主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 關
[Youtube 預覽 - 關]  [大字型]  [小字型]

您現在聚腳在 學術台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章
DeerGamer

跳至第

發起人
(日本史)大日本帝國海軍政治
452 個回應
其實日本最傷係比美帝斷左航空燃油,對石油供給有興趣可以睇下編文(日文)


https://oilgas-info.jogmec.go.jp/_res/projects/default_project/_project_/pdf/0/662/200603_071a.pdf


#hoho# #yup#


番外 5

大家睇完編文,相比起加藤友三郎,加藤寬治會唔會有人種係一個軍國主義推手同壞人嘅感覺? 而的確有人話加藤寬治係法西斯主義者,但我地睇番佢生平感覺又好似有啲唔同。

加藤寬治父親都係海軍,而加藤寬治啊媽更係識英文#adore#而加藤係佢教育下英文都極好,而且仲識德文俄文#adore#,佢本身曾留守英俄兩國周圍都好多外國fd,外交經驗豐富。

而睇番早期從軍經歷,佢一畢業就跟東鄉平八郎隻船,而佢第一次見世面就係去保護1893年夏威夷革命中日本移民,佢第一身目睹住美國"和平"#hehe#咁吞併夏威夷,而係1898年再美西戰爭中食埋菲律賓#hehe#,而美國更係中國推動門戶開放政策,整個美國勢力已經跨過太平洋包圍日本,如果大家係十九世紀末至二十世紀初睇下太平洋,有邊個唔係帝國主義者? 而美國更係華盛頓會議逼日本不論國防外交都受制美國,而且美國排日浪潮時有發生,西方更係巴黎和會中否決左日本提出嘅人種的差別撤廃提案(Racial Equality Proposal), 難到依啲就係西方所講嘅人人平等、人民精神同民主主義嘅體現?

[img]https://na.cx/i/smeu0Sd.jpg[/img]
巴黎和會

而且加藤寬治係華盛頓會議係以技術代表參與,咁佢緊係支持海軍傳統支持10:7比例唔係好正常咩? 作為軍人當然想有一個更全面嘅國防安全又有咩錯? 而且加藤寬治係日本殖民主義潮流下都冇乜話想要侵略其他地方,算相當保守,佢又唔係唔願意同西方合作只係想日本有一個更好嘅比例,而且係佢晚年直程有少少親美傾向,可惜1939年死左冇人知佢對西方開戰嘅真正意願。

如果睇番佢一生,一直活係美國陰影下,大家又會唔會咁親美?

需然歷史冇如果,但係如果加藤寬治係企係加藤友三郎個邊,而加藤寬治又絕對有能力主持大局而再交棒俾米內光正、堀悌吉、山本五十六,咁日本又會點?

[img]https://na.cx/i/vSpfb0p.png[/img]




#good#


出文好似太密[sosad] 靈感不足[banghead]


出文好似太密[sosad] 靈感不足[banghead]

唔緊要 慢功出細貨#hoho# #yup# #adore# #adore#


終於追post追到黎呢到#yup#lm


推,學到野 #yup# #yup# #yup# 搞番清楚各路人馬

不過最後既觀點我有啲唔認同

日本人覺得歐美歧視,甚至去到唔接受咩人種平等法案,係因為歐美人覺得日本人根本就唔係軟件上同歐美人一樣。 就好似馬田史高西斯電影 沉默 一樣,大正時代日本人get到既民主同自由根本唔同

而且日本當時已經殖民統治緊韓國同台灣,又多次屠殺支那人,果種殘酷係有眼見。有乜理由接受一個咁既民族提出“種族平等” ?The Japanese just wanted to serve their own end.

老實講你可以話歐美有乜資格,美國人都殺唔少紅番,所以其實公道講句,果陣時冇一個國家有資格講人道,畢竟仲係一個弱肉強食既世界,最少衰過依家

至於關於10:7哩個問題,咁就唔好話咩民族欺凌,係你要簽英日同盟,及跟英美既規則玩,先逼住跟。換轉係其他歐洲國家,我相信英美既待遇都唔會好啲,哩個係balance of power既問題,換轉係荷蘭同意大利分分鐘得番10:3


的確日本人殖民者都唔係好野,我亦冇話日本人好,但問題係有邊個帝國主義者唔係滿手鮮血,日本幾時都係想成為西方一份子而模仿西方所作所為,而日本都成為國聯常任理事,根本上肯定日本列強地位而日本又係一戰幫埋手,咁西方連少少面都唔俾又真係xx(

你話10:7唔合理當然可以,但係簽訂條約令人感覺唔對等係要付出代價,華盛頓條約破壞左英日同盟而換來如同廢紙嘅四國公約,咁係美英日三方又邊個最有利?日本付出代價都唔细


有問題間多喲係好事#yup#


的確日本人殖民者都唔係好野,我亦冇話日本人好,但問題係有邊個帝國主義者唔係滿手鮮血,日本幾時都係想成為西方一份子而模仿西方所作所為,而日本都成為國聯常任理事,根本上肯定日本列強地位而日本又係一戰幫埋手,咁西方連少少面都唔俾又真係xx(

你話10:7唔合理當然可以,但係簽訂條約令人感覺唔對等係要付出代價,華盛頓條約破壞左英日同盟而換來如同廢紙嘅四國公約,咁係美英日三方又邊個最有利?日本付出代價都唔细


就算 10:6 同 10:7, 日本國力根本就頂唔到, 勉強無幸福

日本二戰中服役既戰列艦除左大和武藏之外, 其他都己經20~30年歷史, 缺乏經費搞到要延長戰列艦壽命結果又要僭建艦橋, 又要改裝, 打兩打就反艇

其實講慘英國最慘, 堂堂大英帝國海上霸權要紆尊降貴同你班新興勢力傾, 仲要承認同美國對等, 明明利益範圍等於美日加埋


#hoho# #yup#


但係一戰後英國已經冇左以前嘅光榮,自己經濟同國內問題咁多,人民厭戰情緒等等,而且英國已經冇能力再擴張海軍去滿是佢需求同挑戰,相反美日國力就精精日上,咁其實華盛頓條約係保持左英國現狀同領土免受日美威脅,咁其實又唔係咁差


而家根本得連登先會有咁既post
樓主竟然係高登度開


我兩邊都有開 個邊多人問野我都回多喲#yup#


番外 6

其實海陸軍惡鬥的確係一個日本制度上根本性缺陷,首先因為統帥權問題而令陸軍海軍能擁有各自「帷幄上奏」權力,令到佢地名自係日本擁有接近半獨立地位。其實早係1907年日本政府都試圖解決海陸軍中戰略不一嘅問題,係1907年曾舉辦帝國國防會議中希望統一海陸軍國防政策,但結果係依然各自為政,反而確保左海陸軍雙方能夠擁有獨立國防戰略,而且佢地更加可以自訂其假想敵。

[img]https://na.cx/i/tGSsUB9.jpg[/img]
米内光政 堅拒三國同盟 多次保護山本五十六

而係依刻,開始海陸軍惡鬥開始向國防預算蔓延,而後果甚至令日本步向戰爭。因為海軍要應對陸軍嘅大陸擴張政策,海軍開始建立一套南進論而把戰略重心係南洋,而一開始依套策略與其話係一套用黎侵略嘅計畫,不如話係用黎問政府攞錢嘅方法,俗稱呃BUDGET,而且海軍仲將美國定為假想敵(BUDGETARY ENEMY),目的就係因應美國艦隊規模而令海軍得到更多錢。依套制度一路行之有效而到八八艦隊計劃令日本海軍預算達到頂峰,而因為華盛頓會議令日本進入裁軍年代,直到1936年倫敦條約終結。

而係1936年後日本多次實行大型艦計劃,令日本艦隊實力大增,但隨著中日戰爭爆發令日美關係惡化,令海軍身受其害。因為海軍長久以來一直以視美國為假想敵,而當日美戰爭再不是不可能個陣,反而海軍開始大叫以和為貴,高呼海軍不戰。咁海軍其實處境好尷尬,因為當陸軍係中國打生打死,而海軍明明錢就攞足幾十年就閃閃縮縮,咁海軍有乜方法係未來繼續保障預算而又能證明過去嘅錢又用得其所? 依個可能就係令海軍南進論真係實現嘅原因,因為戰爭同戰果就係最好嘅證明。

而整個由海陸軍惡鬥到國防預算之爭,再由假想敵變成真正敵人,其實可以話係一個自我應驗預言,所以山本五十六、米內光正、井上成美等海軍左所做嘅派掙扎之失敗根本係意料之內。

[img]https://na.cx/i/Waxc5JS.jpg[/img]
井上成美
最後一位晉升的海軍大將 戰後拒絕政府補助 隱居橫須賀漁村 教授英語為生




我兩邊都有開 個邊多人問野我都回多喲#yup#
淪落到要去259:-(


我兩邊都有開 個邊多人問野我都回多喲#yup#
淪落到要去259:-(


創富者個d先係259

樓主呢d 係牆頭草[sosad]


我兩邊都有開 個邊多人問野我都回多喲#yup#
淪落到要去259:-(


創富者個d先係259

樓主呢d 係牆頭草[sosad]

我個259係地方 你個259係人:-(


分享下知識啫,愈多人愈好:)


分享下知識啫,愈多人愈好:)

支持 anyway#adore# #good#
但自己對自己嘅氣節風骨有要求:-(


#good# #good# #good#


#hoho# #yup#


的確日本人殖民者都唔係好野,我亦冇話日本人好,但問題係有邊個帝國主義者唔係滿手鮮血,日本幾時都係想成為西方一份子而模仿西方所作所為,而日本都成為國聯常任理事,根本上肯定日本列強地位而日本又係一戰幫埋手,咁西方連少少面都唔俾又真係xx(

你話10:7唔合理當然可以,但係簽訂條約令人感覺唔對等係要付出代價,華盛頓條約破壞左英日同盟而換來如同廢紙嘅四國公約,咁係美英日三方又邊個最有利?日本付出代價都唔细


我咪話左,你可以一開始就選擇唔加入英日同盟,唔加入國聯,唔跟美英既太平洋秩序 --- 只要你跟左,又想反口,就係你日本道義上有問題,等同中國又要加入wto,又要唔遵守開放市場同維護人權

國際關係唔係講俾面,而係講務實同權力平衡

如果英美日三方係合作之前,有一種共識,就係日本只係對方係亞洲既代言人、管理員,而唔係主人,咁日本以此前題去abuse哩種合作關係(殘害亞洲人、軍部慢慢接管民選政府、擴軍,等),亦冇可能令美英安心維持“完全平等”既關係,因為事實上你表面上係現代國家,但實際上去唔到文明國家既標準;

如果唔限制一個咁既日本,無論係權力平衡上,或者出於人道考量上,都會為亞洲同世界帶黎災難,而結果證實左係事實左日本帝國的確唔係文明國家

Btw 樓主我欣賞你既研究同分享,厲害,不過研究日本史唔一定要完全倒向日本,產生bias


仲有你話日本只係模仿緊歐米鬼畜,咁好明顯失敗同抵屌啦,你睇下英國點管理香港、馬六甲、印度

又睇下日本點對韓國同台灣,好明顯唔係稱職既文明國家,所以係國聯度reject人種差別法,同拒絕俾日本擁有更強大既軍隊咪係咗囉 [sosad]


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 22/7/2019 18:29
今天貼文總數: 1,070 | 累積文章數目: 6,531,922

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.