主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

有關整合forum 1~15事宜

高登討論區定於下星期三(14/6)將forum1~15整合為http://forum.hkgolden.com,屆時有部分未獲授權的第三方app與瀏覽器plugin或會受到影響。不便之處,敬請原諒。
精選文章
跳至第

發起人
新手 愛情 台灣環島溝女的故事
94 個回應
有靚女伴遊緊係求之不得啦! 我叫garden呀點叫你呢??
我邊問邊遞部電話比佢



我叫sara呀!!嘩你部電話咁得意GA!!
佢拎住我部電話左禁右禁,個樣好似小朋友玩玩具咁趣緻

係呀!!我好鍾意mario架
[img]https://upload.cc/i1/2018/12/26/Et8DAe.jpg[/img]


嘩 你睇黎好多女仔搵緊你咁WOW 2百幾個未讀信息
SARA 將目光停留係WHATSAPP個圖案上

哈哈邊係呢!!只係班伙記同我匯報緊工作進度先搞到咁多信息之麻
依刻我求神拜佛佢千祈唔好禁入去睇
唔係就會比佢發現D信息大部份都係黎自桌遊谷

嘩!!有伙記跟你做野咁勁架!!你做咩架??

咁你睇我個樣似係做咩
我邊講邊擺個Chok樣出黎


嗯!你個人咁黑又短頭髮再加上你咁大隻的身形嗯...........
我估你當兵GA!!! 個班係你D部下
佢對我上下打量

緊係唔係啦!!!香港男仔唔使幫政府當兵架!!!
其實我呢!!只係一個商人搞D生意仔姐

我雖然口裡說不,但我心卻是想著
香港男仔只會為觀音當兵


睇你個樣咁年輕,估唔到居然係個商人WOW,
真係人不可以貌相海水不可以斗量呀!
呀!!!依到就係你投宿個到啦!!!不過依到點睇都唔似民宿WOW!!
你肯定地址無錯?

佢指住前面一座好殘的唐樓


我再三核對個地址 之後
係個信箱輸入密碼689碌Seven 信箱就成功打開左
但個信箱空空如也
我望住空空如也的信箱苦笑一下之後就影低張相問下包租婆咩料


唔好唔開心啦!!依個時候你應該化悲憤為食量呀!!
我知附近有間野幾好食架
我帶你去食啦!!!
SARA邊講邊指住另一邊馬路


然後佢帶左我去間高級扒房,睇間野裝潢咁靚
都係貴夾唔飽個D黎架啦!!!

嗯!睇落幾好不過可惜我宗教信仰係唔食牛架,鋸扒唔食牛好似差D WOW
不如過隔黎夜市可能會多D選擇WOW
我邊講邊指住隔黎不遠的通化夜市


唔食牛??你信回教架??好呀!!我成日黎通化夜市架!!!
哈等我黎做你的領隊呀!!!
佢成個小朋友咁雀躍行係前面

回教係唔食豬架!!!
我苦笑地回答

入到黎通化夜市,感覺都幾似廟街
然後SARA帶左我係一個鐵板燒檔坐低左


你坐低等陣
我出去幫你叫台灣最正的野食
SARA 同伙記講左幾句然後 對住其他檔口左指右指

佢: HAHA 我懶得行出去 我叫左伙記幫我過其他檔口叫野食過黎
我: 會唔會唔係咁好意思呢...係人地檔口食其他檔口野,仲要叫個伙記去其他檔口拎......

佢:唔使唔好意思架!!!老闆同伙記同我好熟架!!總知一定拎你食到最地道的台灣野

我突然有種不詳的預感......


好快 鐵板檔就上左 龍蝦,炒蝦,粉蟹,鐵板麵,炒蛤

然後伙記由周圍檔口拎左
滷味,四神湯,麻辣鹽水雞,小籠包,臭豆腐,豬血糕過黎
我望住D野食擺到張枱密密麻麻.....如果唔係我一身軍人LOOK

我諗我絕對會比當地人誤當成大陸土豪,
呀....我諗依家我係旁人眼中應該係一個岩岩打完仗幾日無食飯的落魄軍人


我記得回教徒唔食牛,所以全部野食都無牛架!!
唔好望啦親熱食啦!!

當我呆左望住成枱野食的時候,佢好天真無邪咁同我講

都話回教徒係唔食豬囉....你叫咁多野食
係出於熱情定搵我老襯....
不過見到佢咁天真無邪的樣,我都係將說話留在心中


話時話 其實你黎台灣係唔係諗住做生意架!!
SARA食住鹽水雞 食到汗流滿面

我: 唔係呀!!我見放假 米 黎台灣單車環島玩下囉
佢:嘩單車環島咁勁,咁點解選擇台灣呢?
我:因為可以識到你....同埋想黎感受下自由的空氣
佢: 自由空氣??

我出世的地方-香港已經愈來愈無自由.....
然後我將香港近幾年的情況
再將自己參與雨傘運動入面發生的事全部講比眼前依個旁聽者


下??為左有得投票你就去左訓十幾日街??值得咩??
眼前的女仔用不明所以的眼神望住我

我地唔係為左有得投票,我地最基本要的係提名權,其次係全面廢除好多不公的事情,同要個狗官落台
我有教無類再次解釋

差不多吧!!!不就是為了能投票上街示威遊行?值得嗎?
SARA邊食住龍蝦邊講 好有一種何不食肉糜的感覺


這不是遊行示威,這可是抗爭呀!!!!
台灣要不是有228等事件 台灣能有投票權嗎?
那太陽花學運又值得嗎??

要是眼前的是一個港女我老早已經咆哮怒Hi了


228不知道,太陽花我還真的不認為有這麼重要!!!無所謂啦!!反正我討厭政治!!!
我完全覺得係太監讀神學無向左走向右走得救
這刻的我覺得有種夏蟲語冰的感覺


此一刻現場氣氛完全趺到落冰點
我唔記得左朋友講過
同女人千祈唔好講錢,道理同政治

今晚好彩有你,唔係都食唔到咁多地道野,作為回報
不如我教你玩個遊戲呀!!
為左唔想有冷場,我拎起支瓶身近似青島的台灣啤酒
又開始新的話題


有無玩過大話骰?就算無都唔緊要,個遊戲好易玩,我地只需要幾粒骰仔
我拎出部手機 禁左大話骰的玩法出黎

就算無都唔緊要,可以上網DOW 個大話骰的APP
SARA問完鐵板檔朋友,依到無骰仔我就係佢部機搵大話骰APP

拿講明輸左的話飲半杯
同佢講解完大話骰玩法,我地就開始


我地一邊玩一邊飲一邊閒話家常
我講完我讀書的野同返工D野之後就到佢講佢的事我知

其實我依家係台北醫學大學讀緊醫
SARA 又輸一局

嘩讀醫咁勁,我諗你一定好有抱負架啦!!
睇黎依個話題有排講,我叫伙記拎多4支啤酒過黎


好多人都咁講,但其實我讀醫的原因唔係因為細個夢想要救人,
係因為行醫人工好(至少在台灣比較好),咁就可以過好D的生活

SARA 拎起小籠包放入口

哦!!岩GA人望高處,或者做做下你會比份工影響到你的抱負呢
我係到諗點解個女仔咁刷得GA呢

不過我依家好煩惱呀...............讀醫好辛苦好大壓力架!
SARA講講下停左 好似有D難言之隱

拿見大家咁有緣!我講個秘密你知.....
其實我識睇相架!見你除左我成晚,等我免費贈你2句開解下你啦


拿首先你只可以問一個問題
你諗清楚問咩問題 (例如 工作 學業 家人 愛情 )
之後就寫一個繁體字落張紙到

我係背囊拎出紙同筆出黎

SARA諗左陣之後就係張紙到寫左個愛字


好 請問你想問咩問題呢?
工作 學業 家人 定愛情呢?

我盡量講多D廢話爭取時間諗下點樣 解簽

我選擇愛情
SARA同我推斷的一樣選擇左愛情,然後我叫SARA伸隻手出黎,再雙手包住佢柔軟的雙手

望住我雙眼!!
當我地四目交投之後,我一方面口中諗諗有詞地誦經
一方面就係到諗點樣 解簽好呢


睇黎你失戀WOW

一分鐘後的我 抹一抹滿頭的大汗
道出一句呀媽係女人的簽文,我望住佢驚訝的眼神,我再繼續講落去

對像應該係一個幾健壯的陽光男,但係睇黎你地未來的日子應該會拖泥帶水


見到佢不解的眼神我繼續講

首先
我認為你一路寫依隻字的時候
係一路寫一路諗住一個人
所以係寫依個字的時候
你不自覺將同佢的經歷透過文字表露左出黎
你個愛字整體黎講
上肥下瘦 應該就係一個上身健壯的人

愛字最尾個筆你係拖長左黎收筆
咁意味著拖泥帶水

而最重要的係
你個愛字中間係一個唔完整的心字
愛無心
意思顯而易見......


我講完之後
SARA開始有小小眼濕濕 我知道我唔做D野的話
佢分分鐘係到喊出黎
拿唔好諗D唔開心的野先
不如待我變個魔術你睇


我係背囊拎啤牌出黎
然後拉隻紅心A出黎
拿你依家先係張紅心A 上面寫低你的願望
sara寫好之後我就張隻牌放返入牌堆洗牌

我: 依張.....
洗好左之後我抽面頭個隻出黎,但係sara流露出失望的眼神


未講完!!! 依張....唔係
依隻唔係
最後依隻.....都唔係

我望都唔望就知張牌一定唔係
我連抽3張再將隻牌放係枱面

拿依3隻都唔係!!我想你係依3隻牌到寫低你最想放棄的野(例如小人,惡運)
我將筆放到SARA手中


SARA 係3隻牌到分別寫上 小人 惡運 貧窮

其實人生就好似依副啤牌咁
雖然我地無可能決定到副牌入面有幾多張牌同有咩牌
我張副啤牌灘成扇形

但係我地可以用自己雙手去決定同改變自己的將來
我將把扇合返埋一副然後洗牌


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/2/2019 19:03
今天貼文總數: 556 | 累積文章數目: 6,466,215

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.