主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 學術台內。

即日起停收SMS會員

香港高登討論區曾接納用戶以SMS註冊成為會員,惟發現不少人濫用SMS會員登記,註冊帳號只作洗版宣傳之用#kill2# 。為防止問題惡化,本站決定即日起停收SMS會員,並改行ISP電郵加上SMS認證。

新註冊規則如下:
1. 部份獲認可的ISP或學校電郵仍可直接申請帳號#good#
2. 由於部份ISP容許用家任意更改電郵名稱,所以我們會同時要求這些電郵用戶提供手提電話號碼,作SMS認證#adore# ; ......
精選文章
跳至第

發起人
【常公子近代史】大清亡國關慈禧蛋牛治
386 個回應
【常威中史】為慈禧平反系列(四十八)

千祈唔好將北洋陸軍同海軍當成同一樣嘢,兩者嘅層次相差成幾層樓,李鴻章嘅北洋陸軍由淮軍道友、廢青廢老班底組成,但北洋海軍基本上係一支聯合國部隊,內裡除咗中國軍人,仲有僱傭兵同洋人。由於海軍當時係大清重量級投資,上得船嘅軍官同水手,都唔會係文盲李同道友強(最低要求起碼要識聽英文指令囉)。為咗駕御依枝世界級艦隊,李鴻章除咗輸入外地勞工,佢仲響1880年響天津成立「北洋水師學堂」,專門訓練北洋海軍運作所需要嘅人才同技術人員。

中國啟蒙思想家嚴復(1854-1921),就係北洋水師學堂嘅校長,由1880年開張到1900年Stop la,學堂一共train咗二百幾人出嚟,其中唔小之後都成為中國嘅棟樑,好似後來嘅中華民國大總統黎元洪(1864-1928)就係北洋水師學堂畢業。

人比人,比死人,講辦軍事教育中國係落後日本九條街,北洋水師學堂二十年來只有兩百幾個畢業生,數量只係日本海軍學院一年畢業生嘅數目。依一點,我好唔明!冇人咩?冇錢咩?抑或好似副學士咁冇人報讀呢?貴精不貴多?但中國最多嘅就係人喎!甲午之敗,教育係一個大問題。

不過當年報考北洋水師學堂嘅人,因為唔係讀四書五經「兩榜正途」做官,所以會比大清主流社會視為「撈偏門」或走投無路。講真,又係儒家哲學意識型態累事。所以日本明治維新第一件事,就係要踢開儒家哲學依條又老又臭嘅阿婆紥腳布。

北洋水師,收入豐厚,而且官階好高,上得戰船撈嘅都有大清四五品官職待遇。當年除咗洋人同僱傭兵外 北洋水師裡面嘅中國人大致分為兩類,第一類係福建人,佢哋都係有錢有背景嘅官商子弟,精通水性,講英文仲流利過講北京官腔(即現今嘅普通話發音標準),對大清朝廷冇乜忠誠可言,只將當兵當成職業賺錢(似個亦係十九世紀現代化軍隊嘅正確心態),嚴復就係代表人物;第二種係好似黎元洪嗰類中原冒險家亡命之途,佢哋有一定家底、頭腦同能力,唔怕死唔怕惡,但又冇讀四書五經八股文嘅天份,太平盛世會成為黑社會收陀地攪黃賭毒,天下大亂就會係反賊革命家,好話唔好聽,依類人除咗當兵就係做賊,好聽叫英雄好漢豪傑,難聽叫流氓軍閥共匪!過多十零年,二十世紀初大清倒台後,之後嘅幾十年就係佢哋玩曬囉。

北洋艦隊上依群人,絕對唔係流料!不過命運冇機會俾佢哋發揮專長,1894年9月17號黃海一役,係佢地初次啼聲,代表大清最強海軍出戰日本聯合艦隊,然而對好多人嚟講,亦係最後一次……


[img]https://upload.cc/i1/2018/03/25/y913KP.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ


【常威考証】為花柳治替慈禧平反(十)

好多野史都有記載慈禧有一個情人叫安德尊,Sor!係安德海,安德海係咸豐皇帝嘅近身太監,細慈禧八歲,因為響辛酉政變時候做二五仔,將遺詔密報慈禧太后立咗大功,慈禧就昇咗佢做太監總管,十七八歲就統領成個紫禁城所有太監,少年得志(語無倫次)。

從此,佢同慈禧形影不離,雖然正史無記載佢哋有冇私情,但好多証據都顯示慈禧對佢嘅感情超越咗主僕關係。其時同治中興緊,慈禧自覺走在當時時代嘅尖端,洋務運動如火如荼,大清仲派人去歐洲美國考察睇吓洋人典解咁威,三十歲前嘅慈禧似乎真係想擺脫舊世界嘅束縛,1869年,佢做錯咗一件事,害死咗安德尊。

1869年同治十三歲,毛都未出齊時,根據祖訓,就要籌備大婚,春天,全國選秀(獸)會開始,各省佳麗爭相入宮服侍皇帝,位於蘇州嘅皇家織造廠亦開始預備大婚禮服同婚紗,依個時候慈安派安德尊前去「採辦龍袍」,依個行為其實多舊魚,野史話慈禧只係想揾個借口比安德尊出宮玩吓,放鬆吓,雖知大清規定太監不可私自出宮,除非係做非常重要嘅任務。

七月,安德海於是攜同家人(佢仲有老婆添)同幾個太監friend一齊出發,沿途招搖過市,毫不低調,仲有樂隊歌女助慶,當正自己真係TVB大明星安德尊,好多市民都未見過太監,紛紛上前圍觀。不過依個行為,震動咗中央守舊派官員嘅神經。佢哋紛紛上疏投訴安總管,山東巡撫丁寶楨以順治帝祖訓「宦豎非經差遣,不許擅出皇城」為名,命泰安縣知縣何毓福將安德尊逮捕,派人向慈安太后請示,要求處理安德尊生死。

慈禧當然唔想殺安德尊,但守舊派群臣壓力下,輿論一面倒,佢亦冇能為力,而且如果佢替安德尊強出頭,分分鐘會自己火燒後欄,最後由慈安太后下諭旨,處死安德尊。安德尊被斬首,其他六個太監七個隨從亦被處死,安先生家人流放黑龍江為奴。傳說安德尊死後仲要曝屍三日俾人欣賞屍體,証明佢係冇J。

件事發生咗,下一次我常公子再深入探討一下依單嘢……

xx( xx( xx(

[img]https://upload.cc/i2/r2WcX5.png[/img]

有相無得呃啦掛#hoho#


【常威中史】為慈禧平反系列(四十九)

中日海軍第一次交手,響1894年7月25號嘅「豐島海戰」,依一戰相對個半月後發生嘅黃海海戰,只係小兒科。「豐島海戰」中,大清德國制排水量2300噸巡洋艦濟遠號重傷,廣乙艦自爆沉沒,操江艦不戰而降被日軍俘虜,英國商船高陞號被擊沉,一千名清軍葬身大海。豐島實際係一場慘敗,同時亦暴露咗北洋海軍絕對唔夠日本聯合艦隊打嘅真相。

豐島海戰7日後,8月1號中日宣戰,光緒隨後向北洋水師提督丁汝昌責棍,要炒佢老母魷魚,但李鴻章力保佢,話暫時冇人可以替代佢個位,丁生得以繼續留任北洋水師提督,直至黃海海戰發生。不過丁汝昌其實只係塊神主牌,北洋艦隊實際領導人其實係被李鴻章話「才大可用」嘅副帥劉步蟾(1852-1895),劉步蟾係福建人,同日本聯合艦隊副帥東鄉平八郎一樣留學英國遊歷歐陸多年,其實係半個ABC鬼佬。

近代史上,劉步蟾亦係經常被抹黑嘅一個人,好多史料都話甲午海軍大敗,尤其係黃海一役,劉步蟾要付上最大責任(縱陣橫陣戰術爭議),但事實並唔係咁樣。

9月17號發生嘅東海大戰,百幾年來好多人都相信一個叫William Ferdinard Tyler英國人所寫嘅一本書《Pulling Strings in China》裡面嘅內容,William親歷黃海海戰,本回憶錄響1929年英國出版,已經係甲午戰爭嘅30年後。佢本大作,抹黑北洋艦隊同劉步蟾,亦抹黑咗成場黃海海戰中北洋海軍嘅英勇表現。一個人寫本書,又叫得回憶錄,吹水啫,冇責任架,呃吓稿費,就好似我常公子開個FB專頁講近代史,大家得啖笑啫,唔講邊有得笑先?響W筆下,北洋艦隊實際總指揮官劉步蟾係一個貪生怕死、有勇冇謀、胡亂指揮嘅白痴領導者,結果後世人個個信曬佢,真陰公。


查實W生於英國農村,學歷係小學未畢業,向祖家撈唔起,成年後以一個英國人身份到上海掘金,曾經做過赫德先生主理嘅中國海關一艘巡邏艇上嘅水手,後來北洋海軍要人,識講英文嘅佢就上咗北洋海軍旗艦定遠號工作,佢響回憶錄上自稱為定遠艦嘅副船長(Co-Commander),已經係吹大個波,Hi Auntie你小學未畢業喎。同時期另一個北海水師學堂畢業、德國留學返嚟、後來成為我哋中華民國大總統嘅黎元洪先生,當時都只可以響定遠號上做個炮兵放炮,W先生,你只係一個英國大力水手啫,低級官階,邊有可能響黃海海戰發生期間企響丁汝昌同劉步蟾身邊一齊指揮作戰呀?軍事會議都一定冇份開啦,至多咪比劉步蟾叫你去買奶茶記得找錢嗰位囉。

一條咁嘅英國小男朋友,隔咗30後寫本回憶錄講黃海大戰,你話可信性有幾高?佢本書寫劉步蟾指揮北洋艦隊一字排開嘅「橫陣」,大敗於日本艦隊嘅直線「縱陣」係東海一役戰敗主因。真係將事情極度簡化同低B化……

下次,直入1894年9月17號中午東海大戰戰況,睇吓大清海軍嘅表現,其實並唔係你想像中咁流架……


[img]https://upload.cc/i1/2018/03/27/h7x0uM.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ


#yup# 特別推薦【碌葛男人嫁得過】線上購閱
https://play.google.com/store/books/details?id=e1N7DwAAQBAJ


【常威中史】為慈禧平反系列(五十)

李鴻章心知肚明北洋艦隊唔會夠砌,所以8月1號中日宣戰之後,佢只係想北洋艦隊守住旅順軍港同威海衛軍港之間嘅防線,保住渤海控制權(地理形勢下面留言有得睇),否則日本人進入渤海灣,1860年大沽口嘅噩夢又有可能重演一次,1860年英法聯軍攻陷大沽口,如入無人之境直取天津中出北京,大清立即Stop la。

北洋艦隊問題多到你唔信,船係舊貨,全部1888年前落水,之後光緒同翁同龢仲冇再撥公帑買新船,講駛錢同撥款,大清真係要同香港特區政府學習。日本聯合艦隊全部19世紀90年代新船下水、航速快過你、裝備先進過你、大炮準過你、又有連發又剩、將領忠心過你、學歷技術又好過你、士氣又強過你、軍紀嚴謹過你、領導又冇煙癮、意識形態上又代表西方自由民主議會世界觀打勁你封建極權愚昧落後帝皇制度……打條毛咩?

國內,響葉問虛報軍情下,光緒仲未知死,仲以為大清真係可以同日本一決生死,豆斗都唔知大鑊,熱心籌備緊自己六十大壽,官員四出狗向西奔走,忙於擦老佛爺鞋。中日宣戰後,大清四個水師其中三個:南洋水師、廣東水師同福建水師竟然先後宣佈「中立」,X佢老母火都嚟,依個到底係咩玩法先?雖然你哋個啲國產土炮戰艦如果參戰都係做炮灰,但係都冇奶油玩中立喎,家陣你唔卵係大清國民咩?

9月中,葉問向李鴻章要求增兵支援平壤,9月16號黎明,北洋水師提督丁汝昌率領以「定遠」同「鎮遠」兩艘(扯)旗艦為首14艘戰艦、(洗頭)魚雷艇四艘,護送載有4000清兵同兵用物資嘅美國商船從大連灣出航,中午2:00到達大東溝灣,開始換船進入鴨綠江口,登陸朝鮮義州支援平壤,依次登陸,史上稱為「勁登」!因為15號夜晚,平壤之戰已經響葉問扯旗(白)下結束咗,葉問已經走人……勁登期間,北洋艦隊主力響大東溝約12海里海面戒備,如果我常公子冇估錯,內鬼已經將北洋艦隊正確位置通報日本人,日本聯合艦隊即時集結,前赴大東溝,預備同北洋艦隊決一死戰。

勁登混亂非常,又唔夠船用,4000士兵同兵需品未能響16號完成登陸,通宵之後,仍只有半數清軍登陸義州(妖!真係低能又冇效率,唔輸就奇X怪,唔死亦冇X用),大軍只有響17號繼續勁登大行動。


1894年9月17號清晨4:30分,鬧鐘響,北洋艦隊全體船員起身,上午如常食早餐、做早操同戰術訓練。有個傳聞話當時北洋水師戰艦用嘅燃料係朝廷供應嘅劣質媒,熱能轉換率低同非常大煙……依個時候,早上10點半左右,揾緊大清艦隊嘅日本戰艦已經見到啲黑煙,發現北洋艦隊確切位置。個半鐘後(Yes!個半鐘後呀),北洋艦隊先見到日本戰艦嘅媒煙出現。提督丁汝昌,急急call埋劉步蟾同德國軍事顧問漢納根進入艦橋,召開緊急會議!(唔知當時旗艦上嘅Co-commander Mr.William有冇份開呢?正史就冇講囉…….)

叉開!豆斗對日本人嘅軍事行動一直所知有限,依個時候,佢已經將治國大任交曬畀23歲嘅劉晶(光緒),歷史記錄,7月15號劉晶去過頤和園見過老母一次,另外8月中劉晶又想炒(斬)豐島海戰戰敗嘅丁汝昌再通報過豆斗一次,豆斗唔批,接納李鴻章意見留任丁汝昌。就只係依兩次啫,直至9月17號黃海慘敗,豆斗先正式插手番件事!我個人相信,如果豆斗一直有理,個鑊唔會死得咁勁…所以甲午之敗世人瀨豆斗唔瀨光緒,真係Vegetable。

黃海戰況下次繼續……

[img]https://upload.cc/i1/2018/03/29/bdvzIX.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

【渠頭者聯盟ll:決戰外星人朗拿度】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_%E6%B8%A0%E9%A0%AD%E8%80%85%E8%81%AF%E7%9B%9FII?id=Emp2DwAAQBAJ


【常威中史】為慈禧平反系列(五十一)

1894年仲有一件大事發生,就係我哋嘅華橋領袖孫中山先生響夏威夷王國嘅首都檀香山組織咗一個叫「興中會」嘅革命社團,準備推翻大清,之後幾年佢會返番香港,入讀當時嘅香港華人西醫書院(College of Medicine for Chinese, Hong Kong),即香港大學醫學院前身,接受大英帝國醫學及民主議會思想訓練,為未來嘅辛亥革命大業奠定意識型態基礎。

9月17號中午,鴨綠江口的勁登行動仲進行緊嘅時候,日本聯合艦隊已經殺到大東海溝,我諗北海水師提督丁汝昌當時嘅選擇只有三個,1.打。2.走。3.扯白旗投降。投降唔會揀(佢又唔係葉問,而且投降亦會有機會死),走?人哋航速快過你,機動性強過你,走得甩咩?假設比你走得甩,返到大清一樣要被責棍斬首喎。因此,丁汝昌同劉步蟾只可以硬住頭皮同佢賭一鋪大細,起錨!打啦!

當時,日本聯合艦隊司令伊東祐亨(1843-1914)坐鎮旗艦松島,加埋海軍最高領導人樺山資紀(1837-1922)響巡洋艦西京丸號上親自督戰!日本以旗艦松島為首,率領吉野、秋津洲、千代田、嚴島、橋立、赤城、高千穗、浪速、扶桑、西京丸決戰北洋艦隊。

當中日軍船艦差唔多全部都係19世紀90年代落水嘅新船,時速全部到達18海浬以上,其中吉野號最新,航速更加到達23海浬。大清北洋艦隊平均時速只有15到18海浬,機動性完全處於下幾風。打仗,係打科技同打將領質素。響核武大家攬卵住死玉石俱焚依個概念未出現之前,打仗係以軍備技術行先,木船打鐵甲艦冇得打,刀劍打機關槍又係嘥氣。

下午12點50分,天晴,黃海海面風平浪靜,能見度極好。

北洋艦隊同日本聯合艦隊迎面接近,雙方合共為數約三十艘戰艦嘅超級大海戰即將爆發!北洋艦隊採用咗副提督英國海軍軍官琅威理(William Metcalfe Lang,1843-1906。都係William,但唔係1929年出書踩北洋艦隊嗰位William)嘅「鱗次橫陣」隊型,依個「V」字型陣法係1866年奧地利艦隊響利薩海戰擊敗意大利艦隊嘅著名陣法。而日本則採用英國海軍軍官尹古魯斯嘅「單縱陣」迎戰!

當雙方艦隊相距大約六公里時,大清旗艦定遠號艦長(管帶)劉步蟾一聲令下,30厘米口徑大炮先行發炮,炮彈響日本巡洋艦吉野號左舷數百米外炸出一條驚天水柱!

下次繼續,血肉橫飛!


[img]https://upload.cc/i1/2018/04/01/nCqL5z.png[/img]


【津津美食園】特別廣告提案

我常公子同阿潮平日觀塘返工,一定會幫襯津津美食園食晏食dinner,因為啲嘢實在太好食,唔落味精,食咗唔會口渴,價錢又平。

呢個時勢,大集團壟斷一切,小本經營好難做,所以我哋專登拍條片同佢做吓廣告。正所謂,四海之內皆兄弟,我哋要發揮香港人嘅互助精神,話畀全世界知道,香港人就係咁傻,同咁優秀。

去片!

https://youtu.be/UsZmgSZEsnQ

#津津美食園 #觀塘 #反壟斷 #冇味精


【常威中史】為慈禧平反系列(五十二)

「所有戰爭都會打兩次,第一次是在戰場上,第二次是在記憶裡。」─阮越清《不朽:越南和戰爭的記憶》

還原歷史真相?孤魂野鬼常威冇咁嘅能力!

發生響百幾年前,一個冇聲冇片時代嘅事,其實冇人會知真相係乜,就算身處21世紀資訊無比發達嘅今日,我哋都好多嘢唔X知,金正恩有幾多核武響手?佢係咪想南北韓統一?習近平點諗?唔通你又知咩?對於歷史,我哋唯一可以做嘅,就係以我哋本身嘅視角去重新理解一啲發生咗嘅事情多一次,希望從中得到一啲教訓同做人處世嘅心得(例如唔好咁易信人,世上冇免費午餐,共產黨可以辣到你唔信等等……),唔好再犯相同嘅錯誤,又或者一切都冇意義,只係勁講多一次。講下笑,唔講邊有得笑喎!

百幾年嚟,好多人講黃海海戰,北洋艦隊以橫陣(鱗次橫陣)迎戰日本聯合艦隊嘅縱陣(單縱陣)係犯咗戰術上嘅重大錯誤。其實只係勁講,首先兩隊艦隊事前都冇乜實戰經驗,對手諗乜又唔知,臨場排陣純屬偶然,事後當然一目了然,但事前係完全冇得估嘅。

其次,北洋艦隊以鎮遠及定遠兩艘旗艦為攻擊主力,其餘艦隻響兩側掩護都係正常,W話咁做係劉步蟾丁汝昌貪生怕死嘅舉動,毫無根據。貪生怕死就好似葉問咁,未打就扯白旗自己走先返屋企啦。仲有,橫陣既然係琅威理離職前留低嘅錦囊,有理由相信北洋艦隊一直操練得最熟嘅陣法就係依個,生死決鬥用自己最純熟嘅招式對付敵人,100%正常過正常。而且丁汝昌同劉步蟾心知肚明北洋艦隊嘅航速同機動性都唔夠日本人嚟,亦冇可能排出個以機動性為主嘅縱陣迎敵,排個橫陣,一字排開,希望以最大火力第一時間速戰速決,打開缺口,減低日艦機動性,再兩翼包抄敵人,圍住嚟砌,亦係唯一可以戰勝嘅方法!相信佢哋事前嘅美好景愿就係依個……

仲有仲有,就算調轉嚟,大清排個縱陣,日本排個橫陣,我好相信最後嘅戰果都會係一樣,因為日本聯合艦隊無論響各方面都秤先北洋艦隊幾皮(前文已經講過),北洋可以打贏黃海戰役,唯一只能靠運氣,但當年大清國勢頽咗五十幾年,邊有運行吖?國家冇運行,人亦冇運行,要贏?1840鴉片戰爭、1860大戰英法聯軍、1880中法戰爭早就贏咗喇。而且打仗嘅嘢,邊有運氣存在?生死相摶,實牙實齒,我有原子彈響手,你強運到期期中六合彩都冇用!

如果有運,定遠嘅第一炮就命中吉野號喇!打得中,成件事就唔同睇法。可惜距離命中目標相差咗幾百米!一字排開嘅北洋艦隊隨後相繼向5公里外嘅敵艦全力開火,日本艦隊裝備嘅速射炮要到3公里距離先可以發揮最佳效果,於是日本艦隊排成直線縱陣,減低命中炮火機率,一邊忍住清艦嘅炮火攻勢,一邊開足馬力前進靠近對手,發揮聯合艦隊機動性嘅強絕優勢。

當兩艦隊間距離縮小到3000米左右時,日艦全軍向北洋艦隊發起猛烈炮擊,集中火力攻擊北洋旗艦定遠號!

[img]https://upload.cc/i1/2018/04/03/gQPsTG.png[/img]


【常威中史】為慈禧平反系列(五十三)

日本聯合艦隊以縱陣直線穿入北洋艦隊橫陣右翼, 速射炮全力開火,一時間,北洋旗艦定遠同鎮遠號直接中彈百幾嘢!其中有炮彈命中定遠舵機室,主帥丁汝昌受重傷。兩旗艦甲板上嘅暸望臺、檣桅、帥旗及令旗被全部摧毀,指揮艦隊作戰嘅旗號系統被破壞,當時仲未有無線電同手提,艦與艦之間全靠扯旗通訊同組織戰術。依家旗艦冇旗,定遠鎮遠號失去咗艦隊嘅指揮功能,北洋艦隊只好各自為戰!

乜嘢縱陣橫陣到咗中午1點左右,已經冇曬意義,大東海溝之上,大清同日本進入大混戰階段,軍艦煙囪噴出大量黑煙、艦炮射出嘅炮彈炸起一條條巨大水柱,海面上煙霧瀰漫,巨艦中彈爆炸及汽笛聲震耳欲聾,中彈士兵血肉橫飛,煤煙、硝煙同高溫嘅蒸汽令人窒息,身處鋼鐵密封船艙空間內嘅水手同士兵簡直係身處十八層地獄!事後生還嘅官兵,唔少都聾咗或聽力終生受損,其實海戰比陸戰更加血腥殘酷十倍!

北洋水師最後雖然大敗,但係就唔可以抹煞佢哋響戰爭裡面嘅英勇表現!同葉志超唔卵同,佢哋冇扯白旗投降過,唔少人戰鬥至最後一刻,殉國而亡!日本士兵陣亡,骨灰同衣冠會送入神道教最高機構「靖國神社」供奉至今,日本歷代首相唔理國際壓力,定期參拜。大清呢?李鴻章呢?從兩國對待殉國軍人嘅態度,你就明白文明企響邊邊?大清亡國就係必然!


定遠同鎮遠兩艘巨艦雖然不斷被日艦圍攻,不斷中炮,但五吋裝甲夠晒厚,始終保持不敗唔沉,重炮仲向敵艦還擊,其實未算完全處於下風。依場海戰,同另一場改變中國歷史走向嘅「瀋陽湖之戰」好似,1363年,大漢皇帝陳友諒(1320-1363)響瀋陽湖決戰朱元璋,溫拿五虎之陳友漁民出身,對水戰同製船非常在行,佢做嘅戰艦有幾層樓咁高、可以裝成幾百人,反而朱元璋冇錢又冇船,只可以徵用小型漁船改裝成戰船,但船細有船細好,夠靈活又速度快,圍住陳友巨艦密集攻擊,巨艦又驚擱淺唔敢埋岸,最後蟻多嬲死象,朱生竟然大勝陳友諒,陳友諒仲響瀋陽湖中箭瓜埋,朱元璋鏟除最大敵人,終於創建中國歷史上最黑暗嘅大明江山。打通叮噹個假如電話亭,如果當日係陳友打贏,以佢嘅水性同對大海嘅熱情,中國好有機會成為海權帝國,或者會比哥倫布(1450-1506)早一步發現美洲新大陸都未定。

頭10分鐘埋身肉搏,北洋水師稍佔上風,響第一輪混戰中,致遠、經遠、來遠同靖遠奮力炮擊對手,高千穗號中彈起火,秋津洲號右舷速射炮被擊毀,浪速號中彈入水,1點08分,超勇號更射中日本旗艦吉野甲板,當場炸死9人!但日本聯合艦隊好快穩定番攻擊態勢,機動力同速射炮發揮科技秤先威力,1點10分,超勇、揚威中彈起火,超勇沉歿,揚威向後撤退,觸礁擱淺,之後經遠、來遠、平遠號先後中彈起火,被迫退出戰鬥……

下回carry on……

[img]https://upload.cc/i1/2018/04/06/GPHiEb.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ


【常威中史】為慈禧平反系列(五十四)

自從常威開咗依個專頁講吓晚清歷史,就有人話我係黃屍,奇又奇在又有人話我係五毛?有人話我對清代專制政權塗脂抹粉,又有人Hi我唱衰中國。其實講吓歷史狗噏啫,我冇諗咁多嘢,而且有政治立場又點jet?人係政治嘅動物嚟架,冇人可以離開政治存在,好多港豬唔講政治唔理政治以為就可以獨善其身?

我想講,碎肉機一經開動,最後人人有份,永不落空。

甲午黃海海戰,由中午12:50分開打,打咗20分鐘,到咗13:10分,其實高下已分,北洋艦隊嘅火力優勢一閃即逝,超勇艦、揚威艦分別中彈起火,船員冇法控制火勢,先後沉沒,超勇揚威艦沉時,全軍棄船,超勇管帶黃建勳,揚威管帶林履中跳海自盡,與船同亡,其餘船員一部份被魚雷艇救起,離開血腥戰場。

日本艦隊重整隊型,集中火力圍剿大清鎮遠、定遠兩艘鐵甲怪物,北洋水師全軍博命還擊!當中致遠艦管帶番禺人鄧世昌(1849-1994)真係英雄!15時10分,日艦扶桑號一枚炮彈擊中旗艦定遠艦首爆炸,船艙入水,幸得鄧世昌致遠艦趕到救援,以炮擊逼開敵艦,為定遠旗艦爭取時間排水,定遠失至可以頂到落去。但致遠艦救得人時,自己亦身受重傷,艦體傾斜,生死關頭,廣東人鄧世昌睇到敵人旗艦吉野號響自己面前,如果撞沉佢,大局或者仲有機會扭轉,於是較準角度,全速向吉野撞埋去,同佢一齊杏加橙同歸於盡,但大清實在冇運行,致遠艦中途俾水雷擊中,鍋爐爆裂,壯舉成空!依枝水雷原本係射向重傷嘅定遠旗艦,只不過中途誤中致遠!慘到想死!日本人真係有運行!

致遠沉沒時,鄧世昌同全艦250名船員一齊跌落海,悲壯到最後只有7人生還!當時鄧世昌生活相當西化(其實大部份北洋海軍高級軍官都係半個西人),佢養咗兩隻狗(至經係咩狗我唔知),兩隻義犬同鄧生一齊沉入大海殉國……亦有野史話鄧世昌係廣東佬,唔鍾意比福建佬救,結果冇上到福建人嘅救生艇咁講,大家有性趣可以自己揾吓資料昅昅。

致遠沉嗰陣,已經係下晝15:30之後,黃海海戰大局已定,濟遠艦管帶方伯謙(1853-1894)(佢係同徐步蟾一齊留學英國嘅同學)掛出重傷信號旗離開戰場,廣甲號見佢走,自己又走。濟遠走嗰陣,仲撞到重傷嘅揚威號,結果揚威艦擱淺。

廣甲號逃走中途迷路,最後觸礁擱淺大連灣,幾日冇人救援,最終被日本艦發現,被迫自爆沉沒。濟遠平安回航,但管帶方伯謙其後被光緒下聖旨話佢臨陣退縮,聖筆一勾,軍前正法斬頭。喂,有冇Vegetable先?方伯謙先生嘅濟遠號已經由1點打到3點先走,彈盡重傷,點算臨陣退縮呢?同埋帶番隻艦完完整整返屋企,保留實力下次再鍊過,錯乜卵嘢先?方伯謙實在死得好冤枉!

大清衰啲乜?咪所以啲嘢囉……

下回再talk……

[img]https://upload.cc/i1/2018/04/09/aj0gLJ.png[/img]


【常威中史】為慈禧平反系列(五十五)

黃海大戰打到16點左右,已經係一個圍攻嘅局面,北洋艦隊一隻隻被擊沉,或被撤退離開戰場,只剩低鎮遠同定遠兩艘皇牌主力孤兒仔繼續同對手周旋火拚,日本聯合艦隊亦傷痕纍纍,司令伊東祐亨身處嘅松島旗艦唔卵沉根本又係天照大神保佑下嘅大奇蹟,日本海軍大臣樺山資紀(後來成為臺灣最高行政長官)坐嘅西京丸號更加神奇地避過幾次魚雷攻擊,仲有比穿甲彈貫穿船艙直出直入都冇事,連佢自己都話Lucky!打仗同踼波一樣,點都要有小小運氣,大清冇運行日本有,吹咩?

16點30分,大清北洋艦隊原本參戰嘅10艘戰艦只剩低4艘響戰場,定遠同鎮遠旗艦、來遠、靖遠兩艘輔艦起晒火,兩艘重甲旗艦遍體鱗傷,日軍事後統計,定遠艘被擊中2000發大小炮彈仍然頂X得住,你都咪話唔X勁囉!如果兩艘旗艦打X埋柴,亦唔會有之後嘅劉公島大戰。

黃海之上,定遠鎮遠係都唔沉,死頂住日本松島、千代田、嚴島、橋立、扶桑五艦圍剿,日軍都冇曬計,日落時份,劉步蟾指揮兩艘旗艦將日軍引離大東海溝,等另一邊大清陸軍可以完成勁登行動。一場驚天大海戰一直打咗4個半鐘,到黃昏17時45分,伊東祐亨驚入黑會被大清魚雷艇偷襲,於是發出停戰旗號,雙方艦隻退出戰場,黃海海戰結束。

夜幕低垂,北洋艦隊折返大東海溝,確保陸軍完成勁登行動,先駛返旅順港海軍基地。

黃海一役以日本聯合艦隊完勝作結。日本一隻艦都冇沉,北洋水師損失5艘戰艦,大清死傷837人,日本死傷298人,日艦發炮命中率為15%,大清10%,瓣瓣都係日本人秤先……

輸還輸,但北洋海軍冇衰俾人睇,冇臨陣退縮,一於同日本人鍊過,唔夠一件事抽唔贏打冇辦法,我唔要條命,你想贏我都要有冇命嘅準備!勇武就係咁解!百幾年過去,公道啲,唔可以睇低抹黑依班盡忠死戰嘅海軍英魂,William Ferdinard Tyler條向左走向右走様1929年出本書勁噏抹黑北洋艦隊,正Hi Hi。呃稿費有啲良心好啲。(常威遲啲都出書呃錢,其實又係Hi Hi一條……)

[img]https://upload.cc/i1/2018/04/11/NkBcne.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ


【常威中史】為慈禧平反系列(五十六)

1894年9月17號,平壤淪淊、黃海海戰災難性慘敗嘅消息傳返去清廷,成班皇族成員先大吃一驚(吓?會輸嘅咩?),光緒嚇到瀨屎(唔漏精),拿拿臨要求李鴻章善後,同時退咗休嘅豆斗立刻擺駕離開頤和園,返去紫禁城旁邊嘅西宛接見軍機大臣翁同龢同李鴻藻聽匯報,唔聽由自可,一聽就知大向左走向右走鑊。

原來光緒條Hi Hi仔同佢身邊嘅擦鞋仔一直將軍情瞞住豆斗,甲午戰爭發生以來,關於戰爭嘅報告都係「封奏」,即係直達皇上,旁人冇得過問,豆斗作為一個退休嘅前領導人,根本唔知道成件事嘅發展。當佢知道平壤失守、黃海戰敗,即刻批出300萬兩白銀(折算9億港幣)交畀李鴻章應急(唔知道李生中間又cap咗幾多呢?),同事決定長時間留響西苑處理國事,亦即刻下令停辦佢嘅六大壽慶典,後世人成日話慈禧要攪六十大壽駛錢,攪到北洋海軍冇錢買炮彈打輸比日本人,其實係100%誤會咗豆斗,如果成件事由豆斗揸莊,一定唔會輸得咁難睇,我常公子可以肯定。

其實豆斗六十大壽已經籌備咗三年,籌備嘅人又係嗰條死男朋友翁同龢,黃海海戰慘敗後,慈禧下令將一切停止,停止撥款,將原本預備好嘅所有慶典材料都封存庫房,咁大家認為慈禧有乜嘢錯先?之前佢唔知道咁大件事,知道咗之後即刻刹停,其實相當負責任。

要Hi,點解淨係Hi豆斗同李鴻章?唔Hi大清亂Seven咁嚟嘅最高領導人劉晶?唔Hi成日攪勁北洋海軍銀頭嘅頭號軍機大臣男朋友翁?唔Hi吓嗰啲喺黃海海戰中宣佈中立嘅清流名士張之洞同劉坤一?佢哋手上面嘅福建水師同廣東水師,點解唔喺呢個時候出動?牽制日本聯合艦隊?等日本人唔好貿貿然就直指大清心臟?家陣你張之洞同劉坤一係咪搞獨立呀Hi Hi?

黃海海戰勝利之後,日本人已經全面奪取咗黃海制海權,真正可以為所欲為。其實事前日本人並冇100%信心打贏大清,我講過佢哋都係將國運豪賭一鋪,海軍大臣樺山資紀曾經制定咗上中下三策應對時局發展:

上策:打贏海戰,海陸兩軍全面進攻中國,奪取遼東半島,然後直取天津、北京,打巢大清。

中策:如果海戰未能分出勝負,日軍就只佔領朝鮮,以保住朝鮮半島嘅勝局。

下策:如果日本聯合艦隊打輸,日本就會全面退守返去本土,守住個大門口,等待時機再鍊過。

事情發展到呢度,明顯係最理想嘅故事情節,日本人已經勝券在握,全面進攻大清,中日歷史上第一次侵華戰爭,正式開始。
[img]https://upload.cc/i1/2018/04/14/hgTF2P.png[/img]


[img]https://upload.cc/i1/2018/04/17/1M9Qch.png[/img]

【常威中史】為慈禧平反系列(五十七)

有樣嘢都幾搞笑,1894年9月17號北洋艦隊黃海大敗,但係李鴻章最初收到嘅風係北洋水師重創日本聯合艦隊(唔通又有人虛報軍情?),直到23號佢先知日本一隻艦都冇沉,而北洋則損失咗五艘主力戰艦!中國人有陣時真係幾童子軍跳彈床。

9月24號,李鴻章發電報畀響旅順港(外號遠東第一要塞,投資折合港幣過千億)嘅丁汝昌,催佢儘快恢復北洋艦隊嘅作戰同巡航能力。因為日本仔嗰邊,黃海海戰後嘅五六日內已經將所有受損嘅軍艦全部修復完成,重新出海巡航。

丁汝昌answer做唔到,亦反映咗大清同日本之間嘅後勤技術分野,佢老母係天同地。北洋水師主力定遠鎮遠兩艘海上巨獸損壞嚴重,零件不足,修船工作效率極低,甚至有師父見到兵情危急走埋佬。卒之拖吓拖吓,拖到10月18號,北洋水師先可以離開旅順港,重新巡航於旅順同威海衛之間,守住渤海,守住可以直插中出大清嘅大沽口門戶。

但係呢一個月之內,日本陸軍已經完全將清軍殘餘部隊掃蕩出朝鮮半島之外。取得完全制海權嘅日本更加將30000士兵從日本本土送到朝鮮登陸,預備發動全面侵華戰爭。

自從經歷咗葉問平壤一戰,日本人已經摸透咗大清陸軍嘅底牌,日本人知道大清陸軍應該係----低能嘅!所以軍隊信心大增,驚都未驚過,經過9月中到10月中無數大小戰役,清軍節節敗退,未X贏過一場,全軍退守鴨綠江返回中國。


1894年10月29號,日本陸軍正式橫渡冰冷嘅鴨綠江,踏入大清國土殺佢老母。明治維新日本陸軍之父山縣有朋(1838-1922)同日被伊藤博文解除司令官職務,改由野津中將揸旗侵華,臨別之前,山縣有朋留下一首七絕畀野津同桂太郎(1848-1913,日本政壇猛人,之後三度成為日本首相),詩曰:

「馬革裹屍元所期,出師未半豈容歸?天子急召還故里,臨別陣頭淚滿衣。」

喂!究竟佢係日本人定中國人?從依首詩大家亦可以睇到,當時嘅中國人同日本人,其實文化差異並唔係咁大。

日本人正式侵略大清,紫禁城裏面,豆斗已經搬番西宛,復出揸番大清枝旗,劉晶立刻Stop la。豆斗睇返曬啲文件同埋瞭解番整件事情嘅來龍去脈後,得出一個結論就係「李鴻章誤國」,將甲午戰爭隻鑊推曬畀李鴻章孭,但係佢又冇懲罰李鴻章喎,只係降咗佢職同收番佢件「黃馬褂」,佢兩個明顯喺度扯緊貓尾。

打到嚟喇!點算啫?

#常威 #慈禧太后 #晚清歷史 #甲午戰爭 #李鴻章 #山縣有朋

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

【Seven Head者聯盟第一部:DSE創世紀(通往地獄的電梯)】
https://play.google.com/store/books/details?id=LyxjDwAAQBAJ

【渠頭者聯盟ll:決戰外星人朗拿度】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_%E6%B8%A0%E9%A0%AD%E8%80%85%E8%81%AF%E7%9B%9FII?id=Emp2DwAAQBAJ


【大清亡國關 #擦鞋文化 蛋牛治】

中國人嘅社會裡面有兩樣嘢好失敗,第一樣係貪污文化,人人都貪,只要有機會就上下其手,左偷偷又偷偷,好鍾意攞一啲唔屬於自己嘅嘢,大概用另一個term講,呢啲叫共產主義,你嘅即係我嘅,我嘅當然係我自己嘅啦。除咗貪污,仲有一樣野叫擦鞋文化,中國人係擦鞋文化嘅鼻祖,有一個故事我想同大家分享:

好多年前,我有個朋友做警察。佢話我知,有一日佢哋差館收到風,當時嘅警務處長會去附近行山,因為警務署長係一個行山愛好者,當成間差館知道警務處長行蹤嘅時候,嗰日早上,成個山頭差唔多都係差館嘅高層警務人員(注意係高層,散仔冇份啊),個個扮曬行山愛好者,目的就要同警務處長一齊行一段。結果嗰朝警務處長喺山上「撞到」幾十個人,一行人就浩浩蕩蕩行完個山。呢個行山嘅故事,表達咗一樣嘢,就係好多人熱愛大自然,除非唔係。

中國人嘅擦鞋文化仲有一樣嘢經典,擦老細鞋,無非都係想得到利益或好處,但中國人就唔係,有時候只係為咗擦鞋而擦鞋,老細上司對你衰到Hi Hi你都繼續擦,擦鞋嘅境界已經超出左擦鞋本身,進入咗奴性嘅層次,當然身為奴隸有幾咁正斗同心安,就係我哋中國人自己先清楚明白……

【#大清亡國關慈禧蛋牛治】語音導航!請大家幫手「#訂閱」我條YoutubeChannel!同埋介紹多啲人睇睇!衝上1000訂戶!

https://youtu.be/LbXRnsjvGbo

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

follow my instagram @historysandwich

Facebook 專頁:https://www.facebook.com/historysandwich/

【大清亡國關慈禧蛋牛治】全集,請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me


【常威中史】為慈禧平反系列(五十八)

豆斗西面,將李鴻章降級作為懲罰,但係冇影響到李鴻章嘅實際權力,一句「北洋無人可易」,冇咗件黃馬褂嘅李鴻章仍然係大清皇室唯一一條救命草,係呢個時候,豆斗仲請返恭親王奕訢(1833-1898)復出領班軍機大臣。喂,大佬,李鴻章71歲,恭親王61歲,豆斗60歲,加埋成200歲,大清真係無人可用?來來去去得嗰幾両友走嚟走去。(註:豆斗返西宛,劉晶已經宣佈全面Stop la)

豆斗知道大局已定,打就一定唔夠日本仔打,於是開始採取和談策略,由大英帝國出面調停向日本明治政府議和,唔使講大清當然要賠錢喇,但係條件開出,日本完全冇反應,繼續調動軍隊攻打大清本土。等待日本答覆嘅時候,國難當前,李鴻章不忘向豆斗祝壽,佢專登預備咗九件名貴禮品送畀豆斗,寓意長長久久,禮品名單如下:

「鑲玉如意九柄,赤金壽佛九尊,寶鑽金錶九件,福壽金杯九副,鋼鑽帽花九朵,純緯黃緞九端,七寶金爐九座,七寶金瓶九個。」

大清官場文化大家可以體驗一番。仗可以打輸,嘢可以做錯,但係鞋一定要擦啱!李鴻章及時擦鞋補鑊。講真,都唔係大清喇,今時今日嘅香港咪一好樣,做官最緊要係乜呀?擦鞋呀!識做人!做世界仔呀!最緊要上面話ok!自己冇立場架!中華民族唔拋棄依啲擦鞋文化陋習,想登上世界第一,獨領風騷,仲有一百年呀傻逼。

1894年11月頭,由野津統率嘅日本陸軍一步步深入中國領土,矛頭直指外號遠東第一要塞,投資折合港幣過千億嘅旅順軍港,清軍兵敗如山倒,完全擋唔住日本陸軍嘅推進。


11月7號,日軍逼近旅順,仲響未有一個人傷亡情況下,就佔領咗清軍喺大連灣嘅所有炮臺陣地,情況係,清軍一見日本人嚟,就雞飛狗走,日本人仲喺陣地內搵到清軍響大連灣內嘅水雷配置圖,於是依住張圖將大連灣內嘅所有水雷清除。冇曬水雷,日本聯合艦隊集結,響遼東半島花園口登陸,向中國不停加兵。

唔知大家記唔記得,丁汝昌先生嘅北洋艦隊已經響10月中出返海巡航,但係佢完全冇阻止到日本聯合艦隊向中國運兵,有傳說話丁汝昌係專登係海上避開日本艦隊,因為一碰頭,就肯定全軍覆沒,由於丁汝昌採取「你睇我唔到、你硬係睇我唔到」嘅偉大戰略,渤海嘅海防已經全面崩潰,日本人予取予攜。李鴻章見到旅順危在旦夕,即刻下令所有海軍陸軍要守住旅順,但係丁汝昌只係返過旅順一晚吹吓水,即刻急急腳返番威海衛「保留實力」。

嚟到依度,大家(大中華膠)係咪好心痛呢?我就係喇!咁號稱十九世紀遠東第一要塞嘅旅順軍港究竟可唔可以當住日軍嘅魔爪呢?

其實我賣關子都係……多舊魚。

下次繼續窮途如末路,兵敗如山倒……

[img]https://upload.cc/i1/2018/04/19/mAhf6X.png[/img]

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】全集,請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me


【常威中史】為慈禧平反系列(五十九)

豆斗為咗劉晶好,為咗大清好,為咗抵禦明治政府嘅野心,1888年退休前同李鴻章建立咗北洋艦隊,連同艦隊仲有旅順軍港建設,係一套整體配套。呢個旅順要塞就好似香港嘅高鐵一樣,大規模過千億投資,當時號稱遠東第一要塞,要有幾巴閉有幾巴閉,要幾把炮有幾把炮,去睇睇有幾巴閉同有幾把炮先。

旅順要塞三面環海,配合天然優質港灣,係當時守護大清心臟最重要戰略要塞,要塞裝備咗當時歐洲最現代化嘅戰炮防守,面向大海方向就有重炮58門、輕炮8們,機關炮5門,面向陸地有重炮18門、輕炮48門同機關炮19門,旅順防衛炮數合計重炮76門,輕炮56門,機關炮24門。配合14000人嘅常駐陸軍防守。理論上日本人要攻陷旅順真係唔易,而且一定要付出巨大代價,但偏偏個結果就出乎人意料,世事就係咁奇怪。

1894年11月19號,日本海軍同陸軍聯合行動,兩路齊發進攻旅順要塞。

由於丁汝昌嘅北洋艦隊堅決柄響威海衛海軍基地唔出精(征),冇參與戰鬥,於是海防方面完全崩潰,日本艦隊向要塞發炮,陸軍配合由陸路進攻,11月21日嘅黃昏,經過幾場小規模嘅抵抗,大清兵敗如山倒,旅順要塞就被completely攻陷,日本人前後只係用咗唔夠48小時。最好笑嘅係,整場旅順攻防戰日軍只係死咗40人,傷咗241人。旅順要塞嘅所有軍備武器彈藥全部被日軍接收。中國人有句說話叫賠了夫人又折兵,應用喺度絕對冇錯,過千億嘅遠東第一要塞就響一夜之間送俾明治天皇,呢件事點解可以發生?我到而家都係搲X爆頭。


可能網友講得啱,當時守護旅順要塞嘅大清陸軍一定冇14000人,可能大部分兵藉都係向上頭虛報,比人用嚟偷錢。當然丁汝昌避戰亦係最大理由。但輸到咁無厘頭、輸得咁難睇真係百思不得其解。類似嘅情況近代都發生過一次,2003年美軍進攻侯賽因伊拉克首都巴格達,巴格達當時號稱陸上最強堡壘,好多軍事專家覺得美軍最低限度要用三個月時間先可以攻陷巴格達,但係美軍只係前後用咗48小時,情況都係一樣。冇人反抗冇人同美軍打,見到美軍坦克開過嚟就搖旗歡呼,「美軍嚟到我帶路」。有人話1900年八國聯軍入北京城,北京市民都係咁嘅情況。

旅順被成功佔領,日本人下一步就係直取直隸,直插大清喉嚨。

最近我睇咗幾本坊間嘅歷史書,佢哋不約而同都講慈禧係甲午戰爭期間,仍然大花筒使錢慶祝60大壽,睇嚟唔同嘅史書對依一段歷史有唔同嘅演繹。但常公子覺得,以豆斗嘅智慧同埋佢嘅眼界,當佢知道甲午戰爭嘅戰況後,係絕對唔會咁做。而且唱衰豆斗嘅書大部分係中國人寫,讚豆斗嘅書多數都係洋人寫,咁你信中國人?定信洋人吖?

唔使答我,響心裡面答自己*

下次講旅順大屠殺。

[img]https://upload.cc/i1/2018/04/21/K0H9wM.png[/img]

【大清亡國關慈禧蛋牛治】全集,請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

#hoho# 【碌葛男人嫁得過】線上購閱
https://play.google.com/store/books/details?id=e1N7DwAAQBAJ


【大清亡國關 #港珠澳大橋 蛋牛治】

港珠澳大橋最近通車,香港同澳門珠海連成一線,但係實際嘅經濟效益我哋未睇到,反而副作用提早出現。大型基建,往往係一個社會經濟起動嘅火車頭,美國特朗普政府嚟緊就會大力推銷佢嘅16000億美元重型基建大計,去boost起返經濟。時局低迷,已成定局,香港股市連跌十個月,亦已經破咗之前嘅所有數據(之前最長嘅跌市係八個月),可以預期,一場史上最大嘅熊市即將出現。

推根究底,亦因為美國之前印銀紙印得太多,當然中國亦印唔少,貨幣唔係印出嚟嘅,如果印銀紙可以解決問題,世界上基本上沒有問題。歷史行到而家二十一世紀二十年代,其實問題有好多,而且好多都好似冇辦法解決咁,相同嘅情況喺20世紀初期都出現過,國家與國家之間嘅問題冇辦法透過談判、磋商、諒解去解決,最後只有訴諸戰爭。

當然冇人想戰爭發生,因為核武存在,現代世界發生大型戰爭嘅機率亦都細好多。而且人類經過100年進化,基本上智慧有咗增長,我哋應該能夠發現除卻戰爭之外,更多解決問題嘅方案同辦法。而且教訓已經放喺前邊,大家應該一清二楚。我對未來,某程度上充滿信心。

【#大清亡國關慈禧蛋牛治】語音導航!請大家幫手「#訂閱」我條YoutubeChannel!同埋介紹多啲人睇睇!衝上1000訂戶!

http://yt1.piee.pw/DDV9T

https://youtu.be/cejv4Ma_JHA

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁:https://www.facebook.com/historysandwich/


【常威中史】為慈禧平反系列(六十)

喃嘸阿彌陀佛。

1894年11月21日,日軍攻佔旅順後,對市內各處流散嘅清兵進行咗四天三夜嘅血腥大清洗,史稱旅順大屠殺。

旅順大屠殺嘅死亡人數非常參差,由幾千人到二三萬人不等,但無論如何,日本陸軍的確做出咗人類歷史上可圈可點嘅禽獸行為,當時響旅順嘅美國同英國記者記述咗呢件慘無人道嘅大屠殺,日本鬼子兵以狩捕清兵為藉口,(順便)血腥殘殺平民百姓、殘殺婦女兒童,有相有真相,日本人冇得抵賴。會殺平民女人同細路仔嘅軍隊,無論外表幾文明都好,其實都只不過係一群禽獸……

發起大屠殺嘅理由,不外乎係日本陸軍話清兵之前曾經虐殺佢哋嘅同胞(斬首分屍),因此以眼還眼,要進行血腥報復。呢個理由唔成立囉,打仗嘅嘢,一係我殺你一係你殺我,邊有話啱定錯?個情況好似1860年英法聯軍火燒圓明園,洋人都係要為咗報復清軍之前嘅殘酷行為,你信唔信先?(燒還燒但偷嘢喎)

毛澤東講過「世界上冇無緣無故嘅愛,亦冇無緣無故嘅恨」。

睇嚟甲午戰爭之前日本人己經對清國人恨之入骨,中日嘅仇怨始於明朝,由豐臣秀吉征韓開始到倭寇,日本人一直視明、清兩國為最大敵人,而且喺日本人心目中,日本係長期俾明清兩國壓住。正所謂受咗你咁耐氣,一鋪還返畀你。但係睇返轉頭,明清兩代真係冇做過乜嘢對日本人唔住(如果大家發現有,唔該話畀我知),日本人旅順玩大屠殺,我常公子衹能夠回應一句:

「日本禽獸!我XAuntie!」

古往今來,戰爭基本上係一個高尚行為,戰士保家衛國,為自己嘅理念信仰而戰鬥(唔理你信嘅係真定係假),拋頭顱灑熱血,死而後已,無論贏輸都應該值得尊重。但踏入19世紀下半葉,戰爭變成咗帝國同帝國之間嘅權力競爭遊戲,戰爭嘅崇高性開始逐漸消失,剩低嘅只淨返血腥同埋掠奪,人類隱藏喺潛意識裏面獸性開始被喚發出嚟,結果喺第一次世界大戰同埋第二次世界大戰大放異采,全人類自食其果。再講一次,碎肉機開始轉動,任何人都難以獨善其身!

20世紀中期後,人類邁向真正嘅文明進步嘅黃金時代(Golden Era),其實真係要多謝原子彈嘅發明者奧本海默同愛因斯坦,佢哋兩位之後表示好後悔好內疚發明原子彈,但係我想同佢哋講,其實佢哋拯救咗無數生命。呢個世界永遠無辦法用道理同仁義道德講得服一隻「禽獸」,想佢聽話扮番個文明人,唔該用支槍指X住佢個頭。

旅順失守,日軍深入遼東半島,下一個目標,係大清最後一道(豆腐)防線:威海衛軍港!

甲午戰爭嘅一連串慘敗,令所有清國人知道自己嘅國家真係無能兼傻的嗎,完全唔夠日本人打,一部分人開始醒覺過嚟,好似奪命書生孫中山就響1894年10月投稿上海《萬國公報》,一篇《上李鴻章書》要求大清痛定思痛,作深刻同全面嘅政治體制改革,否則國破家亡指日可待。

革命之火開始燃燒鳥!


[img]https://upload.cc/i1/2018/04/24/9GeENf.png[/img]


【常威中史】為慈禧平反系列(六十一)

一啖砂糖一淡屎,上回Hi完日本人凶殘,今日要讚佢哋專業。其實甲午戰爭史料大部分都係由日本人留低,後世人能夠對甲午戰爭有深刻理解,都係多得佢哋同外國記者嘅真實記錄。而大清呢?完全係冇囉,佢哋連一個正式嘅詳盡官方戰爭記錄都冇,民間相關嘅記述亦少之又少,好似場仗輸咗、人死咗、錢賠咗就冇咗件事咁,根本一啲都唔尊重戰場上為國捐軀嘅戰士!死嘅人好多時候連名都冇(亦冇狗牌),更加唔會學人哋咁將英靈供奉係靖國神社至今。

連一個戰事完整紀錄都欠奉,更莫論話媒體監察,當時開始踏入20世紀嘅大清國同大清國民,其實徹底同大時代文明脫節,再唔變,亡國都係應份。

大力叉開一筆,因為人民公社大躍進運動而發生喺1959-1962年之間嘅三年大饑荒,到咗今日,中共官方仍然冇一個具體嘅說法,究竟死咗幾多人冇人知?點樣死?喺邊度死?點解會死?亦冇人講冇人承認。3500萬?2500萬?抑或1500萬,亦都冇具體數字留低。世界上最悲哀嘅事,莫過於此。

中共老黨員、資深新聞工作者楊繼繩先生就寫過一本叫【墓碑】嘅書,詳述咗依一場可能係人類歷史上最大嘅饑荒。佢話寫本書嘅理由係為咗死嘅幾千萬人立一個墓碑。因為佢哋連墓碑都冇,佢哋生命就白白流逝響歷史之中,冇人再記起,亦都冇人再提起,就好似從來未發生過一樣。【墓碑】就係用文字為佢哋立碑。楊繼繩講,你唔敢面對歷史,你就永遠唔能夠抬起頭來。你唔夠膽面對錯誤,你就永遠唔可以理直氣壯咁去做人。你係邊位?大家心知肚明。


係咪做中國人就要咁命賤先?由乾隆爺死咗開始,就賤到今時今日,我哋究竟做錯啲乜?今日係香港講句說話都會犯法,歷史唔係開倒車,揾鬼信。

講返甲午戰爭,日軍佔領旅順大連大屠殺後,原本軍事部署係直取直隸,用1860年英法聯軍嘅行軍路線進攻天津同北京。但當時係12月,冰冷天氣同埋結冰嘅渤海灣不適宜登陸作戰,於是日軍改變戰略,先集中火力進軍威海衛,徹底粉碎北洋水師剩低嘅殘餘戰鬥力。

補充返小小資料,豆斗六十歲生日係農曆十月初十,即係新曆11月7日星期三,當時日軍已經登陸遼東半島向旅順步步進逼,金州失陷。豆斗嘅大壽慶典如期舉行,不過係低調行事,比起原本嘅安排相差十萬八千里,名副其實喪事當喜事辦。

去返12月頭,大清一心要保護山東半島上最後一座軍事要塞威海衛,中央加派軍隊進入山東半島防禦日軍,大力撥款招募新兵,最高總指揮亦由李鴻章改咗劉坤一。可惜大勢已去,根本冇人願意參軍去送死,原本嘅軍隊亦有大量逃兵,甚至有嘩變發生。12月26日日軍順利掃盪清軍沿岸防務,完成大規模登陸,將遼東半島嘅軍隊橫越黃海輸送到山東半島,同旅順戰爭一樣,聯合艦隊海路進逼,配合陸軍,直取北洋水師嘅最後據點、丁汝昌同劉步蟬身處嘅威海衛軍港。

預備好生鴉片未?

[img]https://upload.cc/i1/2018/04/26/oh4ZAR.png[/img]

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

【大清亡國關慈禧蛋牛治】全集,請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁:https://www.facebook.com/historysandwich/


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 19/4/2019 11:10
今天貼文總數: 540 | 累積文章數目: 6,489,579

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.