主頁 高登熱話 吃喝玩樂 科技消費 名人專訪 短片
現有會員可[按此]登入。未成為會員可[按此]註冊。
[公司模式 - 關]  [懷舊模式 - 關
[Youtube 預覽 - 關]  [大字型]  [小字型]

您現在聚腳在 講故台內。

【再負荊請罪】全新高登官方app HKG正式上架 會員永久免廣告
是咁的,2016年年尾,我因為忽略會員對手機程式o既需求,做o左一個不明智o既決定,加上一直未有好好回應會員平日訴求,最終令唔少會員不滿。事件並唔單單影響我,亦影響一直以來熱愛高登o既每一名網民,為此再向各位表示衷心歉意。:-(

或者有巴打會講,寫好隻app自然會有人回家。我唔否認自己曾經都抱過呢種僥倖心態,但沉思過後,我明白其實只係寫好一隻app並不足夠,要為高登會員做o既事情實在太多,包括提升網速同改善伺服器穩定、維護自由o既討論空間、鼓勵會員參與創作及討論等。因為,高登最珍貴o既係每一位會員,所以落足心力滿足會員訴求係高登o既首要任務。 ......
精選文章
DeerGamer

跳至第

發起人
(奇幻、勵志)我入娛樂圈不是當茄喱啡,而是當偶像的。
826 個回應
Chapter 4 銀婚夜宴(上)

回到公司,KYLE對我說,他打算在蔣天殺的銀婚紀念當晚,送對方一塊刻著永結同心的金牌。他覺得黃金有情比金堅的意思,對方收到dream music所送的金牌,一定會明白自己的心意,可是我覺得當晚的賓客非富則貴,他們所贈送的禮物定必比KYLE所送的名貴不知多少倍,更何況蔣天殺是什麼人,區區一塊金牌焉能在對方心中留下印象。

於是我另有打算,趁著今天沒有工作,要游大輝陪我到圖書館搜集資料。

我們拿了一堆報紙,走到圖書館最後一排書架前席地而坐,游大輝打著呵欠與我一同翻閱舊報紙,我吩咐道:「記住幫我留意下有無關於蔣天殺夫婦嘅報導。」

游大輝抱怨道:「點解你唔搵其他人,係都要我晨咁早就同你嚟圖書館摷舊報紙啊?」

「其他人都要返學,係你雙失先咁多時間咋!你橫掂都係喺屋企HEA架啦!不如幫下朋友手啦!」

游大輝申辯道:「咩啊!今年我係以自修生嘅身份報考會考架!」

我一邊翻著報紙,一邊道:「咁你有無溫書?有無補習吖?」

「依家十一月之嘛!過多一排先啦!大把時間,我唔會迫得自己太緊架!」

我冷笑一聲,道:「哼!睇嚟出年你都預備炒多次。」

這時,我找到了關於蔣天殺夫婦的報導,於是拿出剪刀,喚道:「大輝,幫我睇水。」


游大輝見狀愕然道:「嘩!城隍廟,你做咩啊?你咁樣做,俾人見到唔係咁好啊!」

「資料搜集啊!啲舊報紙都無乜人睇,你都幫下眼啦!見到有蔣天殺夫婦嘅新聞就幫我剪低。」

這時,我見游大輝亦拿起了剪刀,剪下了一角報紙,我問道:「睇過,篇報導講咩架!」

我把視線轉到游大輝手上的報紙,瞥見游大輝手上拿著的剪報與蔣天殺沒有半點關係,而是在群星當中有著宛琳珊的身影。

游大輝珍而重之藏起剪報,道:「珊珊真係天生麗質,拍埋其他明星一啲都唔輸蝕。」

我看著游大輝這種痴漢的表現,皺著眉道:「雖然宛琳珊同陸永祥分咗手啫,但係你嘅機會其實都接近零,佢入得娛樂圈都係貪慕虛榮架啦!」

游大輝搖頭道:「城隍廟,你太唔了解珊珊喇!佢唔係你想像中咁貪錢架!只係佢因為童年屋企嘅不快經歷而缺乏安全感,同埋佢個人係有啲自卑,羨慕人地屋企環境比佢好。」

「依番說話係佢同你講,定你自己腦內補完?」

「城隍廟,總之你當我係朋友,就幫我睇住珊珊啦!我知道娛樂圈品流複雜,入面有好多披住人皮嘅豺狼,珊珊依啲純純兔喺狼群入面好危險,佢地好大機會威迫利誘去令珊珊墜落,我唔想佢受傷害啊!你一定要幫我睇實佢啊!」


其實我想說,我和宛琳珊雖然是同一個大老闆,但是份屬不同公司,平時很難與她見面;而且以宛琳珊對名利這麼渴求的態度,說不定她會答應那些電視高層、電影監製提出的等價交換,游大輝要我照顧宛琳珊,可能對方還會覺得我礙事呢?

不過我看到游大輝眼神流露出懇切,我又不忍說出以上的說話,不竟我亦和他一樣,曾我經亦對管佳莉有一份近乎病態的執迷,所以我只是點了點頭。

我們繼續翻報紙,游大輝抱怨道:「成皇志,你打算搵到幾時啊?咁樣做好無效率,既然你咁想知道嗰個蔣天殺嘅野,點解唔去直接問佢,又或者問佢啲身邊人都可以架!」

我聞言嗤之以鼻,正想駁斥游大輝,我根本沒法接近蔣天殺。倏地我腦海靈光一閃,我沒法接觸蔣天殺,可是海芙蓉這種級數的大明星,一定會知道蔣天殺夫婦很多事情,我何不向海芙蓉下手呢?


會唔會靠阿興果條線去接近蔣氏?


會唔會靠阿興果條線去接近蔣氏?


主角細佬遇到的不是蔣天誅咩:O


#hoho# #yup#


好正

覺得春巴開始上力


飯後推


#kill#


#hoho# #yup#


#hoho# #yup#





#hoho# #yup#





好鍾意春泥呢兩個字#hoho#

你都係泥喎[sosad]


多謝各位支持

雖然依到少人啲

但係都仲見到幾位熟悉的臉孔[sosad]


於是我坐言起行,單獨去拜訪海芙蓉,向她詢問關於蔣天殺夫婦的事情,海芙蓉訝道:「吓!你想知道蔣生蔣太咁多野嚟做乜啊?」

「其實我想作一首歌,用嚟祝福蔣生蔣太佢地嘅銀婚紀念,所以想知道關於佢地嘅野,刺激我嘅創作靈感。」

海芙蓉聞言讚道:「哦!依個好主意吖!我知道有好多人打算送名貴嘅禮物去賀蔣生蔣太,但係佢地咁有錢,物質上面無咩缺乏。我知道佢地好欣賞有才華同學問嘅人,你作首歌畀佢地,仲好過送舊金比佢地啦。」

之前我在圖書館作資料搜集時,得知蔣天殺經常客串一些電影,他本身很尊重一些有文化、有才華的人,所以便有「寫」一首歌賀他銀婚紀念的打算。其實正如海芙蓉所說,與其送一些對方不重視的禮物,不如投其所好,到時我在台上為他高歌一曲,怎也比送他一塊普通金牌,更能讓對方留下印象吧?

海芙蓉績道:「其實如果你想搜集更多蔣生蔣太嘅資料,我可以幫你約學勤吖!佢知道你想作歌畀蔣生蔣太,一定好願意幫助你。」

海芙蓉口中所說的學勤,是蔣天殺的大兒子蔣學勤,年紀輕輕的蔣學勤已經是掌天下娛樂集團的高層,協助父親打理電影公司,為人也算隨和。

海芙蓉替我約了蔣學勤,蔣學勤的樣子沒有他父親那麼有兇悍,多了幾分孩子氣,臉上的線條柔和了不少。

我自我介紹一番,並說明來意,蔣學勤聞言道:「哦!阿志,原來你係我地公司嘅員工嚟,係呢!芙蓉同我講過你想寫首歌畀我爸爸媽媽,你想我點幫你吖?」

「係,蔣生…」

「依到唔係公司,你叫我學勤得架喇!」

「哦!咁…學勤,我想睇下你地一家人嘅相簿,唔知方唔方便呢?」

蔣學勤拿了不少相薄給我看,我翻閱著相薄,相片滿載二人的回憶,我道:「兩個人一齊生活廿五年真係唔容易,更何況蔣生蔣太面對咁多風浪。阿…學勤,你就最清楚蔣生蔣太嘅事,我想請你一齊幫忙去完成一份禮物,作為祝賀佢地結婚廿五周年嘅禮物。」

蔣學勤一臉訝異的瞧著我。


今天,我如常一有空便到暉洋的錄音室練歌,因為植爺的關係,我可以免費使用這裡的設施,但前題當然是這裡沒有人使用。

暉洋道:「喂!阿志,嚟緊四大頒獎禮,你著咩衫出席啊?」

「吓!我都無任何派台歌,邊有資格去喎?」

「咩無啊!樹安、近近首會過去的咪有你份囉?首歌好HIT,年尾好大機會會攞獎。」

暉洋這麼說,我才記起是什麼的一回事?

事緣當初我與呂靜宜在1998年的聖誕歌唱比賽裡合唱這一首會過去的,可是當時我的樂理不過是業餘水準,所奏的樂曲只有原版的六七成,暉洋看不過眼我糟塌了一首好作品,於是替我改良成現在這個派台版本(其實他根本是原作者)。另外,當夜我和呂靜宜在尖沙咀海旁合唱出會過去的,有旁人記下了不太完整歌詞,在街上哼唱,恰好被這首歌的原填詞人懷文聽見,於是他寫下了這首會過去的的整首歌詞。懷文呈上的歌詞被植爺發現,居然與我之前所「作」的詞一模一樣,懷文被人懷疑抄歌(其實抄歌的人是我),懷文堅稱自己是原創,弄出了羅生門兩個版本。

我明白是什麼一回事,於是主動聯絡懷文。

懷文道:「我係一位專業嘅作詞人,絕唔容許自己剽竊其他人嘅作品,既然依首詞係你寫先嘅,我會同返唱片公司講依首歌嘅詞係你寫嘅。」

我先拍一頓馬屁,道:「實不相瞞,其實我一直好欣賞懷文你嘅為人同埋才華,以你一位才華咁洋溢嘅作詞人嚟講,緊係不屑去抄襲其他人嘅作品啦!一切都係純熟巧合啫!」


懷文聞言,臉上的表情沒有那麼繃緊,我續道:「懷文,不如咁啦!喺作詞人上面加返我個名,我地兩個都係依首歌嘅作詞人,咁樣你覺得點吖?咁樣人地問起依件事,就話我地聯合創作,好多音樂作品都唔只一位作曲人、填詞人啦!如果你唔應承,咁依件事又會畀記者炒作,到時又係煩。」

懷文皺著眉道:「咁樣你好似好蝕底喎?」

「點會啊?我賺咗就真,我成皇志有阿水識我咩?你懷文就唔同喇!我個名痴埋你到,一定多咗人留意,一於就咁話啦!好唔好啊?」

懷文對我這個提議甚是滿意,他點頭道:「好,一於就咁決定。」

「多謝你啊!懷文,以後要請你多多指教。」

「唔好講啲咁嘅野,大家都係樂壇嘅一份子,好應該互相扶持。」

多一個朋友,總勝過多一過敵人,其實這首會過去的原本與我沒有關係,現在這首歌的作曲者、填詞人一欄上加上我的名字,而且又交了懷文這個朋友,真是賺了。

之後,我沒有留意這件事的後續,其實應該說我沒有意識到我是這首歌的其中一位創作者,所以我並不知道這首歌現時是多麼受歡迎的。


#hoho# #yup#


#hoho# #yup#


#hoho# #yup#


多謝各位支持

雖然依到少人啲

但係都仲見到幾位熟悉的臉孔[sosad]

支持者唔少的,有好多人唔出聲:D


多謝各位支持

雖然依到少人啲

但係都仲見到幾位熟悉的臉孔[sosad]

支持者唔少的,有好多人唔出聲:D

有啲可能係cd rom..:D


#hoho# #yup#


跳至第



  快速回覆 - 輸入以下項目

本討論區現只接受會員張貼文章,本站會員請先登入。非會員人仕,您可以按此加入為新會員,費用全免,並可享用其他會員服務。


上次光臨時間: 20/8/2019 10:43
今天貼文總數: 513 | 累積文章數目: 6,546,809

聯絡我們 | 服務條款 | 私隱政策 | 廣告查詢 | 職位空缺
Copyright © 2019 HKGolden.com. All Rights Reserved.