保障,無咁易俾人HACK到,可以俾玩家以Ethereum交易,從而去各大交易所CASH OUT。就算開發遊戲間公司執左,用戶都仲會擁有呢啲虛擬資產。呢個GAME只係舉個例子,市面上仲有好多其他Blockchain Games,唔係想特別推介呢隻


試想像下POKEMON GO呢啲咁多廢老玩既GAME,啲玩家夾埋都唔知課左幾多億金,但就好難可以變返真錢或者俾官方封AC就乜都無晒,但區塊鏈遊戲就可以令玩家真正擁有呢啲遊戲上既虛擬資產,有幾稀有都無得老作,全部係Blockchain上面有晒Record,永久保存(只要條Blockchain仲有人用),就算棄驚都可以同其他玩家交易,將啲錢用黎買下隻GAME既道具。


幣圈既發展一日千里,𣊬息萬變。「資訊就是金錢」呢句說話用係幣圈入面簡直係再貼切不過,想獲利就要緊貼市況,第一時間掌握最新既消息,快人一步。點解?因為消息好多時候會反映係幣價上。幣圈每日都有唔同既消息,其中包括:

- 技術上的update
- 主網(Mainnet)上線
- 硬分叉
- 上架交易所
- 大型活動


今次就同大家介紹一個幾好用既網站,佢就係:

https://coinmarketcal.com

只要輸入某隻coin既名,你就可以輕鬆search到佢最近有咩重大events。仲會provide埋Source同Proof,驗證每個消息既真偽。希望我介紹既呢個網站對大家日常炒賣交易有幫助。當然呢類型既網站仲有幾個,你都可以睇睇會唔會有其他網站更好用。


講左咁耐,咁想買Bitcoin或者Crypto到底要去邊買?

Bitcoin大家聽就聽得多,但其實好多香港人都唔知去邊度買虛擬貨幣。筆者就係度為大家簡單介紹下能夠入金既渠道同埋唔同交易所既特點,希望幫到大家。
首先,我會將交易所分為兩種,第一種係Fiat to Crypto,啫係你可以存入USD、HKD、JPY等法幣,將佢轉為Bitcoin or Ethereum既交易所。第二種係Crypto to Crypto,啫係「幣幣交易」,上面唔會提供任何法幣交易,如果你要將啲錢轉返做HKD拎返出黎就要經返第一種交易所或者ATM withdraw出黎。咁點解要有第二種交易所呢?因為係上面有更多種類(或者話更有潛力)既虛擬貨幣,係上面做交易既手續費通常都會比較平,交易量更大同Liquidity更好,有關交易所既手續費同其他資料可以上呢一個網站睇:
https://exchangewar.info/

買Bitcoin其實一啲都唔複雜,你只需要:
準備好身份證明文件作KYC(Know Your Customer)用途。
透過銀行帳戶入數(如果係外國交易所需電匯)、由平台作為ESCROW進行P2P交易、或到門市存入現金,開始交易


因為我知實有人不滿,所以先小人後君子,現時幾乎所有交易所都有Referral link,咁我係會有少少著數,你用黎註冊既話一部分既交易費(通常Around 20%,而Crypto既交易費大概係0.1%)係會去左我度,如果你唔用既話就100%係果間交易所袋晒,覺得我介紹得好既可以當俾tips支持下我寫關於幣既野(反正你係唔會有額外損失既),如果少少都唔想益我你就咁刪左後面果段佢然後註冊就ok。


交易所簡短介紹:

Tidebit – 公司係柴灣,開戶有$50 HKX(pegged HKD既幣)送,用支票、電匯或者親身拎Cash去佢地office都得,最近仲支持埋「轉數快」。http://bit.ly/2ClCDvQ

Coinsuper – 香港exchange,可以綁定銀行帳戶轉錢過去。有自己既平台幣,成為community member可以有各種著數,例如拎airdrop。https://www.coinsuper.com/register?inviteCode=SJPSO5

Bitfinex - 最老牌既交易所之一,大戶專屬遊樂場,交易量龐大,好多BTC INDEX就連TRADINGVIEW上面個價都係跟佢。

https://www.bitfinex.com/?refcode=t8mIdyl53K

BitStamp – 老牌exchange,2011年已經係度,可以係銀行轉做USD電匯過去。
https://www.bitstamp.net/


HKCEXP - 最近香港新開既交易所,最近上過新聞宣佈同高登合作,用戶可以P2P透過PAYME、FPS等同人買幣。

https://crypto.hkcexp.com

MyEthShop– 可以方便直接地用港幣買Etherum,快但有時缺貨,買賣差價較大。https://www.myethshop.com/


BTC SHOP HK - 同MYETHSHOP類似。

Genesis Block – 公司係灣仔,大額既話可以試下場外交易,而家無記錯好似係5萬起有交易,佢地Office成日有Blockchain events。門口設有Bitcoin, Ethereum, Bitcoin Cash ATM,方便出入金。


買完Bitcoin之後,如果你想要買啲較冷門既幣就要將你之前買左既Bitcoin射去另一類交易所。果類交易所只會支持Crypto,唔會有Fiat(幣幣交易)。


同大家介紹完點用法幣(USD/ HKD)買到Bitcoin/ Ethereum呢啲虛擬貨幣,但平時炒幣大家會用得更多既交易所都會係以下呢啲,呢類交易所上面只會有虛擬貨幣交易,並唔會有HKD/ USD等法幣交易,但會有一啲穩定幣可以俾大家係市況不穩既時候做parking,交易費都會平好多。

咁點解要用呢類交易所呢?因為通常深度最高既交易所都係呢類,就好似黎緊要介紹既Binance、Bittrex同火幣咁。

Binance

https://www.binance.com/en?ref=11060527

Binance係全世界公認最top既加密貨幣交易所,差價細,上既幣都經過精挑細選,通常新幣一上都會pump一浸。Binance係短短成立八個月後既盈利已經超過德意志銀行,同Nasdaq並肩,佢自己既平台幣bnb都好犀利,一直穩步上揚,就算比特幣係12月中創下接近$20,000美元既高點後步入熊市都無阻bnb幣價上升,由$4(當日Bitcoin接近$20,000)升過上$24,到而家都仲接近$19。幣安而家有得直接用信用卡買幣,收費為3.5%。而家幣安做既IEO基本上一上搶到都起碼升幾倍走唔甩, 但用戶要持有足夠既BNB做攪珠抽奬。

Bittrex
https://international.bittrex.com/
老牌exchange,歷史仲耐過上面既Binance,上面有好多coins trade。

火幣

https://www.huobi.br.com/zh-hk/topic/invited/?invite_code=sjr24
國內老牌交易所,而家打緊全球市場,屬於幣圈入面既頂級交易所,有自己既平台幣HT,持有者會有空投等福利,據聞同中國政府關係較好,有OTC服務。

其他既交易所有Poloniex, Gate.io, Bibox, Kucoin等等,每間交易所上既幣都唔同,呢度就唔一一介紹,有興趣既可以自己Google下,有時有啲幣只有某幾間有得賣,而兩個唔同平台中間有差價既時候就有搬磚(Arbitrage)機會,所以開定多啲交易所既account無壞。


大陸今日先要加密貨幣成淘汰產業#bye# #bye#

其實好多礦工一早出逃海外,佢地都一早預左大陸BAN[flowerface] ,同埋Bitcoin既POW(比較晒電既共識機制)只係咁多種共識機制既一種,好多幣都唔係玩緊MINING呢套,原先中本聰採用呢種機制既原意其實係「1 CPU 1 VOTE」,有第二啲辦法可以無咁晒電就決定邊個有最後既記帳權(不過需要大部份礦工同意先可以轉玩法),最後會變成點無人知,不過斷估Bitcoin 9成9唔會就咁消失。


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/9/2019 0:12
今天貼文總數: 1,024 | 累積文章數目: 6,562,183

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.