主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

有關解封部份帳號之事宜

早前收到各會員反映一些朋友的帳號可能因誤會導致被封,CEO與管理員團隊商討後,重新審核並決定解封部分只輕微觸犯版規、懷疑被駭的帳號。所有可得到解封的帳號(包括登入電郵及備用電郵)將會收到我們發出的通知,如有用戶收到電郵而未能正常重新登入,可以到「聯絡我們」(http://forum8.hkgolden.com/contactus.aspx)提供你用作註冊的電郵地址、後備電郵地址予我們跟進。

香港高登討論區管理員團隊
精選文章
跳至第

發起人
新手 愛情 台灣環島溝女的故事
94 個回應
小林_退熱貼

Member
早幾日返左台灣探朋友 去到台灣就回想起個陣環島的回憶
依個星期得閒就寫返個故事出黎

利申:第一次寫故,有錯請多多包容
除左時間,細節 有修改 大部份為真實經歷


#good2#3    #bad#5  
標籤: 愛情 , 新手
文遠!過多幾日就收池架啦WOW! 收左池之後諗住點過冬呀? (我係季節性救生員11月關池之後就會失業)

我的好朋友澤森坐係更台上面問我


我 : 無呀!!可能搵間酒店做住炒散HEA下咁啦!!

澤森 : 考警察個到考成點呀?無消息咩?

我: 2日前交左文件做緊品格審查,

澤森 : 咁即係搞惦啦!咁仲使向左走向右走搵炒散咩!

我 : 因為我收到消息下個月月尾會有一班入.咁即係最快都2個月或以上先入班

澤森: 咁你仲有咩遺願呀,親未入冊(入班)之前 依家好做埋佢啦!!!

我: 我想見識下個世界

澤森: 2個月時間咁你不如去台灣或者日本環島啦!又可以見識 又可以游山玩水
玩下手仲可以食到台灣/日本妹呀



個晚我返到屋企就上網搵環島的資料
D師兄都提議新手環島最好去台灣
咁我就集中搵台灣環島的資料


上網搵到個叫 蛙咖啡 單車環島贊助計畫
只要寫個計畫書比佢就可以用超優惠價錢租用環島單
我諗左陣就搞惦份計畫書


環島申請表
申請人姓名 : 張文遠
申請人數: 1
隊名 : 追夢者
隊長(也是唯一的隊員) :張文遠

計畫:
我的計畫就是沒有計畫 以天為被 以地為床 騎到那 住到那 玩到那




然後2日之後我就收到蛙咖啡的回覆

勇氣可嘉,批准申請


就係咁 就開始左台灣環島溝女的故事


PLAN好計劃之後
我就買左張單程機票飛去台灣

一落機我就塔車去市中心諗住搵包租婆囉間房放低野先
點知包租婆 話未放學叫我行陣台北先

放學再比信息我
咁我就周圍行下啦

行到去故宮博物院
我見到門口好多靚女係到跳舞

我就係背囊拎左筆記簿同筆出黎
行埋去準備抄我係台灣的第一個牌


但係我行到埋去先黎無勇氣開唔到口
猶疑左分幾鍾之後我終於鼓起勇氣行埋去


唔好意思呀!我係香港的學生黎架!!我做緊功課唔知可唔可以問你地幾條問題呢?
我用吹屎ON的國語口音黎問


美女: 都估到你係香港人架啦!!你D國語口音咁怪

我 : 係呀!!我第一次黎台灣架喳

美女: 哦!!咁你想問咩呢?

我: 我份功課係想知道台灣同香港有咩唔同


我: 請問靚女你去過香港嗎?

靚女:未!剩係睇電影見過香港!

我:我想問台灣係唔係好興跳街舞?我見成個公園都有人跳緊

靚女: 係呀!放學無野做,米大家約出黎公園練下舞囉!香港唔係咁架咩?

我: 唔係呀!香港唔係到到跳得架!!隨街/公園跳舞的話差佬會逗架!!所以我地都係夜晚晚先係公園到跳架喳

靚女: 哦!! 唔好意思!我地差唔多要練舞啦!! 你仲有冇野想問架??

我:其實....都仲有GA不過唔想阻你練舞!!不如咁啦!!
我可唔可以喳你個奶呀?? 咁有時間的話我可以再係搵你傾呀麻!!!

然後我就成功係台灣抄左第一個牌


然後我用返同樣的招數係附近都抄左幾個牌

抄到6點幾 包租婆SD個信息比我話
有事會遲返叫我行多陣

Hi Auntie,點幾落機等到依家6點幾都仲未入得房
依間民宿住完之後一定劣評

咁我上左101行左陣
行行下手機有信息到

我以為係包租婆SD黎啦
點知我一拎起電話見到個信息係candy sd過黎


garden!!我好唔開心呀(╯_╰)!!!


樓主做咩有人唔做黑警呀:-(
寫下文咪幾好:D


正皮已留


幾年前既台灣妹真係純過蒸餾水


樓主做咩有人唔做黑警呀:-(
寫下文咪幾好:D

我唔係黑警米得囉#good#
暫時傷天害理的事仲未做過

BTW 多謝 BRO正評


幾年前既台灣妹真係純過蒸餾水

依家都好純GA
係台北太商業化
搞到台北D女似足港女


3個月前

旺角某邊爐店


今日係我地桌游group第一次網聚
我一入到鋪就行埋去全間鋪最嘈最多人個張台

唔好意思!!我係garden!!黎遲左!!!


唔好講咁多!!遲到飲啦!
眼前一個包包面細細粒叫Mary的女仔邊講邊拎起啤酒隊埋我個咀到


mary係我 係group入面最傾得埋的女性朋友
group入面的人成日囉我地2個黎開玩笑


吹佢吹佢吹佢!!
我拎起支酒都未開始飲班友仔已經開始起鬨


唔係叫你吹啤酒呀!叫你吹mary呀!
我地group最出名的毒舌同是係我青梅竹馬的澤森
係到叫囂


一張台11個人
我就坐左係mary右邊 澤森左邊

人齊未呀?
我邊拎起點菜紙邊問

應該仲有個 candy & Dragons
佢話黎緊 我影多次台號個別SD比佢
板主Mary 邊禁手機邊講

咦女仔黎WOW , 咁你今晚安全啦!! 有人幫你分擔D啤酒
澤森邊講邊用啤酒哼Mary隻杯

食左半個鍾之後


唔好意思呀!!!我要OT搞到遲左

我望住眼前一個化啖妝 扎住馬尾 嬌的的做緊90度鞠躬道歉 的女仔

佢就係candy & Dragons ?


唔好講咁多!遲到飲啦!
Mary 口話未完已經拎起左支啤酒


唔好咁無情啦!人地ot 麻
ot 人地都唔想架!
有得揀邊個想ot呀!
我幫佢頂啦
在坐所有男仔都幫緊candy口

唔緊要啦!遲到係要飲ga
candy一手拎起支啤酒吹左佢
我諗佢都係老手黎架啦!

豪氣!坐依到呀!依到有位!
澤森即刻搬左張凳埋黎

當candy行到埋黎個陣
我先留意到原來佢上圍好向左走向右走大


正當我雙眼比candy雙峰吸引住的時候

CANDY心口個吊墜引起左我的主意
依個....係哈路曼(其中一種佛牌)....

個哈路曼幾靚WOW
依個時候CANDY坐左係我同澤森身邊

自從CANDY黎左之後
在座的男仔都將話題轉曬落CANDY身上完全冷落左MARY

依家mary嬲爆爆好明顯係到吃緊醋


你又識GA?
CANDY指住個哈路曼問我

因為我都有帶麻
我指住心口個四面神

CANDY : 原來師兄黎架WOW

米向左走向右走掛住傾啦!!!養金魚呀?飲啦!!!
我都未開口 Mary就打斷左我
仲一路隊我 搞到我溝唔到女


去完旅行返黎繼續


咁多位唔好意思
差唔多夠鍾啦!介唔介意左張單先呢!?

樓面呀姐埋黎擺低左張單



嘩Hi原來我地食向左走向右走左3個幾鍾架拿?

快樂不知時日過麻

喂就咁走好無引WOW

係囉
飲向左走向右走左成晚酒無野玩
就咁走好無引WOW

正當大家7咀8舌的時候

Hi轉場再飲啦!!!!唔係要我教呀

MARY出黎幫我地一鎚定音




女神去唔去下場呀?
聽完MARY話要轉場之後,在坐的男仔都望住CANDY咁問
依一刻MARY塊面好似變面咁即刻黑曬


都可以ga
不過我聽日仲要返工
我黎坐陣走呀!

Hi!黎就黎
唔黎就唔黎啦!
坐一陣就走
咁向左走向右走掃興 不如唔好理
Mary愈Hi愈性起,我開始懷疑mary係米已經飲大左

唔好咁啦!相嗌唔好口!
江湖事江湖了
有咩事吧台解決啦
我邊講邊夾住MARY離開邊爐鋪


6個人 半打藍妹 唔該
MARY 邊同樓面交代邊搵位坐


6個人!! 7個起 7個6 依邊接
MARY一坐低已經拎起骰盅指向我


你使唔使咁急呀!!! 8個2呀!!
我望一望骰盅就望住CANDY講

8個6........呀


開呀!!!!
CANDY話口都未完!!MARY已經搶開


大家望一望加埋都係得7粒 第一局CANDY輸
然後好多局MARY都追住CANDY黎搶開


我唔得啦!!!我去過廁所先!!!
CANDY 飲完罰酒之後表示要去廁所

去乜向左走向右走野廁所呀!!!!唔使申請架??飲一杯先準去!!!
MARY邊講邊斟滿杯酒隊比CANDY

CANDY依個時候明顯已經開始貓貓地

我決定要出手幫幫CANDY懲罰下MARY


我唔得啦!!!我去過廁所先!!!
CANDY 飲完罰酒之後表示要去廁所

去乜向左走向右走野廁所呀!!!!唔使申請架??飲一杯先準去!!!
MARY邊講邊斟滿杯酒隊比CANDY

CANDY依個時候明顯已經開始貓貓地

我決定要出手幫幫CANDY懲罰下MARY


CANDY去完廁所返黎
MARY即刻拎起骰盅示意繼續

仲玩大話骰呀??悶左D WOW 我成晚都未飲過
不如轉GAME啦

我禁住MARY個骰盅講

不如玩一六呀!!!我講解點玩!


首先我地搖左個骰盅先
之後開始個個人打開骰盅
如果有1的話就放粒骰係枱中間
如果有6的話 隻6就比下家

姐係好似層層疊咁?霖左就輸???
女神拎起隻1疊上去


聰明 Exact7ly

如果無問題的話
咁我開始先 MARY接

我打開骰盅將3隻1好似比薩斜塔咁擺係枱中間

想陰我??無咁容易
MARY邊講邊疊2粒骰上去

然後轉眼間又到返我
眼前座比薩斜塔已經疊左7粒係到


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/2/2019 18:28
今天貼文總數: 538 | 累積文章數目: 6,466,197

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.