主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 開
[Youtube 預覽 - 關]  [大字型]  [小字型]

您現在聚腳在 講故台內。

將已解封的舊帳戶升級高級會員

我們上年12月曾解封部分只輕微觸犯版規或懷疑被駭的帳戶,但有會員反映一些於2009年前登記的舊帳戶在解封後未有自動升級為高級會員,現在我們已將該批帳戶升級,謝謝。
精選文章

跳至第

發起人
(奇幻、勵志)我入娛樂圈不是當茄喱啡,而是當偶像的。
606 個回應
文光義從陳依官等人身上打探了我的消息,得知自強會曾經為現任石梨區區議員包海瑞站台,為對方能夠在兩大陣營中脫穎而出贏得議席;又得知我與近期炙手可熱的神探房侍農有良好關係,他利用我的人際網絡去提升我個人的商業價值。

文光義目光如炬、長袖善舞、深諳營銷之道,他得知葵青區議會在除夕晚上於葵芳運動場舉辦大型的慶祝晚會,於是先聯絡包海瑞。包海瑞是隸屬該區的其中一個議員,亦是該區唯一一個沒有任何政黨的議員,文光義看準兩大敵對陣營誰也不服誰的形勢,他要包海瑞在會上提議我成為慶祝晚會的表演嘉賓,果然兩派提出邀請的歌星、明星都遭到對方的反對,這便造就了我成為慶祝晚會上的唯一一位表演嘉賓。

由於只有我一個表演嘉賓的關係,所以整個慶祝晚會便變成了我的個人演唱會,文光義要陳依官儘量呼籲自強會的成員來撐場,最後陳依官結集了三百多人來到現場支持我。


這晚我足足唱了十多首歌,我站在台上時,看到台下很多觀眾高舉支持我的旗幟與標語;當我唱畢一首歌後,台下歡呼、尖叫、喝采應接不絕。

演唱會,不,晚會舉行到一半的時候,居然讓我發現房侍農與水桂麗均坐在嘉賓席裡,房侍農與我四目交投,他向我豎起了拇指。瞥眼間我留意到房侍農與水桂麗之間坐著一位貌似陳欣健的中年男人,水桂麗一臉恭敬的與那名男人說話,而那名男人則臉帶微笑地點頭。

晚會將近尾聲,司儀走到台上進行壓軸的幸運輪大抽獎,我完成了表演,從台上走下來,房侍農滿臉堆歡走到我面前,道:「阿志,你就叻仔啦!入娛圈食大茶飯。」

我打量了房侍農一眼,道:「唔好玩我啦!房幫辦,睇你個面相紅粉緋緋、雙眼炯炯有神,近排應該事業愛情兩得意啦!」

「依啲都係多得師父佢老人家在天之靈庇佑住我,上頭見我最近打擊區內黑社會入侵學園嘅行動成績卓越,加上我之前破咗單殺警三屍案,為警隊樹立良好嘅形象,PPRB搵我做警隊嘅形象大使,打算拍攝一輯防止罪行發生嘅資訊節目叫做『四點鐘房SIR』。」

我聞言一臉錯愕,道:「『四點鐘房SIR』?」


我的反應讓房侍農感到尷尬,道:「仲乜咁嘅樣啫?之前黃三日都拍咗套以我為題材叫悍探之金鎗不倒嘅電影啦!仲收成千萬票房。我知我依家個款稱唔上靚仔,但唔係一定要靚仔先可以拋頭露面啫?男人有才華都可以出鏡架嘛!好似阿志你咁,你嗰樣都唔掂啦!但係你有才華,咪一樣可以上台唱歌表演,你同我嘅勵志故事可以話畀一啲生得樣衰嘅男人聽,唔一定要生得靚仔先可以做幕前嘅。」

「喂!等等,你樣衰你事吖!做乜要拉埋我講啫,靚仔有好多種,唔一定要眼大大、刀削面先叫靚仔,就算我依啲唔叫靚仔,都叫做型仔囉!唔該。」

「阿志,你信阿叔啦!阿叔做咗幾十年人,靚仔你故之言唔係,型你都稱唔上囉!」

正當我們爭論型的定義之際,水桂麗走過來,道:「喂!你地嘈咩野啊?房侍農,我唔係叫你帶阿志去見馬SIR咩?」

我愕然瞧向房侍農,房侍農拍了額頭一下,道:「差啲唔記得咗添。」

我聞得要見那個什麼馬SIR,很自然生出抗拒之心,問道:「做咩要見嗰個馬SIR啊?我依啲一等良民,無犯過事架!」

話雖如此,但我記起上星期自己因為趕時間的緣由,而在紅燈亮起的時候橫過馬路,他不會要寫告票給我吧?

房侍農搭著我的肩膀道:「依層我當然知啦!你仲攞過好市民獎,而且你成立嘅自強會仲協助警方打擊區內嘅黑社會添,依啲我都已經同咗馬SIR如實稟報。」

我還未弄清楚發生什麼事,水桂麗道:「阿志,馬SIR係PPRB嘅現任主管,警方希望搵一位有號召力嘅年青人偶像做滅罪大使,所以馬SIR今日嚟到依個
慶祝晚會到揀卒啊!」


水桂麗拉著我走到那位與陳欣健長得很像的馬SIR面前,馬SIR很用力的握著我的手,道:「你就係成皇志喇!madam water同房幫辦將你啲野同咗我講,你有勇有謀、加上仲咁有正義感,真係難得!難得!」

我瞧了瞧水桂麗與房侍農一眼,最後焦點回到馬SIR身上,他道:「相信房幫辦都同你講咗,我地PPRB想搵一個年青人嘅偶像做警隊嘅滅罪大使。因為我對本土嘅偶像歌手唔係好熟悉,所以請madam water同房幫辦幫手,佢地推薦咗你,於是我今晚就落嚟現場視察,親眼所見現場有幾百人都係你嘅支持者,你完全符合我地嘅要求,我地PPRB打算請你做警隊嘅滅罪大使。」

我聞言呆呆的瞧著三人,此時文光義突然走出,他向馬SIR伸出手,道:「馬SIR,你好,我係成皇志所屬藝員公司dream music嘅經理人,我地公司好榮幸同警方合作。」

馬SIR與文光義握手,笑道:「你地啲年輕人好鍾意戴太陽眼鏡架?連夜晚都要戴住。」

文光義笑道:「其實我都唔想戴住,不過醫生咁建議,我只好聽醫生講。」

文光義與馬SIR商討合作的細節,房侍農拉我到一旁,他道:「嗰個文光義唔簡單啊!」

我恍然道:「你嘅意思係佢叫你咁做?」

房侍農點頭道:「佢透過陳依官聯絡我,佢唔知喺邊到知道PPRB搵緊藝人做滅罪大使,佢又知道madam water同PPRB嘅馬SIR好熟,所以就叫我拉馬SIR落嚟睇你表演,初時我諗緊就算馬SIR嚟到現場都未必會揀你,但係點知咁大個慶祝晚會淨係得你一個歌手。」

我苦笑道:「如果我話依啲都係佢嘅安排,你信唔信啊?」

於是我把文光義如何利用兩大政黨的矛盾從中取利的事告知房侍農聽,房侍農聽畢嘆道:「依條友都機關算盡,咁嘅連環計一環扣住一環。有佢依個諸葛亮幫你,你年尾個四台新人金獎實走唔甩啦!」

「依家先年頭,年尾嘅頒獎禮係好遙遠嘅事喎!」

話雖然這樣說,可是我知道成為了警隊的滅罪大使,對我的形象有著難以估計的正面影響,文光義真的是一位一流的經理人,這樣做勢的方法都給他想出來。

「成皇志。」一把熟悉的聲音響起。

我回頭一看,赫然發現呂世伯居然站在我的面前。


多文:P


#hoho# #yup#


#hoho# #yup#


滅罪大使型喎~~~ #kill#


果個年代啲CD仲好賣得, 歌手應該都仲好搵到錢下, 發達大計~~~ :-[bg




嗰陣CD要攞白金唱片要五萬隻

依家賣到五千隻已經要開香檳[sosad]

依家嘅人好多都係上網買歌返嚟,cd就快會變集體回憶添架啦[sosad]


#hoho# #yup#


#hoho# #yup#


Chapter 10 醜聞(上)

「呂世伯,你咁啱經過依到啊?」

在這慶祝晚會上居然會遇見呂世伯,我不禁感到驚喜。

呂世伯親熱地挽著我的肩膀,道:「成皇志,我今日專誠嚟架!你經理人之前已經聯絡過我。」

我有點摸不著頭腦,道「文光義叫你落嚟睇我演出?」

呂世伯笑道:「我今日嚟唔止睇SHOW,仲係嚟傾生意。」

「傾生意?嚟依到傾生意?同邊個傾啊?」我愕然道。

「我公司嚟緊打算搵你做代言人,兼且拍廣告、贊助你出CD。」

我目瞪口呆之際,有人喊道:「阿呂!」

「喂!阿陳!依位就係我同你提起嘅成皇志喇!」呂世伯向我介紹道:「阿陳同我識咗好多年喇!佢公司代理咗好多外國時裝嘅品牌架!」

那位阿陳有著一位成功人士應有的禿頭和大肚腩,他熱情地握著我的手,道:「你就係成皇志喇!阿呂話你係一位好有潛質嘅樂壇超新星,仲勁過嗰個香圖圖,我初時都唔信,依家嚟到現場,發現你有成幾百個FANS喺現場,想唔信都唔得啦!」

此時,文光義走過來,道:「阿志,我同PPRB嘅馬SIR傾好咗合作嘅細節,嚟緊警方會搵你做滅罪之星,出席警方一連串嘅公開活動,同拍攝短片,呼籲青少年唔好誤入歧途。」

阿陳聞言訝道:「吓!警方搵你做滅罪之星?」

文光義轉向阿陳,伸出手道:「陳笑奇先生,好多謝你地公司之前贊助阿志嘅服裝。」

原來之前文光義替我找來的服裝贊助,就是來自眼前這位陳笑奇。等等呂世伯與陳笑奇那麼熟絡,難道就是因為呂世伯這一層關係?不然我這個不入流的藝人,任憑文光義巧舌如簧也難以說服這些生意人去贊助我。

阿陳笑道:「我地公司最近想搵一位形象健康正面嘅年輕偶像做代言人,唔知你地有無興趣呢?」


文光義立時道:「可以同貴公司合作,係我地dream music同阿志嘅榮幸。」

文光義再次擔當經理人的角色,替我與陳笑奇商討合作的細節,而我則與呂世伯走到一旁暢聚舊情。

我問道:「呂世伯,係咪你叫嗰個陳笑奇贊助我架?」

呂世伯點頭道:「之前你經理人文光義嚟搵過我,希望我可以喺服裝上贊助你,但係我嘅業務只係眼鏡,無做開服飾嗰方面,於是我係咁意問下個老朋友有無興趣啫。」

這時我才知道呂世伯是做眼鏡生意的,我又想到呂世伯一直以來都很照顧我,之前他還說可以資助我到英國讀書,以避開湯仲謀將來的復仇,那麼陳笑奇願意贊助我,也是看在呂世伯份上,我道:「我之前只係一位臨時演員,完全無知名度,我唔相信佢會有興趣投資喺我身上,我諗我又欠咗呂世伯你嘅人情喇!」

呂世伯拍了拍我的肩膀道:「舉手之勞啫,我只係喺老陳面前提過下你個名,佢搵你合作,係覺得你可以為佢間公司帶嚟正面嘅宣傳效果。」

呂世伯與呂伯母就是這樣,他們施恩不望報,而且還會顧及別人的顏面,幫了人家,還說得輕描淡寫。

我感激道:「呂世伯,多謝你啊!我依家只係喺娛樂圈剛剛起步,你唔單止推薦我畀你啲朋友,仲搵我做你公司嘅代言人。」

呂世伯笑道:「成皇志,我係相信我自己嘅眼光先投資喺你身上,就好似買股票咁,我睇好一隻股票,當然係趁低吸納啦!唔通等高位先追咩?我睇好你架!我做眼鏡生意,睇人好少跌眼鏡架!哈哈哈!」

呂靜宜一家,無論是呂世伯、呂伯母、呂靜宜、Humphrey都對我很好很好,認識了她們一家人是我的福氣。

呂世伯瞥向與陳笑奇談笑生風的文光義一眼道:「成皇志,你有一位好嘅經理人,嗰個叫文光義嘅年輕人係一位奇才,佢知道我地啲商家佬對你依位名不經傳嘅新人無信心,所以佢叫晒我地落嘅現場睇你嘅演出,依家見到你咁多支持者,再加上知道你做咗警方嘅滅罪之星,自然對你多咗好多信心啦!不過話時話警方有咁多明星都唔揀,淨係揀你依個新人,我相信你開始行運喇!」

我苦笑道:「呂世伯,依方面唔係我好彩啊!係文光義刻意經營返嚟架!」

「吓!有啲咁嘅事?」

我把文光義如何利用葵青區議會兩大黨不和的漏洞,讓我成為晚會的唯一表演嘉賓;又如何動員自強會的會員為我造勢;又如何利用水桂麗、房侍農與PPRB主管熟絡的優勢,讓我成為滅罪之星的唯一人選。

呂世伯這位生意人聞言,讚嘆道:「睇佢個樣咁後生,估唔到諗嘅野可以諗得咁周詳,好一條連環計,先為你建立一個正面形象,再去提升你個人嘅商業價值,厲害!厲害!」

這麼厲害的文光義居然要委屈自己在dream music工作,這才讓人覺得奇怪。


今晚上機去日本,下次更新故事要下星期

各位下星期見#bye#


今晚上機去日本,下次更新故事要下星期

各位下星期見#bye#


#bye# #bye# #bye#


今晚上機去日本,下次更新故事要下星期

各位下星期見#bye#



#bye#


今晚上機去日本,下次更新故事要下星期

各位下星期見#bye#

#bye# #bye# #bye#


哈哈 滅罪大使嘅老豆有犯過罪[369]


#hoho# #yup#


#hoho# #yup#


睇CHAPTER10個標題就知大鑊了:~(


今晚上機去日本,下次更新故事要下星期

各位下星期見#bye#



要餓文了:~(
春巴玩到開心啲~~ enjoy~~ #yup#


睇CHAPTER10個標題就知大鑊了:~(


你估文仔會拆唔掂呢單野咩?

Hello kitty案女受害人無死,只要搵返佢出黎煲一煲,果頂無上光環保證燦得盲任何人。


#hoho# #yup#


今晚上機去日本,下次更新故事要下星期

各位下星期見#bye#

#bye##bye#


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 25/6/2019 1:32
今天貼文總數: 761 | 累積文章數目: 6,519,623

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.