主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

與時並進 重新出發

接手高登CEO至今已經有八年,一開始知道要代表高登出席唔同場合,都擔心會俾人起底,但最後決定豁出去以真面目示人。記得上任唔夠一年,就遇到高登歷年o黎最嚴重o既事件 — — 被告誹謗。最初我以為對方只係「嚇o下大家」,殊不知官司一打就打o左五年,最後打到上終審法院至告一段落。當時所受o既壓力大到難以形容,幸好得到好多會員o既支持,甚至有會員自發希望o係財政上給予支持,至今我仍然非常感激。不過,就呢單訴訟我o地花費o左超過7位數字o既律師費同賠償,換o黎法律上清晰釐定討論區要為會員發言負上o既責任。

除o左經常要處理關於誹謗問題o既律師信,高登最常要面對o既就係網絡攻擊問題。其實我o地一直有為伺服器作軟硬件上o既更新,奈何網絡攻擊o既「攻勢」日益增強同頻密,唔少時候大家鬧緊我o地Server超慢,背後其實都係因為伺服器受緊唔同程度o既攻擊,唔單只程式員要用大部分時間o黎處理相關問題,我自己有時都要半夜起身,甚至身處外地時都要處理。面對呢o的攻擊,我覺得冇可能每次都同大家講,否則有o的敏感時間每日要出十次八次公告,大家可能睇到麻木。 ......
精選文章
跳至第

發起人
義本無言(二)天理
139 個回應
新春賀年激戰篇之小城大事




帶新寵物回家的第一件事,當然喺幫位新成員沖涼杜蝨了。


原念慈返到屋企大門口,都未拎揪鎖匙出嚟開門就聽到門後有猛烈的狗吠聲。

「波波你咪嘈呀信唔信我同你開年呀嗱:-[。」

「嗚嗚。」原家愛寵看著主人帶了新寵進門發出了悲鳴。

原小姐放低背包,撈起入面嗰隻尚未窒息的年獸,攔腰抱起佢行去洗手盆嗰度打算幫佢沖涼。

沿途有一隻白色西施狗用哀憐的眼神看著她並跟著她行去洗手盆度。

「咩。」年獸用天真無辜的眼神看著週圍,懵然不知自己一陣會遭受何等之巨變!


通常原家人會帶波波去寵物店沖涼,盛惠三百。

但係新年嘅習俗係初一唔沖涼,所以寵物店今日唔開門做生意。

你死啦年獸,原小姐要同你沖涼呀。

岳王爺懷中休息啦你。

原家洗手盆有兩個水龍頭,左邊出熱水,右邊出凍水。

「算啦今日咁熱你沖凍水啦。」原小姐扭開右邊的水龍頭,凍水嘩啦嘩啦的淋在年獸身上。

成身濕曬嘅年獸凍到打冷震。

然後她打開五年前買畀波波但一直冇用過的狗狗Shampo ($98) 倒在海棉上,海棉加水後起了不少泡沬,跟住拎去刷年獸個body。

「咩咩咩。」

「得啦好快就沖完啦咪嘈呀你。」

「咩咩。」


洗到成頭泡又成身白色泡的年獸睇落似隻羊,加埋佢咩咩聲令原小姐中途拎咗部手機出嚟同佢影咗張相。

「咩咩咩咩咩。」濕水後細咗兩個碼的年獸哀哀叫中。

然後她放低部手機快手快腳咁幫隻咩咩沖水,沖完之後是旦拎條毛巾幫佢抺身。跟住拎個風筒出嚟吹乾隻年獸,點知風筒啲熱風一吹埋嚟年獸即係狂叫:「咩!咩!咩!咩!咩!」

「咪郁啦你。」原小姐左手嘅臂彎箍實隻年獸,右手的風筒依然風繼續吹。

「咩咩!」

好不容易吹乾隻金毛生物啲毛毛八成乾以後,她放返隻年獸落地,她腳邊的波波滿懷同情的看著牠。

「咩。」隻年獸攰到四肢伸直的躺在地板上。


啪嘞嘞嘞嘞嘞!

屋外突然傳出燒炮仗聲。

「咩!」年獸嚇到尖叫,跟住試圖企起身,在右後腳腳軟的情況下拖住隻腳喺屋內四圍亂走,

「咩。」牠發出的哀號聲響遍客廳,然後狂奔至梳化和電視櫃中間嗰條罅度,攝自己入去。

「咩咩:~(。咩咩。」真是可見猶憐。

原小姐和波波站在梳化外邊,不知如何是好,

「咩咩:~(dw。咩咩。」

外面的炮仗聲此起彼落,煙霧和聲音闖進屋內。

「咩咩:~(rip。」

好不容易等到外面的炮竹聲靜止了,原小姐伸手入梳化罅度想抱年獸出嚟,但係俾佢咬咗一啖。

「咩咩。」六隻牙仔的牙印留在她的手背上,不過既然冇見血就唔同佢計啦:-[

「咩咩:-(dw。」


初一一早就攰到咩咁,原小姐望住隻咩咩,又聽到自己個肚傳出咕嚕咕嚕聲,於是走去碌咗個杯麵做新年第一餐。

「汪!」波波用閃亮的眼神看著她。可惜乞食失敗,她倒了一些狗餅進牠的碗內,波波還是決定開飯先。

此時原小姐的父母飲完茶,進入家門對她說:「阿囡呀,一陣表姨帶埋佢個仔嘅同事個鄰居嘅細佬過嚟拜年呀。你快啲換件衫一陣出去同人出去傾吓偈啦。人哋留學澳門,好叻仔㗎。」

「吓!唔得閒喎。我今日都未帶波波落街。」她講完之後以迅雷不及掩耳的速度拎咗條紅色狗帶出嚟,笠落波波條頸度,再去拎嗰個紅色波點出街袋,從梳化罅中撈起一團金色毛團,塞落個狗袋度,再拎埋手機鎖匙和銀包及雨傘後對家人說:「我出去啦。」

「記得早啲返呀。」原母說。

大門關上。


原念慈拖著波波行出屋外,她背著小型犬用出街袋走著走著,行到波波趴咗喺度,於是她撈埋狗狗上嚟,塞埋佢入個狗袋度。年獸和波波透過走街袋嘅網格形透氣窗,看著主人帶牠們來到一個墓園。

這個墓園位於半山,臨海,有木制圍欄圍住。她走到一個畫了音符的墓碑前面停下,放低個出街袋,拉開條拉鏈,放了波波出嚟。袋入面隻年獸眼定定咁看著她。她看看墓碑,在年獸頸上套了袋入面的備用綠色狗鏈之後抱起了牠,走到大天使薩基爾非正式駐鄉城聯絡辦公室第四代副室長的墓前面介紹:「今朝岳飛call我呀。叫我帶佢返屋企擺幾日。」

她說完之後放下了牠,只是握著狗帶的另一端,任由波波和年獸在草地行嚟行去,聞嚟聞去。


她坐在地上,雙手抱膝,白色長裙沾到草尖。
她看著墓碑上的音符,拿出手機,在「設定」的欄目內按下了「手機鈴聲」,手機響起了儲存空間內排第一的那首歌。

「我以為要是唱得用心良苦 你總會對我多點在乎
我以為 雖然愛情已成往事 千言萬語說出來可以互相安撫」

[img]https://upload.cc/i1/2019/02/08/Zu0wd5.png[/img]

然後,結他武士單手托住頭,右手手踭挨住自己個墓碑,左手叉腰,右腳撐住左腳的膝蓋,看著她,以這麼奇怪的造型和音:「期待你感動 其實的我們難相處
寫詞的讓我 唱出你要的幸福


躺在草地上的手提電話繼續唱著:「誰曾經感動 分手的關頭才懂得 離開排行榜 更銘心刻骨」

她刻意按下了音量鍵,較到好大聲:「我已經相信 有些人我永遠不必等 所以我明白 在燈火闌珊處為什麼會哭

她拿出紙巾,刷掉螢幕上的淚滴,不經意間碰到音量鍵,又較返細聲,細到變咗做靜音。

不過唔覺要,有結他武士嚮度呀嘛。他接著唱:「你不會相信 嫁給我明天有多幸福 只想你明白 我心甘情願愛愛愛 愛到要吐

她彷佛察覺了手機的音量設置,又較返聲亮:「那是醉生 夢死 才能熬成的苦」

他也加入和音埋最後幾句:「愛如潮水 我忘了我 是誰 至少還有 你哭


這首歌是《K歌之王》的國語版cut。這部電話曾經播過這首歌的完整版本。當時結他武士喺學校入邊趁原小姐行開嗰陣sent咗自己的翻唱版本入去,咁原小姐翻嚟嗰陣發現自己部手機俾人郁過,梗係嬲啦#fire##kill#dw完條仔之後咪改返個鈴聲囉。跟手仲delete埋個翻唱version。

現在由結他武士唱埋這首她未聽過的翻唱版本下半部吧[flowerface]dw

我想唱一首歌給我們祝福 唱完了我會 一個人住 我願意試著了解 從此以後 擁擠的房間一個人的心 有多孤獨

接著聲音驟然停止,天空降下幾滴雨點,她匆忙打開了粉紫色的雨傘遮住墓碑。


她鼓埋泡腮,看著墓園,跺了一下草地。
他決定skip一個部份,直接唱埋最後嗰幾句歌詞:「我想來 一個吻別 作為結束」她輕輕的和音:「想不到你只說我不許哭 不讓我領悟」

年獸和波波掛住食草所以沒有看到他吻她的額頭,不過當她流下兩行清涙的時候波波倒是有察覺主人的情緖波動,發出「嗚嗚」聲。

「得啦。帶你兩個返屋企啦。」她轉身,向墓園揮手說再見:「清明見啦。」

跟手放返年獸入袋,拖埋波波走人。


小城大事篇 完


本來想寫林有容個墳,但係我又想俾結他武士出場先,所以作此安排。

放炮仗嚇年獸是常識吧。

引用《K歌之王》國語版的歌詞來放閃我覺得很應節:D


第二十章 超人的主題曲

二零一八年十月下旬的一個月圓之夜,V大學的一個演講廳內,一個快將成立的新學院嘅院長正在發表演說。他高舉雙手,激動地嗌:「基因改造嘅新人類將會為人類帶嚟新嘅未來!」佢一講完呢句,台上掛著的射燈有兩盞冒出橙色的火花,劈嚦啪啦的小火花微微的閃耀著,但是沒有人看到。


隨著新院長發表的偉論,V大學的土元素急速下跌,以演講廳為中心以同心圓的姿態不斷向外擴大,這個圓形很快就hi到校門外的巴士站和一部停喺度嘅巴士。喺巴士站排緊隊玩手機的學生個個歸心似箭,諗緊放學之後去邊,渾然不覺自己已墮入險境。


V大生死學兼職講師陳彼岸坐在演講廳內強逼自己聽完這個演講,他看著台上的土地頻率降至歷史新低,簡單啲講即係黑到純黑色,突然聽到遠處傳來劃破空氣的聲音。

「Hihi! 係旱魅!」他在心裏大叫,隨即跑出演講廳。

可惜已經太遲了。

校巴司機望吓隻錶,夠鐘,於是打開車門,發動引擎。一眾師生魚貫而上,坐定定之後開車了。

Hihi啦呢舖!


巴士駛向鐵路站,行咗兩分幾鐘,平時用嚟放小型行李嗰個架突然冒出白煙,佇立在巴士上空十五公呎的旱魅揚起嘴角,得意的笑著。

白煙好快就佔據了半個車廂,車入面嘅師生大叫:「火燭呀!停車呀!開門呀!快啲呀!」

司機匆忙熄匙並打開車門,坐喺後排的男學生見到前面咁大煙,顧不得咁多,在手忙腳亂之下又撞又拉,終於打開了緊急車門,並碌咗出去。

「我部機跌咗呀!」
「唔好執啦!咁大煙!會死人㗎!」
另一男學生夾硬拖走咗一個想執返部手機的人,負責守護V大學的土地公就嚟俾班𡃁仔激到嘔白泡。白煙迅速變成灰色,土地公飄在車廂中間的煙霧外側,努力阻擋火勢蔓延。


好不容易等到車內的乘客全部撤離後,土地公在巴士內轉了一圈,在熊熊烈火中確認全員撤離之後才離開巴士。

「唓。」旱魅發出不屑的聲音。

V大學土地公飄在校巴外面,看到有幾名乘客嚇到喊,巴士司機打緊電話叫消防車。有個看起來似係校工嘅乘客彎腰察看跌坐地上的學生並說:「陰功囉。隻腳扭成咁。」

土地公逐個察看乘客傷勢,一個扭親腳,一個跳車時擦損了塊臉。

短短三分鐘,成架校巴燒到得返副鋼架。土地公指著漂浮在半空中的紅衣女子,怒斥:「旱魅!你太過份啦!」


「唓!」旱魅話土地公:「土黑火來,此乃天律。唔滿意嘅,你咪自己同玉帝講囉Z_Zdw。」

「你你你你你你......」土地公俾旱魅激到口窒窒,此時,幫手來了。負責守護呢個區嘅車公趕到。車公頭戴紅帽,身穿紅袍,手持鐵尺,腳踏黑鞋而至。

土地公向車公請安後,車公喝罵旱魅:「大膽旱魅!本帥在此!休得放肆!」

車元帥說罷擺出架式,似要同旱魅打返一場。

[img]https://upload.cc/i1/2019/02/27/WdlRMK.png[/img]
(車公示意圖,造型參照維基百科入面張相)


就在雙方劍拔弩張之際,陳彼岸終於趕到嚟。佢企喺兩方中間嗌咗句:「咪打住!」跟住喘曬氣咁彎腰,雙手按住膝蓋下方,跑到想嘔又嘔唔出,跟住企直返個人,撥一撥頭髮,用手背擦走面上嘅汗。

接著,他拱手向車公行禮,再向土地公行禮,然後用一種cam cam 哋嘅聲線對旱魅撒嬌道:「旱魅姐姐,做乜咁嬲啫?」

穿著紅色紗罩袍的旱魅雙手抱胸,嘺嗔說:「咪因為前面嗰兩個喺度阻住曬囉。人哋燒緊嘢㗎嘛。」

土地公氣得臉都紅曬咁反駁:「你你你你你,燒祭品燒架車就算囉。有人坐喺上面㗎!」


:)lm


旱魅反譏:「咁係佢哋唔好彩。喺我點著火佢哋都仲上車。況且我都冇燒到人:-[。」

「放肆!」車公怒喝。

旱魅擰歪面。

陳彼岸試圖打圓場,對旱魅道:「娘娘息怒吓。而家都俾你燒曬成架巴士囉。滿唔滿意啫?」

旱魅「哼」了一聲說:「本來呢,我見到燒完囉,諗住走㗎咧,點知呢,而家彈咗兩件出嚟阻住曬,咁落台我好冇面㗎嘛。」

陳彼岸諂媚道:「唉唷,原來係咁呀。娘娘唔好嬲吓。我帶咗啲火元素過嚟。睇吓啱唔啱心水吓。」

他隨即從斜孭袋中取出一杯伏特加,樽身嗰張招紙上用紅色印了「ICE」,並拎咗一個紅色很小的塑膠杯出來。


他扭開酒樽的紅色樽蓋,倒入個杯內,倒到八成滿之後,放低隻杯。酒精濃度達47%的烈酒在月光下散發著誘惑的氣息,綠色草地上的酒杯擺好供奉的氣息。

陳彼岸右手在酒杯旁向旱魅側手說:「旱魅姐姐請慢用。」

[img]https://upload.cc/i1/2019/02/27/b97dXW.png[/img]

(示意圖)

飄在空中的旱魅目光向下一掃,杯內的酒精隨即見底。她說:「哼。我今日就俾個面你。費時打人。哼。」她說完轉身飄向遠方。


企喺隔離好耐都冇戲份嘅車公在旱魅飄走後大罵陳彼岸:「你個衰仔。自古正邪不兩立,你竟然向旱魅跪低!」

陳彼岸說:「咁我可以點喎?唔通睇完你三個打呀?況且佢燒完車,土元素都升返上嚟囉。佢又冇燒到人,都唔算咩大奸大惡之輩呀。」

車公大喝:「你個混帳!顛倒是非!」

土地公在一旁幫拖說:「元帥息怒。佢哋呢啲左膠教出嚟嘅人,就係鍾意混淆是非㗎啦。」

車公舉起鐵尺說:「好!就等今日打醒你個孽障。」

土地公捉實把鐵尺,制止道:「元帥唔好呀。V大學得返佢一個信神咋。打死咗成間大學就冇得救㗎啦。」

車公「唏」了一聲,硬生生的收起鐵尺,非常無奈咁講咗句:「我冇眼睇啦!」跟住返去廟度。


留下陳彼岸和土地公相對無言。

土地公試圖打破沈默,向陳彼岸說:「你頭先跪阿旱魅真係跪到貼曬地咁濟喎。」

陳彼岸道:「冇計啦。呢排電視台狂播宮鬥劇,夜晚開電視嗰陣唔小心俾佢影響到:-(。」

土地公叮嚀陳彼岸:「咁你小心啲啦。」

陳彼岸回答:「會㗎啦:-(dw。」

土地公問他:「嗰間新學院真係要起呀?」

陳彼岸答:「唔知㗎。都冇動工。再唔係,到時見步行步囉。」

土地公說:「咁你多多保重啦。」

陳彼岸:「你都係#bye#。」


#bye#dw



第二十章 完


燒巴士單嘢好明顯係取材自中大。

發表偉論件事與CU無關。

V大學的原型有參考過CU,所以係車公主場。

祭祀嘅嘢,其實簡簡單單落百佳買$19.9兩支的廣東米酒亦得。

第二十章用嗰支伏特加我記得以前英國嘅超級市場賣兩英鎊一支。酒精濃度我不記得了:Ddw。但係個樽身我記得係霧面,不是hktv mall嗰隻透明樽身。


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 26/4/2019 3:53
今天貼文總數: 390 | 累積文章數目: 6,492,132

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.