主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

有關帖文題目顯示香港字問題

一直以來,不少會員反映討論區帖文題目未能正常顯示香港字,由於此項更新牽涉整個系統,故一直未能完善。然而我們明白各會員對此有一定需求,決定於星期三早上7時短暫「熄登」更新系統,解決題目顯示問題,預計需時兩小時。不便之處,敬請原諒。

更新完成後題目將支援香港字、大部分日文及韓文字體,字數限制將由現時25個全形字符增加至30個。與此同時,討論區桌面版將增設M版現有的回帶及追蹤功能,發表頁面的題目輸入位置亦會加入字數提示功能,希望能改善大家的使用體驗。

香港高登討論區管理員團隊
精選文章
跳至第

發起人
義本無言(二)天理
62 個回應
而家個勢嚮辯方度。阿智慷慨激昂地說:「法官大人!我嘅當事人林有容先生死前好明顯只係盡到一個小市民嘅責任。佢當時並無想到見義勇為會令自己死亡。而佢不顧自身安危,阻止惡人行大惡,實乃一個有血性嘅普通人會做嘅尋常義舉。在此,我懇請法官大人判我嘅當時人並非自殺身亡。多謝法官閣下。」

阿智坐返低,林有容不禁為他拍手。跟住法官敲咗吓槌仔嗌肅靜,然後宣佈到了退庭商議的時間。


十五分鐘之後,重新開庭。法官宣讀裁決:「被告林有容,死亡時間為二零一八年十月十二日下午二時十二分。本席宣判,林有容之死因為意外身亡,含有就義成份。可以上天堂或者轉世投胎。」跟住佢敲吓槌仔表示完結。

阿智聽到判決之後舉高雙手嗌:「Yeah!」跟住林有容自行走出被告席對阿智說:「Give me five!」兩人撃掌後阿智又再嗌:「Yeah !」至於檢控官就嗱嗱臨掃曬檯上嘅文件入公文袋,跟手走人了。


阿智和林有容慶祝完之後問林有容:「係呢。咁你諗住上天堂定係投胎呀?」

「吓。我冇諗呀。」

阿智拍拍有容的肩膊說:「咁你慢慢諗啦。有冇嘢要託我向陽間嘅人講?冇嘅話我走人先啦#bye#。」

有容話:「唔該你話俾城科大嘅方思賢知,得閒去見吓星盤王。而家天使office得返你哋兩個,要 support each other先得㗎;-)。」

想不到當年柴娃娃玩煮飯仔咁成立嘅大天使薩基爾非正式註鄉城聯絡辦公室會喺一年之內損咁多兵折咁多將。

而且更估唔到嘅係,現在竟然遇上這般大奸大惡。


一想到A字膊嗰條友,林有容想追加多句:「如果思賢你真唔順啲壓力......」但係又覺得咁樣講好似太過度保護某個溫室小王子,於是向阿智搖了搖頭,把後半截嗰句「放棄也是一個選擇」吞返入口。

時間回到林有容出殯日,思賢聽完阿智敍述的法庭交鋒之後,想八吓閉門聆訊到底講咗啲乜,然後被阿智以客戶私隱為由拒絕透露。

「咁你可唔可以畀張卡片我呀?」思賢問阿智。

「可以。」阿智講完之後遞咗張卡片畀思賢,思賢看到卡片上金光閃閃的「靈界律師」四個字,說了一聲:「好型呀#love#dw!」

「不過我淨係接自殺cases咋喎;-)dw。希望你第時唔駛搵我啦。」阿智補充道。

思賢:「#bye#dw。」

阿智:「#bye#mk。」




第十八章 完


第十八章的魔氣是參考了《日式麵包王》。

我再次強調我唔識得捉鬼亦冇學過驅魔,以上內容純屬虛構。

附身的事主要取材對象不是香港。

法庭戲是參考自《壹號王庭》和《逆轉裁判》。




#bye#sq


第十九章 情誡

上星期思賢和道士仔佢哋喺圓大唱歌嗰陣時本來淨化咗成座山,包括清走埋城科大廣場前面嗰層霧。

本來!

但係有個Soc好唔生性,喺沈律師樓搞細o(Ocamp),又搞到瀬曬嘢,兼累街坊。

本來林有容出殯之後思賢返去宿舍嗰陣見到紅門前面嗰個唔記得乜嘢紀念廣場前面好乾淨㗎,真係乜X嘢都冇。

點知佢喺房度瞓到半夜三點四十五分嗰陣聽到有人係咁拍佢度門。

「唔Q係火燭呀化!」思賢聽到外面有人嗌曬救命,即係彈起身去檯上面拎鎖匙錢包手機著返對拖鞋諗住走火警啦。


點知佢一打開度手即係有團黑霧衝埋嚟!思賢嘅本能反應係舉起右臂擋住自己塊面,右手手腕嗰條黑曜石手鏈(10mm圓珠款)即係斷咗。跌落地嗰陣仲有幾粒圓珠好明顯有碎裂,有粉末沾在藍色的地上。

「唔X係呀。」思賢見到佢串水晶壯烈犧牲以保護主人的英勇行為,雖然佢本來瞓到個腦瘟瘟燉燉,但係佢嘅身體比意識更早作出反應,即係轉身縮返入房閂好度門拉開抽屜,右手在慌亂中抓了黑瑪瑙手鏈出嚟。他成隻左手震曬咁幫右手戴好條手鏈,再喺抽屜找到一條黑碧𤧥手鏈,套落右手度。

「大佬,人命關天呀。幫幫手呀今舖。」思賢看到右手戴了兩條有辟邪功效的水晶鏈,這才定下心來,深吸一啖氣,右手握緊門把,打開房門。


今次佢間房外面冇黑霧亦沒有人,佢睄到隔籬房啲門閂曬,走廊盡頭嘅火警鐘安全地扮演裝飾品呢個角色。

「咁冇嘢啦我返去瞓。」思賢也不知道點解自己對住空氣講呢句嘢,不過講咗就算啦。正當佢轉身行前一步真係行緊返入房嗰陣,有人向佢背脊戳咗一戳。

「邊個!」佢又轉返身,見到一個陌生的守護靈的手指停在半空。

這個守護靈約莫為十三、四歲。至於如何分辨守護靈與鬼,方思賢作為一名有陰陽眼十九年的人類表示:「呢啲嘢要靠累積經驗自己分辨囉。」

「咩事呀你。」思賢半夜俾個𡃁仔嘈醒,真係語氣充滿了火氣。

「求吓你救吓我家姐呀:~(。」目測十三、四歲的男性守護靈喊到fei呢啡呢地說。


「𡃁仔你拎十萬八萬嚟先講啦Z_Zdw。」思賢講完之後砰一聲閂咗度門,任憑外面響起忽切的敲門聲,依然自顧自的行去窗邊諗住繼續同周公gathering。

Btw,佢間房set咗結界,所以外靈喺冇邀請嘅情況下入唔到嚟。個結界係set by神秘Soc副社長,會員價只收$188.8;-)dw


「𡃁仔你拎十萬八萬嚟先講啦Z_Zdw。」思賢講完之後砰一聲閂咗度門,任憑外面響起忽切的敲門聲,依然自顧自的行去床邊諗住繼續同周公gathering。

Btw,佢間房set咗結界,所以外靈喺冇邀請嘅情況下入唔到嚟。個結界係set by神秘Soc副社長,會員價只收$188.8;-)dw

佢蒙頭大被冚了一會,出面冇曬動靜啦。佢又掀返開張被,call呢棟宿舍嘅守護靈出嚟問吓咩情況,


守護土地的神祗是土地公,如果有棟建築物沒有安放土地公嘅神位,又冇祭拜灶君等家神,咁喺呢種情況下,基於上天有好生之德,在這片土地死去的靈魂有可能自願留下來管轄某個平方米的土地,連埋土地上面的建築物一起守護。

「喵喵喵!喵喵喵!喵喵喵。」

而這個崗位有可能由不是人類的靈魂來擔任。

負責守護沈律師樓的守護靈是一種白色唐貓,左手腳仔是黃色的。

思賢在搬入嚟第一日嗰陣已經知道嘞。當時係由副社長向他和守護靈作介紹的。

然而思賢眼下最大的問題是,佢冇學過動物傳心。

「喵喵。」

沈律師樓的守護貓靈發出非常不安的叫聲。

好彩失敗者聯盟group入面有幾個係傳心師啫。


經過某位夜晚唔瞓的動物傳心師協助之下,思賢欠下150元服務費並得知貓靈大人有何要事相告。

其實佢上去城科大secret個page都可以見到事情嘅始末啦。

# 505 救命呀!頭先有人喺細o玩大咗呀!有冇人識得捉鬼呀。


夜晚開通宵的人不止負責管理城科大secret fb page的admin一個,也有城科大的學生鍾意做夜貓子。他們紛紛在這個post下面留言:「搵神秘Soc.」「去神秘Soc」「神秘Soc個office喺main campus六樓」「606號室」「神秘Soc有個薩滿」


「記得帶銀包。」這五個字係思賢寫的。佢寫完之後仲喺留言隔籬㩒咗個like。

「唉。等天光先算啦。」思賢熄咗手機,躺下補眠Z_Z


朝早七點十分,太陽出來了。思賢落樓見到隔籬嗰個唔知乜嘢紀念廣場上空泛著鐵灰色的霧霾,即刻X咗一聲。急急腳行去走龍塘福德廟向走龍塘土地公報告一聲,再行返去神秘Soc個office思考對策。

他沿著紅門經扶手電梯上到去四樓,再搭𨋢上多兩層。𨋢門斜對面是601室。神秘Soc 嘅 社團辦公室位於606室,負責保管門匙的人係思賢。

思賢出咗部𨋢,在轉角位見到通往社團辦公室的走廊人頭湧湧。有大約十個扮到鬼唔馬六,正常人頂多在萬聖節那天才會著上街的詭異打扮人士或坐或臥,塞曬喺條走廊度。


「借過借過借過借過借過。」思賢好不容易開出一條道路,回到office門口,拎出鎖匙,正欲開門。圍觀群眾忽然如獲救星般衝上來,湧向思賢。

「救命呀!救命呀。」今次輪到思賢嗌真。救命了。

他即刻把門匙放返入褲袋,諗住逃向逃生出口嗰個方向。點知有一名身穿青綠色波點長袖衫,面上畫了白色圓圈和黑色間條的人捉住佢唔俾佢走。

Btw,佢旁邊有幾個人面上個妝俾眼水溶到化曬,好鬼驚嚇。


「請問你係咪神秘Soc嘅人呀!快啲救吓我哋啦。」青綠色的人說。

思賢勉為其難咁開口:「我係。不過咁又點......」

佢都未講完,人群即刻一輪嘴咁向佢交待事情始末。

長話短說。昨夜Dancing Soc 在沈律師樓二樓的交誼廳舉行小型Ocamp。唔知邊個發起話要講鬼故,又唔知邊個喺唔知邊個網站度見到招鬼方法,更唔知班人點解蠢到跟住做,於是真係突然喺室內出現一團黑霧。
跟住成班人V嘩鬼叫作鳥獸散,又唔敢返屋企驚俾鬼跟累到屋企變鬼屋,於是上城科大secret求助,跟從網友建議來到這裡宿一宵。

「咁X聽話嘅你班人。」思賢開口串完眼前班人之後非常宅心仁厚咁打電話叫薩滿過嚟收拾殘局。


思賢在等候薩滿過嚟的時候,掃視了走廊一趟,沒有看見昨夜的小男孩守護靈。

「算啦咁。」思賢有欠積極的說。

薩滿嚟到之後點吓人數:「一二三四五六七八九十。咁每人畀500,速速磅唔好兩頭望。」

「吓!咁貴嘅。」人群中一名女子如是說。

薩滿話:「我要買材料同你哋驅走晦氣兼且淨化場地。沈律師樓交誼廳個場咁大,係呢個數啦:-[。」

「但係我身上今日冇帶咁多錢喎:-(。」人群中一名青靚白淨的男生說。

薩滿氣定神閒咁拎部手機出嚟,打開手機支付App,按了信用卡支付按鈕後說:「咁你哋是旦一個拎張信用卡出嚟代其他人畀住先啦。」


薩滿深明「還錢如乞米」呢個道理,所以佢舊年開始先收錢才提供服務。

這是經過很多血淚的教訓。

就算你而家點求佢都係要先收錢至做嘢㗎啦。

思賢站在一旁解說完,無視眾人苦苦哀求的眼神,收走他們手上的鈔票後放入信封內,再交畀阿薩滿。

薩滿說:「咁我而家去街市買材料,半個鐘頭之後喺沈律師樓兩樓度見啦#bye#。」

薩滿講完之後走咗,留低思賢和Dancing Soc的人你眼望我眼。

「唉。」思賢嘆了一口氣,領著眾人行去沈律師樓。


三十分鐘之後,薩滿準時來到沈律師樓。

而家呢班人冇個敢行上去二樓,所以薩滿決定將儀式挪到沈律師樓正門舉行。

他捧了一個臉盆咁大的陶盆放在沈律師樓大門的中間,在盆內撒了粗鹽和幾紥新鮮嘅碌柚葉,跟住淋上威士忌,點火,起咗個火盆。

「㩜過去。」薩滿指著門檻上的火盆,再指著Dancing Soc的人說。

眾人面面相覷。思賢對佢哋話:「唔駛驚喎。個火咁細。」說罷一腳㩜過個火盆,另一隻腳隨後亦㩜了過去。

「睇吓幾簡單[flowerface]。」


接著Dancing Soc的人終於鼓起勇氣,一個一個咁㩜過個火盆。眾人行曬入去沈律師樓室內之後,薩滿抱起火盆,搬上去二樓交誼廳的正中央。

他說:「我而家要淨化呢個場。你哋一人拿一紮碌柚葉返去煲水沖涼。今日沖完涼就搞掂啦。」跟住從布袋中拎出幾紥碌柚葉出來,叫思賢分發畀Dancing Soc成員。

「吓。咁就搞掂啦?」其中一名成員問思賢。

「唔係你想要幾複雜啫[???] 」晨咁早空肚冇食早餐的思賢串返佢。

跟住嗰個女仔將後半截想說的話吞返落肚度。

畢竟昨夜和她一齊參加講故的女仔說話好難聽。

出事之後話神秘Soc啲人係異端係邪惡。

跟住返咗屋企。

而若果有人留意到城科大Dancing Soc fb的話會發現其實昨夜參加的人有十一個。

而當時其他Dancing Soc成員亦冇人向神秘Soc成員提出嚟。

嗰陣時冇人知道後嚟搞到咁大鑊的。

早知係咁就算用鐵鏈也要押佢過嚟。



第十九章 完


第十九章入面的火盆請勿信以為真。

對於建築物入面嘅守護靈的概念主要是參考自台灣嗰邊。

碌柚葉很好用。




btw, 寫完鬼故食返排朱古力先[flowerface]lm


聽聞水晶會突然碎裂是為咗釋放能量以保護主人。

碎咗嘅水晶嘅處置方法係埋入泥土內。是埋入大地的泥土,而不是埋入盆栽內。


新年特別篇

大年初一朝頭早六點半,原念慈由年宵市場單肩揹著一紥桃花回家,面上流露出「Yeah! 我講價講到38蚊就買到啦!」的笑容。誰想到她打開家門,把桃花放落地,窗台外面企咗隻烏鴉係咁大叫:「護駕!護駕!」

在設定中設定了有「動物傳心」能力的原小姐好想扮聽聽唔明隻烏鴉講嘢。但係佢真係好嘈囉:-[

「咪事啫你。護乜駕啫你:-[。」原小姐新正頭就行去窗台同隻烏鴉開年#kill#dw #ng#dw

「岳王爺叫我同你講護駕呀。」烏鴉說。

「你唔早啲講:-[dw!」念慈跺了地下一腳轉身衝去岳王廟度。


念慈搭車衝去對面海的岳王廟內。朝早廟門已開,在「護國佑民」的牌匾下三注清香的淺灰色煙霧緩緩飄出正殿。

有隻金色生物兩隻手仔搭在神桌上,兩隻腳仔企到直一直,擺明偷食緊神壇上面嘅供品囉唔該。

「護駕呀!」回音響徹「岳王古廟」四字下方的內殿。

原小姐上前撈起嗰隻不明生物,對其品種產生了很大的疑問。

外觀是鬆獅狗加麒麟嘅混合體。

毛色似係金毛尋回犬。

但係佢有眼眉的。

仲有紅色嘴唇。

「咩!」食到嘴角有果渣的不明生命體對住原小姐咩了一聲。

「乜家伙呀你?」她問牠。

「咩。」牠這樣回答。

「年獸嚟㗎。」岳飛說。


「Ok. 明白。」她放返低牠,向岳王爺的牌位拱手,打算離開。

「且慢!」岳王爺截住佢。

她停步,岳飛下令她:「帶佢返去住幾日吧。」

「梗係唔得啦。年獸會咬人㗎。」

「咩。」年獸以水汪汪的眼神看著她說。

「最近附近有人捉野豬。牠留在此,凶多吉少。」岳飛道。

「咩。」年獸的白色尾巴係咁fing.

Btw, 佢條尾似係貓尾,白色的唐貓尾。

對於貓科動物欠缺免疫力的原小姐抱起了牠,捉住佢有黑色橫紋底色係金色的肥手仔說:「嗱。你返去唔准蝦我隻波波㗎。」

「咩。」

跟住她把那隻松鼠狗size的年獸塞入背包,混在對面年宵花市的人群中,當自己買咗隻毛公仔咁搭巴士返歸。

「咩。」


初一特別篇完結。

對於年獸的設定我是使用了我在創意台嗰個post的剩餘物資。

原念慈喺《義本無言》第一部出現過的[flowerface] [flowerface]dw


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 18/2/2019 18:17
今天貼文總數: 542 | 累積文章數目: 6,466,201

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.